Acts 15:2 - The New Testament in Islander Creole

² Bot Paul ahn Barnabas neva grii wid dat, ahn dehn aagyo plenty wid dem bout dis fi som taim. So di bredrin dem dah Antioch disaid fi mek Paul ahn Barnabas —lang wid som ada biliiva— go'op dah Jerusalem dah di apasl ahn ada chorch liida dem fi fain out weh dehn gat fi seh bout di huol ting.

Acts 15:2 Iomraidhean Croise

Acts 10:23

So Peter aks dem fi kom iin ahn stie di nait. Di neks maanin Peter ahn som a di biliiva fahn Joppa get'op ahn gaan wid Cornelius mesinja dem,

Acts 11:12

Den di Spirit tel mi no fi tink haad fi go wid di man dem. Ahn demya six man —weh deh rait yah— kom lang wid mii, gaan dah Cornelius hous.

Acts 11:30

So dehn du dis ahn sen dehn gif wid Barnabas ahn Saul tu di chorch liida dem dah Judea.

Acts 15:25

Now, afta wi don taak bout unu sityuwieshan ahn kom tu wan kanklushan, wi tink ih beta fi wi pik out two man fi ker wi ansa tu unu. Dehn gwain go lang wid wi gud fren dem, Paul ahn Barnabas, weh wehn put dehn laif iina dienja sieka dehn lov fi di Laad Jesus Christ.

Acts 15:27

Di two man dem weh wi sen wid dem dah Judas ahn Silas. Dehn gwain tel unu fies tu fies jos weh wi disaid, ahn so wi pruuv seh weh wi rait iina dis leta dah chruut.

Acts 15:4

Wen dehn get dah Jerusalem, di chorch pipl ahn di apasl ahn di ada rilijos liida dem wehn uova glad fi si dem. Den di bredrin tel dem evryting weh wehn hapm ahn how God yuuz dem.

Acts 16:4

Den dehn travl fahn sity tu sity fi tel di Gentile biliiva dem di ruul weh di apasl ahn di ada chorch liida dem dah Jerusalem wehn disaid pan fi dem du.

Acts 21:18

Di neks die Paul ahn aala wi gaan si James. Ahn aal di chorch liida dem wehn dedeh tu.

1 Corinthians 1:1

Disya leta dah fahn mii, Paul, weh God wehn kaal fi bii wan a Jesus Christ apasl, bikaaz dat dah weh God waahn Ah fi bii. Ah deh rait dis leta wid Breda Sosthenes.

2 Corinthians 11:5

Now, Ah no tink seh eny a dehn suo-kaal “big taim apasl” muo beta an mii.

Galatians 2:5

Bot wi neva gi'iin tu demde kain a pipl ataal. Wi wehn waahn mek shuor seh di chruut a di Gud Nyuuz bout Jesus Christ aalwiez stie wid unu!

Jude 1:3

Unu weh dah mi fren dem —unu weh Ah lov— Ah wende plan fi rait tu unu bout di nyuu laif weh God wehn gi wi, weh aala wi shier tugeda. Bot now, Ah hafy stap ahn waan unu fi fait haad fi di Gud Nyuuz weh wi biliiv iina, weh God wehn gi tu ihn pipl wans ahn far aal!