Acts 16:1 - The New Testament in Islander Creole

¹ Paul ahn Silas gaan dah Derbe fos ahn den dah Lystra. Dah Lystra dehn bok'op pahn wan disaipl niem Timothy. Ihn muma dah wehn wan Jewish uman ahn wan biliiva, bot ihn pupa dah wehn wan Greek.

Acts 16:1 Iomraidhean Croise

Acts 14:1

Wen dehn get dah Iconium, Paul ahn Barnabas gaan dah di Jewish sinigag, gaan priich. Ahn dehn priich wid so moch faiya dat plenty a di Jew dehn staat biliiv ahn plenty Gentile pipl tu.

Acts 14:21

So, Paul ahn Barnabas priich di gud nyuuz iina daty sity ahn dehn wehn mek plenty muo disaipl. Den dehn gaan bak dah Lystra, Iconium ahn den dah Antioch.

Acts 14:6

Bot Paul ahn Barnabas hier bout'ih ahn dehn tek aaf, ahn gaan dah di sity dem weh niem Lycaonia, Lystra ahn Derbe, ahn som ada ieriya roun deh.

Acts 17:14

So di bredrin siem taim hory sen Paul dong dah di kuos, bot Silas ahn Timothy stie bak dah Berea.

Acts 18:5

Den, wen Silas ahn Timothy get deh fahn Macedonia, Paul wende yuuz aal ihn taim deh priich di mesij wid aal ihn haat tu di Jew dem deh seh Jesus dah di Mesaya.

Acts 19:22

So ihn sen two a ihn disaipl dem —Timothy ahn Erastus— hed a im tu Macedonia, wail ihn stie bak iina Asia fi wan likl wail.

Romans 16:21

Timothy, weh work wid mi, seh fi tel unu heluo. Ahn Lucius ahn Jason ahn Sosipater, dehn seh fi tel unu heluo. Dehn dah Jew tu, jos laik mii.

1 Corinthians 16:10

If Timothy get upaa unu deh, mek shuor seh unu mek im fiil welkom, bikaaz him deh du di Laad work jos laik mii.

1 Corinthians 4:17

Ahn dat dah wai Ah deh sen Timothy tu unu. Ah lov him jos laik mi uon son, ahn him dah wan a di Laad fietful sorvant. Ihn gwain memba unu bout how Ai deh fala aal demde impuotant tingz a di nyuu laif weh Christ Jesus wehn tiich wi weh dah fi him. Ahn dat dah weh Ai kantinyo deh tiich iina aala di chorch dem evrywie.

1 Corinthians 7:14

Bikaaz di hozban weh no chros iina di Laad, ihn don kom fi bii wan wid ihn waif aredy; so God gwain aksep di hozban laik wan a ihn uon. Ahn, bikaaz di waif weh no biliiv aredy, kom fi bii wan wid ihn hozban, God gwain aksep di waif laik wan a ihn uon. If dat dah neva so, fi dehn pikniny neva wehn gwain bii huoly fi God. Bot iina dah wie, dehn kom fi bii huoly fronta God tu.

2 Corinthians 1:1

Dis leta dah fahn mii, Paul, weh dah wan apasl a Christ Jesus, bikaaz dat dah weh God waahn Ah fi bii. Ah deh rait dis leta lang wid fi wi breda Timothy. Wi deh rait tu di chorch dah Corinth sity, ahn tu aala God pipl dem aal uova Achaia lan.

2 Corinthians 1:19

Bikaaz Jesus Christ, God Son, weh mii ahn Silas ahn Timothy wehn tel unu bout, dah no sombady weh seh, “Yees!” wan minit, ahn “Nuo!” di neks! Jesus dah aalwiez di “Yees!” a God. Ahn him aalwiez grii wid God, bikaaz chruu Jesus evry wan a God pramis dem kom chruu. Dat dah weh mek wi seh, “Amen, dat dah so!” iina Jesus Christ niem enytaim wi deh gi God gluory.

Philippians 1:1

Dis leta dah fahn mii, Paul, ahn fahn Timothy tu. Di two a wi sorv Jesus Christ tugeda. Now a diez wi deh rait tu aala unu, God pipl dah Philippi weh dah wan wid Christ Jesus, ahn speshaly tu aala unu, di pastya ahn di diikan dem.

