Acts 2:4 - The New Testament in Islander Creole

⁴ Aala dem wehn get ful'op wid di Holy Spirit ahn dehn staat taak iina aal kain a difrent langwij. Dah di Spirit weh wehn gi dem di wod dem fi seh.

Acts 2:4 Iomraidhean Croise

Matthew 10:19

Bot wen dehn han unu uova, unu no fi fret how unu gwain difen unuself, or weh unu gwain seh, bikaaz di Laad gwain put iina unu main weh fi seh wen di taim kom.

Mark 16:17

Ahn di pipl weh biliiv gwain iebl fi du plenty mirakl weh shuo seh dehn priich God mesij. Dehn gwain tek out bad spirit iina mai niem; dehn gwain taak iina som ada langwij;

Luke 1:15

bikaaz yo son gwain bii wan impuotant man iina God sait. Ihn no fi drink wain nar strang drink; di Holy Spirit gwain kanchruol im fahn iina ihn muma bely.

Luke 1:41

Wen Elizabeth hier Mary, Elizabeth bieby staat jomp op iina ihn bely, ahn Elizabeth get ful'op wid di Holy Spirit,

Luke 1:67

Den John pupa, Zachariah, get ful'op wid di Holy Spirit ahn ihn staat prafisai deh seh:

Luke 12:12

bikaaz di Holy Spirit gwain tel unu weh unu hafy seh wen di taim kom.”

Luke 21:15

bikaaz Ai gwain gi unu di wod dem fi seh, ahn Ah gwain mek unu so waiz seh non a dem weh kom gens unu kyaahn rizis nar aagyo wid unu.

Luke 4:1

Den Jesus kom bak fahn di Jordan riva wid aal di powa a di Holy Spirit, ahn ihn ker im iina di dezart.

John 14:26

Bot di Helpa —di Holy Spirit— weh di Faada gwain sen unu iina mi niem, him gwain mek unu nuo evryting ahn ihn gwain mek unu memba aal di tingz weh Ah wehn tel unu.

John 20:22

Wen Jesus seh dat, ihn bluo pahn dem ahn tel dem, “Mek di Holy Spirit kom pahn unu.

Acts 1:5

John wehn baptaiz unu wid waata, bot iina fyuu diez God gwain baptaiz unu wid di Holy Spirit.”

Acts 1:8

Bot wen di Holy Spirit kom dong pahn unu, unu gwain get plenty powa, ahn unu gwain kyan go aal bout di plies deh tel di pipl bout mii. Unu gwain du dis iina Jerusalem, den di huol a Judea lan, den Samaria lan, iivn dongtu di laas paat a di worl.”

Acts 10:46

bikaaz dehn wehn hier dem deh taak iina wan fony langwij deh priez God fi ihn gudnis. Den Peter seh,

Acts 10:47

“Demya pipl get di Holy Spirit jos laik wi, so huu deh yah mongs wi weh kyan stap dem fahn get baptaiz wid waata?”

Acts 11:15

“Ahn az Ah wende staat priich, di Holy Spirit kom dong pahn dem jos laik how ihn wehn kom dong pahn wii dah di biginin.

Acts 11:24

Now Barnabas dah wehn wan gud man, ful a di Holy Spirit, ahn strang iina ihn fiet. So, wan paila pipl staat chros iina di Laad chruu ihn wod dem.

Acts 13:52

Bot di biliiva dem, weh dehn wehn lef bihain, wehn ongl ful'op wid jai ahn di Holy Spirit.

Acts 13:9

Bot Saul —weh dehn kaal Paul tu— wehn ful'op wid di Holy Spirit ahn neva fried fi im. Ihn luk striet iina ihn ai ahn seh,

Acts 15:8

Ahn God —bikaaz ihn nuo how man tink iina dehn haat— fi shuo seh ihn aksep dem, ihn gi dem di Holy Spirit jos laik how ihn gi wii.

Acts 19:6

Den Paul put ihn han pahn dehn hed ahn di Holy Spirit kom dong pahn dem, ahn dehn staat taak iina som fony langwij ahn dehn priich God Wod tu.

Acts 2:11

ahn Cretian ahn Arab pipl tu. Wi hier aala dem deh taak iina fi wi uon langwij dem bout di griet tingz weh God du!”

Acts 2:3

Ahn dehn si somting weh wehn luk laik faiya weh divaid op iina wan lata likl fliem weh kom dong ahn sekl pahn evry wan a dem.

Acts 4:31

Wen dehn don prie, di plies weh dehn wehn gyada tugeda staat shiek. Ahn aala dem get ful'op wid di Holy Spirit, ahn dehn staat priich God mesij bitout fiil fried ataal.

