Acts 24:10 - The New Testament in Islander Creole

¹⁰ Dah wehn Paul torms now fi klier ihn niem, so di govana nad tu im fi tel im seh dah fi him taim fi taak. So Paul staat: “Ah nuo, Saar, seh yuu dah wan joj uova dis nieshan fi plenty yierz, so Ah stan op fronta yu wid kanfidens iina yuu az Ah put out mi kies.

Acts 24:10 Iomraidhean Croise

1 Peter 3:15

Insida dat, unu fi waaship Christ az Laad a unu laif. Ahn if enybady aks unu bout di huop weh unu gat bikaaz unu dah wan biliiva, unu fi redy fi eksplien ih tu dem.

Acts 26:1

Den Agrippa seh tu Paul, “Go hed ahn taak; difen yoself!” So Paul strech out ihn han ahn staat difen ihnself.

Acts 23:24

Paul gwain niid haas tu, fi ker im sief tu Felix, di govana.”

Acts 21:40

Di man gi Paul pormishan, ahn Paul stan op pahn di tap step, ahn ihn huol op ihn han fi di pipl dehn les naiz. Ahn wen dehn les naiz ahn stap baal out, ihn staat taak tu dem iina di Hebrew langwij deh seh:

Acts 19:33

Now di Jew dehn shub Alexander op dah front fi eksplien weh wende hapm. So, ihn put op ihn han fi dehn les naiz, ahn ihn staat eksplien.

Acts 18:15

Bot bikaaz dah wan aagyoment bout wod ahn ada likl tingz weh iina fi unu uon laa, unu trash'ih out mongs unuself. Mii no deh joj demya kain a tingz.”

Acts 13:16

Den Paul stan op, huol op ihn han ahn seh, “Unu man fram Israel, ahn aala unu Gentile pipl weh ana God tu, hier weh Ah gat fi seh!

Acts 12:17

Peter lif op ihn han fi dehn les naiz. Den, ihn eksplien ahn tel dem how di Laad ker im outa di jiel. “Unu tel James ahn di res a di biliiva dem weh wehn hapm tu mi,” ihn seh. Ahn den ihn lef ahn gaan wan nada plies.

Luke 18:2

Ihn seh: “Iina wan sortn sity dehn wehn gat dis joj weh neva gat no rispek fi nonbady; ihn neva iivn fried fi God.

Luke 12:14

Jesus seh, “Man, nonbady neva gi mi di rait fi fiks inheritans uova lan prablem bitwiin di two a unu.”

Luke 12:11

“Ahn wen dehn ker unu tu di liida dem iina di sinigag, or di ruula or ada pipl dem weh gat powa, unu no fi fret bout how unu gwain difen unuself, or weh unu gwain seh,