Philippians 2:19

So den bredrin, if di Laad Jesus wilin, Ah gwain suun sen Timothy tu unu —ahn dat dah so Ah gwain kyan fiil beta wen ihn kom bak ahn tel mi how unu deh du;

Colossians 1:1

Dis leta dah fahn mii, Paul, weh dah wan a Christ Jesus apasl, bikaaz dat dah weh God waahn Ah fi bii. Ah deh rait disya leta lang wid wi breda Timothy tu aala unu, God pipl dem iina Colossae weh dah wi fietful bredrin dem iina Christ. Wii prie seh God, fi wi Faada, wuda gi aala unu plenty gries ahn piis iina unu haat!

1 Thessalonians 1:1

Dis leta dah fahn mii, Paul, lang wid Silas ahn Timothy. Wi deh sen ih tu di biliiva dem weh deh dah di chorch iina Thessalonica —unu pipl weh dah fi God, fi wi Faada, ahn di Laad Jesus Christ. Wi prie seh God wuda gi aala unu plenty gries ahn piis iina unu haat!

1 Thessalonians 3:2

ahn sen wi breda, Timothy, fi go, go si unu. Timothy wehn work tugeda wid wii, deh du God work deh tel di pipl dem di Gud Nyuuz bout Christ. So, wi sen him fi strentn ahn inkorij unu, ahn help unu fi chros di Laad muo ahn muo,

1 Thessalonians 3:6

Wel, Timothy jos kom bak fahn ihn vizit tu unu, ahn ihn wehn gat gud nyuuz fi gi wi seh fi unu fiet ahn lov deh az strang az eva. Ahn ihn tel wi seh unu gat gud memry bout wi, ahn dat unu waahn si wi az moch az wii waahn si unu tu.

2 Thessalonians 1:1

Dis leta dah fahn mii, Paul, lang wid Silas ahn Timothy. Wi deh sen dis leta tu di biliiva dem weh deh iina di chorch dah Thessalonica —unu weh dah fi God, fi wi Faada, ahn di Laad Jesus Christ.

1 Timothy 1:18

Timothy, mi son, dis dah di instrokshan weh Ah deh gi'yo: fala disya mesij weh God wehn gi tu di prafit dem bout yu, so dat yu gwain gat di main fi fait haad iina disya gud fait.

1 Timothy 1:2

Ah deh rait tu yu, Timothy, weh dah laik mi uon son, bikaaz di two a wi gat di siem fiet iina Jesus Christ. Ah deh prie seh God di Faada ahn Christ Jesus, fi wi Laad, gi'yo ihn gries, morsy ahn piis iina yo haat.

2 Timothy 1:2

Ah deh rait tu yu, Timothy, weh dah laik mi son weh Ah lov. Ahn Ah deh prie seh God, di Faada, ahn di Laad Christ Jesus wuda gi'yo plenty gries, morsy ahn piis iina yo haat!

2 Timothy 1:5

Ah memba how yu chros iina God wid aal yo haat jos laik how yo granmada, Lois, ahn yo muma, Eunice, yuuztu du. Ahn now, Ah nuo seh yuu tu gat di siem fiet fi chros God jos laik dem.

2 Timothy 3:11

Yu nuo how di pipl dehn fait mi, ahn aal di persikyuushan ahn sofarin Ah gaan chruu. Yu nuo weh hapm tu mi iina Antioch ahn Iconium sity dem ahn iina Lystra tu —aal di bad tingz weh di pipl dehn du mi, weh Ah wehn hafy bier. Stil yet, di Laad ker mi chruu aala demde uova tof tingz!

Philemon 1:1

Dis leta dah fahn mii, Paul, weh deh iina prizn sieka Christ Jesus, ahn fahn wi breda Timothy.

Hebrews 13:23

Ahn Ah waahn unu fi nuo seh dehn jos le'go fi wi breda Timothy outa jiel. So, if ihn get weh paat Ah deh suun, Ah plan fi go wid im wen ihn staat aaf fi go tu unu.