Acts 4:8

Den Peter ful'op wid di Holy Spirit, seh tu dem, “Aala unu ruula ahn ada liida a di pipl dem,

Acts 6:3

So den, bredrin, pik out seven man fahn mongs unu weh di pipl dem rispek ahn weh ful a di Holy Spirit ahn gat plenty gud sens. Ahn mek wi put dem inchaaj a dis huol bizniz.

Acts 6:5

Dis wehn mek sens tu evrybady, so dehn pik out Stephen, wan man weh wehn gat plenty fiet ahn weh wehn ful a di Holy Spirit. Neks dehn pik Philip, Prochorus, Nicanor, Timon, Parmenas, ahn Nicolas fahn Antioch sity. Nicolas dah neva wan Jew fos, bot ihn wehn jain di Jewish rilijan bifuor ihn chros iina Jesus.

Acts 6:8

Now Stephen dah wehn wan man weh ful a kainis ahn lov, ahn ihn wehn gat powa fi du aal kain a wandaz ahn mirakl mongs di pipl dem.

Acts 7:55

Bot Stephen, ful a di Holy Spirit, stier op iina hevn ahn ihn si God gluory; ihn si Jesus deh stan op pahn God rait han said.

Acts 8:17

So Peter ahn John put dehn han pahn di biliiva dem ahn dehn get di Holy Spirit rait dehso.

Acts 9:17

So Ananias gaan dah di hous weh Saul wende ahn put ihn han pahn im. Ihn seh, “Breda Saul, di Laad Jesus weh apier'op pahn yo pahn di ruod wen yu wende kom, sen mi so yu kyan si agen ahn get ful'op wid di Holy Spirit.”

Romans 15:13

So den, bredrin, Ai prie seh God, weh gi wi huop, gwain mek unu ful'op wid jai ahn piis wail unu chros iina him. Den, di powa a di Holy Spirit gwain mek unu luk muo ahn muo ahed tu weh God gwain du.

1 Corinthians 12:10

Di Spirit mek wan porsn kyan du mirakl, ahn ihn mek wan nada wan nuo how fi prafisai. Den, di Spirit gi sombady di gif fi tel di difrens bitwiin di gif dem weh kom fahn di Holy Spirit ahn dem weh dah no so. Ahn God Spirit mek wan porsn kyan taak iina difrent kain a langwij, ahn ihn mek wan nada wan nuo how fi tel weh dehn deh seh.

1 Corinthians 13:1

Iivn if Ai kuda taak iina aal di langwij dem weh pipl taak —ahn iivn weh di ienjel dem taak— if Ah no gat non lov fi ada pipl, aal weh Ah deh seh no miin notn ataal! Dah jos laik di naiz weh sombady mek, wen dehn deh lik wan jrom or lik simbal.

1 Corinthians 13:8

Memba seh: lov gwain laas fareva. Bot di gif fi prafisai, ahn fi taak iina ada langwij, ahn evry kain a nalij gwain kom tu wan en.

1 Corinthians 14:18

Az faar az Ai kansaan, Ai tank God seh Ai kyan taak iina ada langwij muo an aala unu.

1 Corinthians 14:5

Now, Ai wuda waahn aala unu gat di gif fi taak iina ada langwij, bot Ah wuda reda unu priich God mesij. Demde pipl weh du dat, dehn muo grieta an demde pipl weh kyan taak iina ada langwij —ahn den, dat ongl wortwail if sombady deh, weh kyan intorprit weh dah porsn seh, so di pipl dem iina di chorch kyan benifit fahn weh ihn seh iina di ada langwij.

Ephesians 3:19

Dah chruut, bredrin, non a wi kuda eva nuo jos ho moch Christ lov wi; bot wen unu nuo God lov, ih gwain kiip aan deh work iinsaida unu plenty muo evry die til unu ful'op wid di fulnis a God himself!

Ephesians 5:18

Ahn unu no fi jrink so moch wain til unu get jronk, bikaaz if unu du dat, unu ongl gwain du weh di fuul dehn du, ahn mes'op unu laif! Insida dat, unu fi liv ful'op wid di Holy Spirit ihnself!

Ephesians 6:18

So, prie aal di taim ahn aks God fi help unu; ahn aks ihn Spirit fi help unu prie. Stie pahn unu gyaad aal di taim ahn neva stap deh prie fi aala God pipl dem!

1 Peter 1:12

Bot God tel di prafit dem seh, weh dehn deh rait bout dah no fi dem benifit, bot dah fi unu. Dehn wehn taak bout demde tingz weh now unu deh hier fahn demya pipl weh deh priich di Gud Nyuuz chruu di powa a di Holy Spirit, weh kom fahn hevn. Demya dah di tingz dem weh iivn di ienjel dem wuda laik fi nuo bout.

2 Peter 1:21

Di prafit dem neva tink'op demde tingz pahn dehn uon. Dehn wehn aanda di kanchruol a di Holy Spirit, wen dehn tel di mesij weh wehn kom fahn God!