Acts 20:4 - The New Testament in Islander Creole

⁴ ahn som man wende travl wid im. Demya dah di niem dem: Sopater, di son a Pyrrhus fahn Berea, Aristarchus ahn Secundus fahn Thessalonica sity. Den yu wehn gat Gaius fahn Derbe, ahn Timothy, ahn Tychicus ahn den Trophimus fahn Asia.

Acts 20:4 Iomraidhean Croise

Acts 14:20

Bot, wen di biliiva dehn stan op roun im, Paul get'op ahn gaan bak iina di sity! Di neks die him ahn Barnabas lef ahn gaan dah Derbe.

Acts 14:6

Bot Paul ahn Barnabas hier bout'ih ahn dehn tek aaf, ahn gaan dah di sity dem weh niem Lycaonia, Lystra ahn Derbe, ahn som ada ieriya roun deh.

Acts 16:1

Paul ahn Silas gaan dah Derbe fos ahn den dah Lystra. Dah Lystra dehn bok'op pahn wan disaipl niem Timothy. Ihn muma dah wehn wan Jewish uman ahn wan biliiva, bot ihn pupa dah wehn wan Greek.

Acts 16:6

Den, Paul ahn Silas, lang wid Timothy, travl chruu di huol a Phrygia ahn Galatia lan, bot dehn neva gaan dah Asia, bikaaz di Holy Spirit tel dem no fi go deh.

Acts 17:1

Wen Paul ahn Silas paas chruu Amphipolis ahn Apollonia, dehn get dah Thessalonica, weh dehn wehn gat wan sinigag fi di Jew pipl dem.

Acts 17:13

Bot wen di Jew dem dah Thessalonica hier seh Paul wende priich di siem mesij dah Berea, dehn kom deh fi set di pipl op tu.

Acts 19:29

Den wan kroud staat gyada op dehnself —ahn bifuor yu nuo ih— rayat staat iina di sity. Di kroud grab Gaius ahn Aristarchus, two Macedonia man weh wende travl wid Paul, ahn tugeda dehn rosh aaf wid dem tu di luokal stiedyom fi dehn trai dem.

Acts 20:16

Paul wehn disaid seh ihn no gwain stap dah Ephesus; ihn no waahn wies nontaim iina Asia, bikaaz ihn wende hory fi get dah Jerusalem iin taim fi di Pentikaas selibrieshan, if ihn kuda du'ih.

Acts 20:18

Den, wen dehn bok'op pahn im, ihn tel dem seh, “Unu nuo seh fahn di fos die Ah get dah Asia, how Ai ak wid unu dat huol taim.

Acts 21:29

(Yu si, som diez abak dehn wehn si Trophimus, wan Gentile man fahn Ephesus iina Asia lan, deh waak lang wid Paul iina Jerusalem. So dehn wehn tink seh Paul wehn ker dis man iina di Templ tu.)

Acts 27:2

So, wi gaan pahn wan ship fahn Adramyttium ahn wi wehn redy fi siel tu som puot lang di kuos a di provins a Asia, ahn wi staat out. Aristarchus, weh dah wehn wan Macedonian man fahn Thessalonica, wende wid wi tu.

Romans 16:21

Timothy, weh work wid mi, seh fi tel unu heluo. Ahn Lucius ahn Jason ahn Sosipater, dehn seh fi tel unu heluo. Dehn dah Jew tu, jos laik mii.

Romans 16:23

Ahn Gaius tel unu heluo. Ai deh stie dah fi him hous, ahn aal di pipl dem dah di chorch miit dah fi him hous. Erastus, weh dah di trezhora fi di sity, ahn wi breda Quartus, seh fi tel unu heluo tu.

2 Corinthians 1:1

Dis leta dah fahn mii, Paul, weh dah wan apasl a Christ Jesus, bikaaz dat dah weh God waahn Ah fi bii. Ah deh rait dis leta lang wid fi wi breda Timothy. Wi deh rait tu di chorch dah Corinth sity, ahn tu aala God pipl dem aal uova Achaia lan.

2 Corinthians 1:19

Bikaaz Jesus Christ, God Son, weh mii ahn Silas ahn Timothy wehn tel unu bout, dah no sombady weh seh, “Yees!” wan minit, ahn “Nuo!” di neks! Jesus dah aalwiez di “Yees!” a God. Ahn him aalwiez grii wid God, bikaaz chruu Jesus evry wan a God pramis dem kom chruu. Dat dah weh mek wi seh, “Amen, dat dah so!” iina Jesus Christ niem enytaim wi deh gi God gluory.

Ephesians 6:21

Now den, bredrin, Ah waahn unu fi nuo seh Tychicus dah wi dier breda ahn wan fietful sorvant fi di Laad. So, wen ihn get deh dah Ephesus, ihn gwain tel unu evryting bout mi, so dat unu gwain nuo how Ah deh du, ahn weh Ah plan fi du.

Philippians 2:19

So den bredrin, if di Laad Jesus wilin, Ah gwain suun sen Timothy tu unu —ahn dat dah so Ah gwain kyan fiil beta wen ihn kom bak ahn tel mi how unu deh du;

Colossians 4:10

Aristarchus, weh deh iina jiel yah wid mi tu, sen heluo fi unu —ahn Mark tu, weh dah Barnabas kozn. Ah wehn don tel unu aredy fi welkom Mark, if ihn go vizit unu.

Colossians 4:7

Tychicus, wi dier breda, weh dah wan fietful sorvant, gwain suun tel aala unu weh deh hapm tu mi. Him dah wan fietful breda weh wi chros, ahn ihn deh sorv di Laad lang wid wi.

1 Timothy 1:1

Dis leta dah fahn mii, Paul, weh dah wan apasl a Christ Jesus. Dah wehn God, fi wi Sievya, ahn ihn Son, Christ Jesus —di Wan weh wi put wi huop iina— weh pik mi fi bii wan apasl.

2 Timothy 1:2

Ah deh rait tu yu, Timothy, weh dah laik mi son weh Ah lov. Ahn Ah deh prie seh God, di Faada, ahn di Laad Christ Jesus wuda gi'yo plenty gries, morsy ahn piis iina yo haat!

2 Timothy 4:12

Ah don sen Tychicus tu Ephesus.

2 Timothy 4:20

Erastus wehn stie iina Corinth, ahn Ah lef Trophimus dah Miletus bikaaz ihn wehn sik.

Titus 3:12

Now, Ah deh plan fi sen Artemas or Tychicus tu yo. Az suun az ihn get deh, yu fi trai fi lef out siem taim ahn miit mi dah Nicopolis, bikaaz Ah wehn disaid seh Ah gwain spen di winta deh.

Philemon 1:24

ahn Mark, ahn Aristarchus, ahn Demas, ahn Luke —weh dah mi fela worka dem— sen heluo tu.

3 John 1:1

Dis leta dah fahn mii, John, weh dah di elda iina di chorch. Ah deh rait tu mi gud fren Gaius, weh Ah lov fi chruut.