Acts 13:2 - The New Testament in Islander Creole

² Wail dehn wende waaship di Laad ahn deh faas, di Holy Spirit seh tu dem, “Ah waahn unu dedikiet Barnabas ahn Saul fi wan speshal work weh Ah gat fi dem.”

Acts 13:2 Iomraidhean Croise

Matthew 17:21

[Bot disya kain a bad spirit ongl kom out bai praya ahn wen unu faas.]”

Matthew 6:16

“Enytaim unu faas, no mek'op unu fies laik if unu sad laik di hipokrit dehn du. Bikaaz dehn wi put dehn fies laik puor ting fi ada pipl biliiv dehn deh faas. Ah deh tel unu di chruut: dehn no gwain get no muo priez an weh dehn don gat!

Matthew 9:38

So prie seh di Wan weh inchaaj a di haavis wi sen som muo pipl fi work iina ihn grong.”

Luke 10:1

Afta dis, di Laad pik out seventy-two muo disaipl. Ahn ihn sen dem out two-two, fi go hed a im dah evry toun ahn plies weh ihn wehn gwain go.

Luke 2:37

Anna dah wehn wan wido til dah taim wen ihn wehn gat eighty-four yierz. Ihn neva lef di Templ ataal, bot nait ahn die ihn wende waaship God, deh faas ahn deh prie.

Acts 10:19

Wail dah taim kom, Peter wehn stil deh tink bout di vizhan weh ihn wehn jos si, wen di Holy Spirit tel im seh, “Luk yah; som man deh dong deh fi si yo.

Acts 10:30

Cornelius ansa seh, “Dah wehn bout four diez abak, roun dis siem taim —three aklak di iivnin— Ah wende du mi yuuzwal iivnin prayaz, wen aalava sodn wan man iina uova brait kluoz kom ahn stan op fronta mi.

Acts 13:3

So, afta dehn wehn faas ahn prie som muo, dehn put dehn han pahn dem fi bles dem ahn sen dem aaf.

Acts 13:4

So, di Holy Spirit sen dem out, ahn dehn gaan dong fos dah di Seleucia sii kuos ahn den siel aaf tu Cyprus.

Acts 14:26

Fahn deh dehn siel bak dah Antioch, weh dehn wehn staat out fram, ahn fahn weh paat di biliiva dem wehn sen dem out wid God blesin fi di work weh dehn don du.

Acts 20:28

Now unu hafy wach out gud, ahn mek shuor seh unu tek kier a unuself ahn di biliiva dem weh di Holy Spirit put unu uova laik shepad. Demya pipl dah di chorch weh Jesus bai wid fi him uon blod.

Acts 22:21

Bot di Laad seh tu mi, ‘Go fahn Jerusalem rait now, Paul; Ah deh sen yo foor fahn yah, tu di Gentile pipl dem.’ ”

Acts 4:36

Now, dehn wehn gat wan man niem Joseph weh wehn kom fahn di traib a Levi. Ihn wehn baan pahn Cyprus ailant, ahn di apasl dehn kaal im Barnabas —weh miin Di Wan weh Inkorij Ada Pipl.

Acts 6:4

Den wii, di Laad apasl, kyan spen wi taim fi prie ahn priich di gud nyuuz.”

Acts 8:29

Den di Holy Spirit tel Philip seh, “Go uova bai di kyar ahn ron lang saida ih.”

Acts 9:15

Den di Laad tel Ananias, “Go ahn du weh Ah seh, bikaaz dis man dah di wan weh Ai pik fi mek di Gentile pipl dem nuo huu dah mi, ahn fi go fronta plenty king ahn di pipl fahn Israel tu.

Romans 1:1

Dis leta dah fahn mii, Paul, weh sorv Jesus Christ. Ai dah wan apasl weh God wehn pik ahn get di kaal fi go, go priich ihn Gud Nyuuz.

