Acts 19:9 - The New Testament in Islander Creole

⁹ Bot som a dem wehn ongl stobant ahn neva waahn biliiv. Dehn pik op wan atityuud ahn staat seh wikid tingz bout Di Wie a di Laad rait fronta evrybady. So Paul lef dem luon ahn disaid fi muuv out wid di disaipl dem. Him ahn ihn disaipl dehn gaan mek fi dem uon diskoshan evry die dah Tyrannus skuul.

Acts 19:9 Iomraidhean Croise

Acts 19:23

Roun di siem taim, big rokshan staat op iina Ephesus sieka Di Wie a di Laad.

Acts 9:2

ahn aks im fi som leta fi ker dah di sinigag dem iina Damascus, fi get dem fi help im grab enybady rait dehso weh deh fala Di Nyuu Wie —no mata if dah man or uman— ahn ker dem tai wid chien bak dah Jerusalem.

2 Peter 2:12

Bot demya tiicha dehn taak bad bout demde tingz, weh dehn no nuo notn bout. Dehn dah jos laik wail animal weh no tink ataal! Dehn jos du weh dehn main tel dem fi du. So, jos laik how di wail animal dem baan ahn kom iina disya worl fi mek di pipl dem kech dem ahn kil dem, siem wie God gwain distrai demya wikid tiicha tu!

Acts 14:4

Bot wen di pipl iina di sity dehn si aala dis, dehn neva grii wid wan anada. Som a dem wende wid di Jewish liida dem ahn som a dem wende wid di apasl dem.

Jude 1:10

Bot demya faals tiicha dem tek enyting weh dehn no andastan, mek papishuo ahn seh aal kain a wikid tingz gens dem. Dehn dah jos laik demde animal weh du evryting weh dehn main tel dem fi du, ahn dat dah how demde kain a pipl end'op deh distrai dehn uonself!

2 Peter 2:2

Bot bifuor dehn go fahn deh, plenty pipl gwain fala dem, bikaaz dehn waahn liv slak laif. Ahn weh dehn deh du, gwain mek di pipl dem taak bad tingz gens Di Chruu Wie, weh wii deh fala.

Hebrews 3:13

Unu fi inkorij wan anada evry die, wail dah stil “tudeh,” so dat sin no fuul non a unu op ahn mek unu ton gens God.

1 Timothy 6:5

Dah demya kain a pipl, weh no grii wid weh wi tiich, mek di pipl dem aagyo aal di taim, bikaaz dehn no tink rait. Dehn no tiich langa weh chruu bout Christ no muo, so di chruu tiichin don get tek weh fahn dem. Demde kain a pipl iivn tink seh dehn shuda sorv God jos fi get plenty mony!

Romans 11:7

So den, dat dah how ihn stan. Dah no aala di pipl fahn Israel wehn fain weh dehn wende luk fah. Dah ongl demde pipl weh God wehn pik out, weh wehn fain im. Di res a dem wehn haadn dehn haat gens di chruut ahn dehn neva andastan.

Romans 9:18

So den, if God gwain gat morsy pahn sombady, ihn gwain gat morsy pahn dem. Ahn if ihn gwain mek dehn haat haad, him gwain mek dehn haat haad.

Acts 22:4

Ah wehn gi haad taim tu di pipl dem weh fala ‘Di Wie,’ dongtu mek dem get kil; ahn Ah yuuztu grab man ahn uman di siem ahn hiv dem iina jiel tu.

Acts 7:51

Den Stephen end'op deh seh, “Unu dah stobant pipl laik myuul, ahn unu haat stil wikid! Unu neva waahn lisn nar obie weh God seh. Unu aalwiez fait gens di Holy Spirit jos laik how unu ansesta dem yuuztu du.

2 Timothy 3:5

Dehn gwain plie laik dehn deh fala fi wi rilijan, bot riily dehn no waahn God gat non kain a powa uova dehn laif ataal. Timothy, yu no fi miks'op wid demde kain a pipl nontaim!

2 Timothy 1:15

Yu nuo seh dah aala demde pipl fahn Asia don gaan ahn lef mi —dongtu Phygelus ahn Hermogenes gaan tu.

Acts 28:22

Bot wi waahn hier weh yo gat fi seh, bikaaz aal bout di plies dehn deh taak bad bout dis nyuu rilijan.”

Acts 24:21

Di ongl ting dehn kuda seh Ah wehn gilty ah, dah wen Ah wende stan op ahn deh hala out fronta dem ahn seh, ‘Ah deh pahn trayal tudeh bikaaz Ah biliiv iina di rezorekshan fahn di ded!’ ”

Acts 20:31

So, unu stie pahn unu gyaad, iivn muo so wail unu memba seh how nait ahn die fi three yierz Ah wehn priich mongs unu, ahn neva stap waan unu —Ah dongtu hala uova evry wan a unu.

Acts 19:30

Now, Paul wehn gwain go iin deh tu, bot ihn disaipl dem neva lou im.

Acts 17:4

Ahn som a dem wehn kanvins seh dis dah chruu, so dehn jain Paul ahn Silas. Mongs dem weh biliiv dah wehn plenty Greek pipl weh wehn ana God, ahn plenty impuotant uman fahn di sity tu.

Acts 11:26

Wen ihn fain im, ihn ker im bak dah Antioch, ahn fi wan huol yier Saul ahn Barnabas stie wid di chorch deh tiich wan huol paila pipl weh kom. Dah wehn rait dah Antioch dehn wehn kaal di pipl dem weh chros iina Jesus “Kristyan” fi di fos taim.

John 12:40

“God don lak'op dehn ai ahn mek dem haadn dehn haat, fi dehn gwain kyaahn si wid dehn ai nar andastan wid dehn haat, ahn dehn gwain kyaahn ton fahn dehn wikid wiez, fi dehn mek di Laad paadn dehn sin dem.”

Matthew 26:55

So Jesus seh tu di paila pipl weh wehn dedeh, “Wai unu kom out yah wid suod ahn big stik fi grab mi laik Ai dah wan tiif, wen evry die Ah yuuztu sidong iina di Templ ahn tiich, ahn stil yet unu neva grab mi?

Matthew 16:4

Unu dah laik wan uova bad jinarieshan, weh on'fietful aal di taim, bikaaz unu kiip deh aks fi wan sain, bot unu no gwain si non sain ataal apaat fahn weh wehn hapm tu Jonah.” Den Jesus lef dem deh, ahn gaan weh.

Matthew 15:14

So no pie main tu weh dem tink! Dehn dah blain man weh waahn liid som muo blain man, ahn wen dehn du dat, di two a dem gwain drap iina wan huol!”

1 Corinthians 16:9

bikaaz wan uova gud chaans deh yah fi du wan big work fi God, iivn duo plenty pipl deh gens mi tu.