Acts 13:10 - The New Testament in Islander Creole

¹⁰ “Yuu, son a di devl! Yuu weh ful ah aal kain a bad trik ahn wikidnis; yuu dah di enimy a evryting weh gud! Wen yuu gwain stap twis'op di Laad wiez?

Acts 13:10 Iomraidhean Croise

Matthew 13:38

ahn di grong dah laik di worl. Di gud siid dah laik dem weh dah paat a God Kingdom, bot di prikl dah laik dem weh deh fala di devl.

Matthew 15:19

Bikaaz dah fahn iinsaida di porsn haat aal di doty tinkin kom out weh mek im du aal di bad ting dem, laik kil, komit adolchry, gat seks bitout marid, tiif, tel lai fi get somting, ahn bring dong sombady repyutieshan.

Matthew 23:13

Den Jesus kantinyo deh seh, “How haad unu gwain gat'ih, unu tiicha a di Laa ahn Pharisee pipl, unu hipokrit! Unu deh henda pipl fahn go iina di Kingdom a Hevn. Unu uonself neva gwain go iin, nar mek nonbady els go iin niida.

Matthew 3:7

Bot wen John si som Pharisee ahn som Sadducee deh kom upaa ihn wende baptaiz, ihn tel dem seh, “Unu sniikin, jos laik som sniek iina graas! Dah huu waan unu bout di jojment weh deh kom?

Luke 11:39

Bot di Laad seh tu im, “Now, unu Pharisee! Unu mek shuor seh unu kliin evryting pan di outsaid weh pipl kyan si, laik unu kop ahn unu pliet, bot iina unu haat unu griidy ahn wikid!

Luke 11:52

“How haad unu gwain gat'ih, unu tiicha a di Laa, bikaaz unu tek weh di kii fi andastan God Wod. Unu uonself no aksep di chruut, ahn unu hinda dem weh waahn laan ih.”

John 1:23

Ahn John tel dem jos laik weh di prafit Isaiah wehn seh bout im, “Ai dah di mesinja weh deh kom fahn di dezart deh baal out seh: ‘Pipl! Di Laad suun kom, so unu get redy fi risiiv im!’ ”

John 8:44

Unu dah fi unu uon faada weh dah di devl; ahn dah unu waahn du weh him waahn unu fi du. Him dah wehn wan mordara fahn di fos, ahn him neva waahn gat notn fi du wid di chruut, bikaaz nat wan piis a chruut deh iina him. Wen di devl tel lai, ihn deh du'ih bikaaz dah so him fi lai, sieka him dah di faada ah aal di lai dem.

Acts 20:30

Ih gwain kom tu di paint weh —rait fahn mongs unu— unu gwain gat som weh gwain twis'op di chruut fi trai win di biliiva dem pahn fi dehn said.

2 Corinthians 11:3

Bot, Ah fried seh sombady gwain liid unu astrie fahn di chruu lov weh unu gat fi Christ, siem laik how di sniek wehn trik Eve!

Galatians 1:7

Dah nyuu tiichin ongl soun laik di tiichin a di Gud Nyuuz bout Jesus Christ, bot dah no so! Dah jos dat dehn gat demde kain a pipl weh waahn ton ahn twis'op di chruut, ahn kanfyuuz unu!

Ephesians 4:14

Den, iina dah taim deh, wi no gwain bii laik likl pikniny no muo, weh iizy fi chienj weh dehn biliiv az kwik az dehn hier enyting weh nyuu. Dehn dah laik wan likl buot weh di wiev dem kyan fling bout, wen di strang briiz kiip aan deh chienj ahn bluo di buot dis wie ahn dah neks wie. Demde pipl weh deh trai fi fuul wi op wid dehn rang tiichin, dah jos laik demde win. Dehn liid som biliiva astrie wid dehn triky tiichin dem, weh dehn mek'op dehn uonself!

2 Peter 2:15

Dehn don lef di wie weh rait ahn laas dehn wie. Dehn don fala di wie a Baalam —Beor son— weh wehn ongl lov di mony weh ihn gwain get fi du rang!

1 John 3:8

Bot evrybady weh kiip aan deh sin dah di devl pikniny, bikaaz di devl deh sin fahn di biginin! Ahn dis dah wai di Son a God wehn kom fah: ihn kom fi distrai aal weh di devl du.