Acts 13:6 - The New Testament in Islander Creole

⁶ Dehn travl chruu di huol ailant til dehn get dah Paphos, weh paat dehn bok'op pahn wan uobya man, wan Jewish faals prafit weh wehn niem Bar-Jesus.

Acts 13:6 Iomraidhean Croise

Matthew 16:17

Den Jesus seh tu im, “If yuu wehn ongl nuo how bles yo bles, Simon, Jonah son! Bikaaz nonbady neva mek yo andastan dis; dah mi Faada iina hevn du'ih.

Matthew 24:24

Bikaaz plenty faals Christ ahn faals prafit gwain kom op. Ahn dehn gwain trai trik di pipl dem deh shuo dem som uova big mirakl ahn wandaz tu. Dehn gwain iivn trai trik di pipl weh God don chuuz, if dehn kyan fuul dem tu.

Matthew 7:15

“Luk out fi di faals prafit dem weh kom tu yo deh luk gud dres op, bot iina dehn haat dehn jos laik wan kraas wulf.

Mark 10:46

Den Jesus get Jericho, ahn wen ihn wende lef out fahn deh wid ihn disaipl dem, wan paila pipl fala im. Ahn wan blain man weh niem Bartimaeus, Timaeus son, wende sidong dah di ruod-said, deh beg.

Acts 13:13

Now Paul ahn ihn fren dem set out ahn siel fahn Paphos tu Perga iina Pamphylia lan. Dehso John Mark lef dem ahn gaan bak dah Jerusalem.

Acts 13:8

Bot di uobya man, Elymas —weh dehn wehn kaal im iina di Greek langwij— wende gens Barnabas ahn Saul, ahn ihn trai fi diskorij di luokal govana fahn chros iina Jesus.

2 Corinthians 11:13

Pipl laik demde man weh laik buos —dehn dah faals apasl weh deh fuul unu op ahn deh shuo aaf demself laik dehn dah Christ chruu apasl, bot dem dah no so!

2 Timothy 3:8

Jos laik Jannes ahn Jambres wende gens Moses, siem wie demde kain a pipl yah, dehn deh gens di chruut. Dehn no tink rait; dehn ongl pie main tu wikidnis. Dehn gat faals fiet ahn God don ton weh fahn dem, bikaaz dehn no biliiv rait!

1 John 4:1

Mi dier fren dem, unu no fi chros evrybady weh seh, dah God Spirit deh taak chruu dem. Bot unu fi tes out di spirit dem fos, fi si if dehn dah fahn God fi chruut, bikaaz wan paila faals prafit deh iina di worl.

Revelation 19:20

Bot dehn kech di biis ahn di faals prafit. Him dah di wan weh wehn du dehn mirakl fronta di biis. Wid demya mirakl ihn wehn fuul'op di pipl weh wehn gat di maak fahn di biis ahn weh wehn waaship ihn statyo. Ahn dehn pich di biis ahn di Faals Prafit alaiv iina wan liek wid faiya weh deh bon wid solfa.