Acts 19:6 - The New Testament in Islander Creole

⁶ Den Paul put ihn han pahn dehn hed ahn di Holy Spirit kom dong pahn dem, ahn dehn staat taak iina som fony langwij ahn dehn priich God Wod tu.

Acts 19:6 Iomraidhean Croise

Mark 16:17

Ahn di pipl weh biliiv gwain iebl fi du plenty mirakl weh shuo seh dehn priich God mesij. Dehn gwain tek out bad spirit iina mai niem; dehn gwain taak iina som ada langwij;

Acts 19:7

Dah wehn bout twelve man weh dis hapm tu.

Acts 2:4

Aala dem wehn get ful'op wid di Holy Spirit ahn dehn staat taak iina aal kain a difrent langwij. Dah di Spirit weh wehn gi dem di wod dem fi seh.

Acts 6:6

Den dehn ker dem fronta di apasl dem, ahn di apasl prie fi dem ahn put dehn han pahn dem fi bles dem.

Acts 9:17

So Ananias gaan dah di hous weh Saul wende ahn put ihn han pahn im. Ihn seh, “Breda Saul, di Laad Jesus weh apier'op pahn yo pahn di ruod wen yu wende kom, sen mi so yu kyan si agen ahn get ful'op wid di Holy Spirit.”

1 Timothy 5:22

Ahn yu no fi ak tuu fas fi put yo han pahn wan man fi pik im fi bii wan chorch liida niida. Tek yo taim, or yu maita uova-luk som sin weh ihn deh du. Ahn den, lietaraan ih maita luk laik yu wehn kom aanda agriiment wid dem! Insida dat, yu fi kiip yo haat kliin aal di taim.

2 Timothy 1:6

Dat dah wai Ah deh rimain yu fi kiip aan deh yuuz di gif dem weh God wehn gi'yo, wen Ah put mi han pahn yo hed ahn prie fi yo.