Acts 23:1 - The New Testament in Islander Creole

¹ Paul luk striet pahn di memba dem a di Kongsl ahn seh, “Bredrin, op tu dis die Ai gat wan klier kanshans fronta God.”

Acts 23:1 Iomraidhean Croise

Matthew 5:22

Bot now Ah deh tel unu: enybady weh gat iin fi ihn breda, gwain pie. Ahn enybady weh tel ihn breda ‘donsy hed!’ gwain get ponish fronta di Kongsl. Ahn enybady weh seh ‘Yo fuul yo!’ gwain gat gilt tu, nof fi go iina hel faiya.

Acts 22:1

“Bredrin, yong ahn uol, hier weh Ah gat fi tel unu!”

Acts 22:30

Now di komanda wehn riily waahn nuo fi chruut dah wai di Jew pipl dehn wehn afta Paul. So di neks die ihn tek aaf di chien dem ahn ihn aada di chiif priis dem ahn di huol Kongsl fi kom tugeda. Den ihn ker Paul fronta dem.

Acts 22:5

Unu kyan aks di Chiif Priis or enybady weh iina di Kongsl a Liida dem, ahn dehn gwain tel unu seh dat dah chruut; dehn nuo mi gud. Dehn wehn iivn gi mi som leta fi ker tu di Jewish Kongsl dah Damascus so Ah kuda grab di pipl dem ahn ker dem bak dah Jerusalem fi mek dehn ponish dem.

Acts 23:15

So weh unu kyan du dah priten seh unu waahn fain out muo fahn im bout dis huol mata. So unu —lang wid di houl Kongsl— aks di kyapm if ihn kyan sen im bak fi unu kwestyan im. Bot bifuor ihn iivn kom fronta unu, wii gwain mek wiself redy fi kil im.”

Acts 23:20

Paul nefyo tel im, “Som Jew gwain aks yu fi ker Paul dah dehn Kongsl tumaara ahn priten seh dehn waahn aks im som kwestyan fi get muo informieshan,

Acts 23:28

Afta dat, Ah ker im fronta dehn Jewish Kongsl fi trai fain out dah weh dehn dinouns im fah.

Acts 23:6

Now, Paul riiyalaiz seh som a di man dem weh wehn dedeh dah wehn Sadducee liida ahn som dah wehn Pharisee. So ihn hala out seh, “Bredrin, Ai dah wan Pharisee ahn di son a wan Pharisee! Dah bikaaz a weh Ah biliiv seh di ded gwain riez bak tu laif, wai dehn haal mi iina dis kuot!”

Acts 24:16

Sieka dis, Ai aalwiez trai mi bes fi kiip wan klier kanshans fronta God ahn wid mi nieba iina evryting weh Ah du.

Acts 6:15

Wen dehn seh dat, aala di liida dem iina di Kongsl staat luk striet pahn Stephen, bikaaz ihn fies wende staat shain laik fi wan ienjel!

1 Corinthians 4:4

bikaaz iina mi haat Ai no tink seh Ai gilty a notn. Bot dat no miin Ai neva gat non faalt ataal. Dah di Laad ihnself dah di Wan weh gwain joj mi.

2 Corinthians 1:12

Wan ting deh, weh wi proud bout: wi kanshans klier-klier seh wi wehn aalwiez diil wid unu iina wan aanes, ahn sinsier, ahn gadly wie wen wi wende wid unu. Wi wehn aalwiez dipen pahn God gries, ahn no pahn wi uon hyuuman wizdom. Ahn dat dah how wi ak wid evrybady, speshaly unu.

2 Corinthians 4:2

Wi no gat notn fi du wid dehn siikrit ahn shiemful tingz weh pipl du. Ahn wi no deh trai fuul nonbady op, nar twis'op God mesij niida. God dah wi wiknis seh wi deh tel di chruut, so dat di pipl dem kyan nuo iina dehn haat seh wi no deh tel non lai ataal.

2 Timothy 1:3

Timothy, mi son, Ah aalwiez memba yo iina mi praya dem. Die ahn nait Ah gi God tanks fi yu, az Ah deh sorv di Laad wid wan kliin kanshans, jos laik weh mi ansesta dem yuuztu du.

Hebrews 13:18

Ahn no farget fi prie fi wi tu, bikaaz wi shuor seh wi kanshans klier, sieka wi waahn du di rait ting aal di taim.

1 Peter 3:16

Bot unu fi du'ih iina wan nais wie ahn wid rispek, so dat unu kyan stie wid wan kliin kanshans. Den, if som pipl taak bad bout unu, dehn gwain fiil shiem wen dehn si di gud laif unu liv, bikaaz unu dah fi Christ.