Acts 21:16 - The New Testament in Islander Creole

¹⁶ Ahn som a di disaipl fahn Caesarea wehn kom wid wi; ahn dehn ker wi dah dis man hous weh wehn niem Mnason. Him dah wehn fahn Cyprus ahn dah wehn wan biliiva fahn lang taim.

Acts 21:16 Iomraidhean Croise

Acts 10:24

ahn di neks die dehn get dah Caesarea. Now Cornelius wende wiet fi dem ahn ihn wehn aks aal ihn famaly ahn kluos fren dem fi kom tu.

Acts 10:48

So, Peter aada dem fi get baptaiz iina di niem a Jesus Christ. Den afta dat, Cornelius beg im fi stie wid dem fi som diez.

Acts 11:19

Now, plenty biliiva wehn skyata aal bout di plies sieka di teribl tingz weh dehn wehn gaan chruu afta Stephen ded. Dehn gaan az foor az Phoenicia, Cyprus ahn Antioch, ahn dehn shier di mesij, bot ongl wid di Jew dem.

Acts 15:39

So Paul ahn Barnabas gat big aagyoment uova dis, ahn dehn disaid fi go dehn uon wie. Barnabas ker Mark wid im ahn siel, gaan dah Cyprus;

Acts 15:7

Ahn afta dehn spen wan lang taim deh taak bout'ih, Peter get'op ahn seh, “Bredrin, unu nuo seh lang taim now God wehn pik mii fahn mongs unu fi go priich di gud nyuuz tu di pipl dem weh dah no Jew, so dat dem kuda biliiv tu.

Acts 21:8

Di neks die wi gaan fahn deh ahn den wi get dah Caesarea. Dehso wi stie dah Philip hous —Philip dah wehn di wan weh priich di gud nyuuz, ahn dah wehn wan a di seven man weh dehn wehn pik out iina Jerusalem.

Acts 4:36

Now, dehn wehn gat wan man niem Joseph weh wehn kom fahn di traib a Levi. Ihn wehn baan pahn Cyprus ailant, ahn di apasl dehn kaal im Barnabas —weh miin Di Wan weh Inkorij Ada Pipl.

Acts 8:40

Den, Philip fain ihnself dah di sity weh niem Azotus, ahn ihn gaan aan deh priich di gud nyuuz iina aal di ada toun dem til ihn get dah Caesarea.

Romans 16:7

Ah deh sen heluo tu Andronicus ahn Junias, weh wehn iina jiel wid mi wan taim. Dehn yuuztu get plenty ana mongs di apasl dem, ahn dehn wehn chros iina Jesus Christ bifuor mii.

Philemon 1:9

bot sieka di lov weh wi gat, Ah wuda reda aks yu insida dat: Mii, Paul, weh dah now wan uol man iina prizn fi Christ,