Acts 21:11 - The New Testament in Islander Creole

¹¹ Ahn wen ihn kom iin, ihn tek Paul belt ahn tai op ihn han ahn ihn fut wid ih. Den ihn seh, “Dis dah weh di Holy Spirit seh: ‘Dis dah di siem wie how di Jew dem dah Jerusalem gwain tai op di uona a dis belt, ahn han im uova tu di Gentile pipl dem.’ ”

Acts 21:11 Iomraidhean Croise

John 18:1

Wen Jesus don seh dis praya, him ahn ihn disaipl dem lef ahn gaan kraas Kidron Goly. Rait dehso dehn wehn gat wan gyaadn, ahn Jesus ahn ihn disaipl dem gaan iina ih.

Acts 13:2

Wail dehn wende waaship di Laad ahn deh faas, di Holy Spirit seh tu dem, “Ah waahn unu dedikiet Barnabas ahn Saul fi wan speshal work weh Ah gat fi dem.”

Acts 16:6

Den, Paul ahn Silas, lang wid Timothy, travl chruu di huol a Phrygia ahn Galatia lan, bot dehn neva gaan dah Asia, bikaaz di Holy Spirit tel dem no fi go deh.

Acts 20:23

Di Holy Spirit ongl tel mi iina evry sity seh Ah gwain sofa plenty ahn dehn gwain dongtu put mi iina jiel.

Acts 21:33

Den di komanda grab Paul ahn tel ihn suoldya dem fi tai'im op wid two chien. Den ihn staat aks di pipl dem dah huu Paul, ahn dah weh ihn wehn du.

Acts 21:4

Wi disaid fi go shuor ahn wen wi get deh, wi fain di biliiva dem ahn stie wid dem wan wiik. Bot di biliiva dem tel Paul seh ihn no fi go dah Jerusalem, bikaaz di Spirit wehn tel dem weh gwain hapm tu im wen ihn get deh.

Acts 22:25

Wail di suoldya dehn wende tai op Paul fi biit im, Paul aks wan a di aafisa weh wende stan op gens im, “Tel mi, sah, ih liigal fi biit wan Roman sitizn bifuor unu trai im dah kuot?”

Acts 24:27

Huol a two yierz paas laik dis; den wan nyuu govana tek uova fahn Felix, weh niem Porcius Festus. Bot wen Felix wende lef, ihn lef Paul rait dehso iina prizn, bikaaz ihn wehn waahn stie gud wid di Jewish liida dem.

Acts 26:29

Paul ansa, “Ih no mata if dah wan shaat taim or wan lang taim; weh Ai deh prie tu God fah, dah fi yuu ahn evrybady weh deh yah wuda bii jos laik mii, eksep fi demya chien.”

Acts 28:17

Three diez afta, Paul sen kaal fi di Jew liida dem weh wende liv deh. Wen dehn kom ahn miit wid im, ihn tel dem seh, “Bredrin, dehn han mi uova tu di Roman ofishal dem fahn Jerusalem, bot mii no du notn gens fi wi pipl, nar gens di uol pipl dehn kostom.

Acts 28:20

ahn sieka dis, Ah kaal unu fi wi taak ih uova. Dah fi di huop weh wi Israel pipl gat, Ah deh yah tai op wid dis chien.”

Acts 28:25

Ahn sieka dehn kudn grii pahn weh ihn wende taak bout, wen dehn wehn gwain, Paul seh tu dem, “Di Holy Spirit wehn seh di rait ting bout unu tu fi wi ansesta chruu di prafit Isaiah wen ihn seh:

Acts 8:29

Den di Holy Spirit tel Philip seh, “Go uova bai di kyar ahn ron lang saida ih.”

Acts 9:16

Ahn mii miself gwain shuo im ho moch ihn gwain sofa fi mek di pipl dem nuo dah huu mi.”

Ephesians 3:1

Now Ai, Paul, dah wan prizna a Christ Jesus, bikaaz Ah wende priich tu unu pipl weh dah no Jew.

Ephesians 4:1

So den, Ai, Paul, weh dehn put iina prizn bikaaz Ah deh work fi di Laad; Ah deh beg unu fi waak iina God wie jos laik how ihn tel unu fi liv, wen ihn fos kaal unu fi chros iina ihn Son.

Ephesians 6:20

Fi di siek ah dis Gud Nyuuz, Ai dah God mesinja, bot rait now dehn chien mi op iina prizn. So unu fi prie fi mi so dat Ah no get fried nontaim fi tel di pipl dem bout Jesus Christ, jos di wie Ah shuda tel dem.

1 Timothy 4:1

Now, God Spirit taak klier-klier, seh juurin demya laas diez, som a di pipl dem gwain stap biliiv di chruu tiichin bout Christ weh wii biliiv. Dehn gwain fala di wikid spirit dem, weh waahn fuul'op di pipl dem ahn fala demya tiichin weh di diimon dem deh tiich.

2 Timothy 2:9

Ahn bikaaz Ai deh tel di pipl dem dah Gud Nyuuz, Ah deh yah deh sofa. Dehn iivn chien mi op laik wan kriminal, bot dehn kyaahn chien'op God Wod nontaim ataal!

Hebrews 10:34

Ahn unu wuda fiil fi demde pipl weh wehn iina jiel tu. Unu wehn stie gud, iivn duo som ada pipl wehn tiif evryting weh unu wehn uon. Iina demde taim unu wehn nuo seh unu wehn gwain get beta ting —ting weh gwain laas fareva op iina hevn.

Hebrews 3:7

So den, jos laik weh di Holy Spirit seh: “Tudeh, if unu hier God vais,

1 Peter 1:12

Bot God tel di prafit dem seh, weh dehn deh rait bout dah no fi dem benifit, bot dah fi unu. Dehn wehn taak bout demde tingz weh now unu deh hier fahn demya pipl weh deh priich di Gud Nyuuz chruu di powa a di Holy Spirit, weh kom fahn hevn. Demya dah di tingz dem weh iivn di ienjel dem wuda laik fi nuo bout.