Acts 15:4 - The New Testament in Islander Creole

⁴ Wen dehn get dah Jerusalem, di chorch pipl ahn di apasl ahn di ada rilijos liida dem wehn uova glad fi si dem. Den di bredrin tel dem evryting weh wehn hapm ahn how God yuuz dem.

Acts 15:4 Iomraidhean Croise

Matthew 10:40

Den ihn tel di disaipl dem, “Enybady weh welkom unu, welkom mii tu; ahn enybady weh welkom mi, welkom di wan weh sen mi.

Acts 11:30

So dehn du dis ahn sen dehn gif wid Barnabas ahn Saul tu di chorch liida dem dah Judea.

Acts 14:27

So, wen dehn get dah Antioch, Paul ahn Barnabas gyada aal di biliiva dem tugeda ahn tel dem bout aal weh di Laad wehn du chruu dem, ahn how di Laad mek wan wie fi di Gentile pipl chros iina him tu.

Acts 15:12

Dis shet dem op ahn dehn neva gat notn muo fi seh. Ahn so dehn lisn az Barnabas ahn Paul tel dem bout aal di mirakl ahn wanda dem weh God wehn du chruu dem mongs di Gentile pipl dem.

Acts 15:2

Bot Paul ahn Barnabas neva grii wid dat, ahn dehn aagyo plenty wid dem bout dis fi som taim. So di bredrin dem dah Antioch disaid fi mek Paul ahn Barnabas —lang wid som ada biliiva— go'op dah Jerusalem dah di apasl ahn ada chorch liida dem fi fain out weh dehn gat fi seh bout di huol ting.

Acts 15:22

Den di apasl ahn ada rilijos liida dem, ahn di huol chorch disaid fi chuuz two man fahn mongs dehn gruup, ahn sen dem wid Paul ahn Barnabas tu Antioch. Dehn chuuz Judas, di wan weh ihn taikl dah Barsabbas, ahn Silas. Di two a dem dah breda weh di chorch wehn rispek.

Acts 15:3

So, di chorch sen dem aaf ahn dehn staat travl chruu Phoenicia ahn Samaria lan. Ahn lang di wie dehn tel di biliiva dem iina diitiel di nyuuz bout how di Gentile pipl dem wende get siev tu. Ahn di bredrin dem wehn laik hier dis plenty.

Acts 15:6

So di apasl ahn ada rilijos liida dem disaid fi get tugeda ahn taak bout wat dehn shuda du.

Acts 16:4

Den dehn travl fahn sity tu sity fi tel di Gentile biliiva dem di ruul weh di apasl ahn di ada chorch liida dem dah Jerusalem wehn disaid pan fi dem du.

Acts 18:27

Den, wen Apollos wehn waahn go tu Achaia, di chorch breda dem rait wan leta deh tel dem fi risiiv im. Ahn wen ihn get deh, ihn help plenty a di biliiva dem, weh wehn ton Kristyan chruu God lov.

Acts 21:17

Ahn afta wi get deh, di bredrin dah Jerusalem gi wi wan waam welkom.

Acts 21:19

So, afta Paul hiel dem, ihn staat tel dem bout aal weh God wehn du mongs di Gentile pipl dem chruu ihn tiichin.

Romans 15:18

Ai no gwain taak bout notn eksep fi weh Jesus Christ tel mi fi seh ahn du, so unu pipl weh dah no Jew wuda obie God tu.

Romans 15:7

So, unu shuda aksep wan anada jos laik how Christ wehn aksep unu, so dat evrybady gwain kyan priez di Laad tugeda.

1 Corinthians 15:10

Bot dah sieka God gries mek Ah kom fi bii di porsn weh Ah ton now. Ahn God neva shuo mi ihn gries fi notn, bikaaz Ai work haada an aal di res a di apasl dem. Bot mek Ah tel unu, dah no mii miself deh work, bot dah God gries weh deh wid mi weh wende du'ih.

2 Corinthians 5:19

Dat miin seh God wende work chruu Christ fi bring bak aal di pipl fahn di worl tu himself; di Laad no huol dehn sin gens dem no muo. Ahn ihn lef wi fi tel di pipl dem di mesij bout how dehn kyan get bak rait wid God.

2 Corinthians 6:1

So bredrin, wii weh deh work tugeda wid God, deh beg unu fi mek gud yuus ah di gries weh God wehn gi unu.

Colossians 4:10

Aristarchus, weh deh iina jiel yah wid mi tu, sen heluo fi unu —ahn Mark tu, weh dah Barnabas kozn. Ah wehn don tel unu aredy fi welkom Mark, if ihn go vizit unu.

2 John 1:10

Ah seh agen, if sombady kom tu unu ahn dehn no kom wid di chruu tiichin, no gat notn fi du wid dem —nat iivn welkom dem iina unu hous. Unu no iivn fi hiel dem niida,