Acts 19:1 - The New Testament in Islander Creole

¹ So den, wail Apollos wende dah Corinth, Paul wende travl chruu di migl paat a daty lan, ahn den ihn get dah Ephesus weh paat ihn fain kopl a di disaipl dem.

Acts 19:1 Iomraidhean Croise

Acts 18:1

Afta dis, Paul gaan fahn Athens tu Corinth.

Acts 18:8

Ahn wan man niem Crispus, huu dah wehn liida fi di sinigag, staat chros iina Jesus wid aal ihn famaly; ahn plenty ada pipl fahn Corinth biliiv ahn get baptaiz tu.

Acts 19:17

Wen evrybady —Jew ahn Greek tu— weh liv iina Ephesus hier dis, dehn wehn get uova fraitn ahn dehn si seh dehn beta ana di niem a di Laad ahn rispek him.

Acts 19:26

Now unu mos wehn si ahn hier how dah no ongl dah Ephesus, bot evrywie iina Asia lan, dis man Paul don kanvins plenty pipl fi biliiv seh di gad dem weh mek wid hyuuman han dah no riil gad ataal.

Acts 20:16

Paul wehn disaid seh ihn no gwain stap dah Ephesus; ihn no waahn wies nontaim iina Asia, bikaaz ihn wende hory fi get dah Jerusalem iin taim fi di Pentikaas selibrieshan, if ihn kuda du'ih.

Acts 20:18

Den, wen dehn bok'op pahn im, ihn tel dem seh, “Unu nuo seh fahn di fos die Ah get dah Asia, how Ai ak wid unu dat huol taim.

Acts 21:29

(Yu si, som diez abak dehn wehn si Trophimus, wan Gentile man fahn Ephesus iina Asia lan, deh waak lang wid Paul iina Jerusalem. So dehn wehn tink seh Paul wehn ker dis man iina di Templ tu.)

1 Corinthians 1:12

Mek Ah eksplien weh Ah miin: som a unu deh seh, “Ah deh fala Paul.” Som deh seh, “Ah deh fala Apollos.” Stil yet som seh, “Ah deh fala Peter.” Den, som muo deh seh, “Ai deh fala Jesus Christ!”

1 Corinthians 15:32

Unu tink seh Ai wehn fait demde kain a man weh stan laik wail biis rait yah iina Ephesus jos fi satisfai mi uonself? Nuo sah, dat neva wehn gwain du mi non gud. Bot, if di ded no gwain riez'op bak, den dah laik weh dehn seh: “Mek wi jos iit, ahn jrink, bikaaz tumaara wi gwain ded enywie!”

1 Corinthians 16:12

Now bout Breda Apollos: Ah wende trai get im fi go si unu lang wid di ada breda dem, bot ihn gat som dout, so ihn no waahn go rait now. So, wen ihn get di chaans, Ah shuor seh ihn gwain go si unu tu.

1 Corinthians 16:8

Bot stil yet Ah gwain stie rait yah dah Ephesus til Pentikaas die,

1 Corinthians 4:6

Unu weh dah mi fren dem, Ah deh yuuz mii ahn Apollos laik wan egzampl so unu kuda laan wat di seyin miin weh seh, “Fala di ruul dem weh wehn rait dong iina di Skriptyo ahn notn els!” Den, unu gwain stap deh priez ahn ana wan liida; ahn hiet di res.

Ephesians 1:1

Dis leta dah fahn mii, Paul, wan a Christ Jesus apasl, bikaaz dat dah weh God waahn Ah fi bii. Mi leta dah tu unu, God pipl iina Ephesus sity, unu weh fietful iina unu laif wid Christ Jesus.