Acts 15:1 - The New Testament in Islander Creole

¹ Den som man kom dong fahn Judea ahn kom dah Antioch, ahn dehn wende tiich di bredrin dem seh, “If unu no sorkomsaiz laik how Moses seh, unu neva gwain get siev.”

Acts 15:1 Iomraidhean Croise

Acts 1:15

Fyuu diez lieta dehn wehn gat wan miitn wid aal di biliiva dem —bout wan hundred ahn twenty a dem iina aal. Ahn Peter get'op fi taak.

Acts 15:22

Den di apasl ahn ada rilijos liida dem, ahn di huol chorch disaid fi chuuz two man fahn mongs dehn gruup, ahn sen dem wid Paul ahn Barnabas tu Antioch. Dehn chuuz Judas, di wan weh ihn taikl dah Barsabbas, ahn Silas. Di two a dem dah breda weh di chorch wehn rispek.

Acts 15:23

Den dehn sen wan leta wid dem. Dah so di leta riid: Fram di apasl ahn di bredrin dem, weh dah chorch liida tu, Tu aala wi Gentile breda dem weh liv iina Antioch, Syria ahn Cilicia: Griitinz.

Acts 15:24

Wi andastan seh som a fi wii bredrin fahn yah gaan deh, gaan opset unu, deh kwestyan unu salvieshan. Bot wi waahn unu nuo seh wi neva sen dem; dehn no gat non atarity fahn wi.

Acts 15:3

So, di chorch sen dem aaf ahn dehn staat travl chruu Phoenicia ahn Samaria lan. Ahn lang di wie dehn tel di biliiva dem iina diitiel di nyuuz bout how di Gentile pipl dem wende get siev tu. Ahn di bredrin dem wehn laik hier dis plenty.

Acts 15:32

Den, Judas ahn Silas, weh dah wehn som anaintid priicha tu, inkorij ahn strentn di biliiva dehn fiet wid wan lang mesij.

Acts 15:5

Bot som a di biliiva weh dah wehn Pharisee get'op ahn seh, “Dat gud, bot di pipl dem weh dah no Jew hafy sorkomsaiz ahn obie di res a Moses Laa tu.”

Acts 21:20

Wen dehn hier aal demde tingz, dehn staat priez di Laad, bot den dehn seh tu im, “Yu si, breda, ho moch a di Jew dem biliiv —thousands— ahn aala dem ongl strik wen ih kom pahn deh obie di Laa.

Acts 6:14

Wi hier im seh dah man weh wehn kom fahn Nazareth, Jesus, gwain tier dong fi wi Templ ahn chienj aala wi rilijos wiez dem weh wehn kom dong fahn Moses!”

Galatians 2:1

Den, fourteen yierz afta dat, Ah gaan bak dah Jerusalem, dis taim wid Barnabas, ahn Ah ker Titus wid mi tu.

Galatians 5:6

Bikaaz, wen wi dah wan wid Jesus Christ, ih no mata if wi sorkomsaiz or no sorkomsaiz. Weh riily impuotant dah wi fiet iina Christ, ahn dah dat fiet weh mek wi gat lov.

Galatians 6:12

Demde pipl weh deh trai fuos unu fi get sorkomsaiz ongl waahn impres dehn fren dem, so dat non a dem no gwain moles dem no muo. Demde kain a pipl neva gwain priich seh pipl ongl kyan get siev chruu weh Jesus Christ du pahn di kraas. Demde pipl priich seh unu hafy get sorkomsaiz ahn ton Jew fos!

Colossians 2:16

So bredrin, unu no fi mek nonbady joj unu bout weh unu shuda iit nar jrink. Dehn no fi tel unu weh unu shuda du pahn dehn speshal waaship die evry yier or di taim evry mont wen di pipl dehn fi kiip'op di nyuu muun, or fi kiip di Sabat die niida.

Colossians 2:8

So den, no mek nonbady fuul unu op wid dehn aagyoment weh no gat non sens ahn no wot notn ataal. Dehn maita soun waiz, bot dehn dah faals tiicha weh ongl han dong demde tingz fahn hyuuman bi'in ahn fahn di faals spirit dem, weh ruul uova disya worl. Dehn no kom fahn Christ!