Romans 10:15

Ahn how di mesinja dem gwain tel dem, if nonbady no sen dem? Dah laik weh rait iina di Skriptyo seh, “Dah wan byuutiful sait iivn fi si di fut dem a demde mesinja weh deh bring di Gud Nyuuz.”

Romans 15:16

God wehn sen mi fi work laik wan sorvant a Christ Jesus mongs unu weh dah no Jew. Di Laad mek Ah work laik wan priis fi tel unu di Gud Nyuuz weh ihn wehn gi wi, so dat unu Gentile pipl kuda chros iina Christ, ahn bii laik wan sakrifais weh pliiz God. Di Holy Spirit don mek unu haat kliin, ahn mek unu God uon pipl dem tu.

1 Corinthians 12:11

Dah wan Spirit du aala demya tingz, ahn dah him weh seh dah huu fi get wich gif.

1 Corinthians 7:5

So, unu no fi huol bak unuself fahn wan anada, eksep wen unu grii tugeda fi du dat jos fi wan likl wail so unu kyan spen taim fi prie. Bot, az suun az dah taim uova, go bak ahn bii wid wan anada. Iina dah wie, unu no gwain gi Satan non chaans fi temp unu sieka weh unu kyaahn kanchruol unuself.

2 Corinthians 11:27

Ah work uova haad chruu plenty haad taim. Ahn plenty nait Ah no sliip ataal; plenty taim Ah dedeh hongry ahn torsty; som taim Ah no gat non kain a fuud, ahn Ah dedeh kuol ahn niekit.

2 Corinthians 6:5

Som taim dehn biit wi, ahn dehn chruo wi iina jiel. Wi get hot iina raiyat, ahn wi work til wi waahn jrap dong. Som taim wi iivn hafy go bitout sliip ahn fuud.

Galatians 1:15

Wel, God wehn shuo mi ihn lov ahn ihn kainis, wen ihn pik mi ahn set mi wan-said fi sorv im fahn di die Ah wehn baan! Ahn Ai neva dizorv dat.

Ephesians 3:7

Ahn dah chruu God gries Ai dah Christ sorvant fi spred disya Gud Nyuuz aal uova, ahn dah di Laad weh gi mi fi him powa fi du ihn work.

Colossians 4:17

Tel Archippus seh, “Yu fi mek shuor seh yu du aal di work weh di Laad gi'yo fi du.”

1 Timothy 2:7

Ahn so, dat dah wai God wehn pik mii ahn sen mi fi bii ihn gud nyuuz kariya ahn wan apasl, fi tiich dehn pipl weh dah no Jew how dehn fi chros iina Christ, deh shuo dem di chruu wie fi get siev. Ahn Ai deh tel unu di chruut; Ah no deh tel non lai ataal!

2 Timothy 1:11

God don pik mii fi tel di pipl dem evrywie dis Gud Nyuuz ahn ihn sen mi fi bii wan apasl ahn wan tiicha tu dem.

2 Timothy 2:2

Ahn di wod dem weh yu wehn hier mi priich fronta plenty pipl weh dah wiknis, yuu fi paas aan tu ada fietful pipl weh gwain kiip dem iina dehn haat ahn den dehn tiich dem tu ada pipl tu.

2 Timothy 4:11

Dah ongl Luke deh wid mi. So, go pik op Mark ahn bring im lang wid yo wen yu deh kom, bikaaz him kyan help mi wid di work weh Ah deh du.

2 Timothy 4:5

Bot yuu, Timothy, yu fi kiip yo hed wid yu aalwiez. No fried fi sofa fi di Laad. Du di work a wan ivanjelis ahn finish di jab weh God wehn gi'yo fi du.

Hebrews 5:4

Ahn nobady kyaahn get di ana fi bii wan Hai Priis jos bikaaz dehn waahn. Dah God ihnself wehn hafy pik im speshal fi disya work, jos laik how ihn wehn pik Aaron lang-lang taim abak.