Acts 18:3 - The New Testament in Islander Creole

³ Ahn ihn stie deh work wid dem, bikaaz aala dem yuuztu mek tent fi wan livin.

Acts 18:3 Iomraidhean Croise

1 Corinthians 4:12

Wi work haad wid wi uon han dem. Ahn wen di pipl dehn insolt wi, wi bles dem. Wen dehn gi wi haad taim, wi gat pieshens wid dem.

1 Corinthians 9:14

Siem wie, di Laad gi aadaz seh demde pipl weh priich di Gud Nyuuz bout Jesus Christ shuda mek dehn livin fahn aafa di Gud Nyuuz weh dehn deh priich!

1 Corinthians 9:15

Bot Ai neva yet mek yuus a eny a demde rait. Ahn Ah neva rait tu unu jos fi weh Ah kuda staat kliem demde rait now niida. Fi chruut, Ai wuda reda ded fos an fi mek enybady tek weh mi rait fi buos bout dat!

1 Corinthians 9:18

So den, weh mi pie deh? Dah dis: di privilij weh Ah gat fi priich di Gud Nyuuz bitout hafy get pie far ih, iivn duo Ah gat demya raits wail Ah deh priich God mesij.

2 Corinthians 11:7

Far instans: wen Ah wende priich di Gud Nyuuz tu unu, Ah wehn priich'ih bitout non pie ataal. Ah wehn ombl miself jos fi Ah kuda wehn lif unu op! Unu tink seh dah wehn wan mistiek?

2 Corinthians 11:9

Nuo sah! Wen Ah wende wid unu, Ah neva gat nof fi liv aafa, ahn Ah neva aks nonbady fi notn niida, bikaaz mi fren dem dah Macedonia wehn gi mi evryting weh Ah wehn niid. Ah neva yet aks unu fi enyting ahn Ah gwain neva aks unu niida!

2 Corinthians 12:13

Ahn di ongl wie Ah wehn triit unu eny wosa an eny a di ada chorch pipl dem, dah seh Ah neva bada unu fi non mony. Fargiv mi fi du unu demde bad tingz!

1 Thessalonians 2:9

Bredrin, Ah no tink unu kyan farget how haad wi wehn work mongs unu. Wi work nait ahn die fi tek kier a wiself, bikaaz wi neva waahn nonbady seh wi dah wehn wan borden tu unu, wail wi wende priich di Gud Nyuuz bout Jesus Christ.

1 Thessalonians 4:11

Ahn mek'op unu main fi trai fi liv iina piis wid wan anada, ahn main unu uon bizniz tu. Work wid unu uon han jos laik weh wi wehn tel unu, wen wi wende wid unu.