Acts 13:1 - The New Testament in Islander Creole

¹ Now, iina di chorch dah Antioch yo wehn gat som prafit ahn tiicha, laik Barnabas ahn Simeon —weh dem kaal Naiger tu— ahn Lucius fahn Cyrene, ahn Manaen —weh wehn gruo'op wid Herod, di ruula— ahn Saul tu.

Acts 13:1 Iomraidhean Croise

Matthew 27:32

Wen dehn wehn gwain pahn di wie, dehn bok'op wan man fahn Cyrene sity weh wehn niem Simon, ahn dehn fuos im fi bak Jesus kraas.

Luke 3:1

Den di taim kom wen Zechariah son, John, wehn gruo'op, ahn gat God mesij fi staat priich. Daty taim wen John wehn iina di dezart, ahn plenty ruula wende roun, Tiberius Caesar wende ruul di huol Roman worl —ihn wehn iina ihn fifteenth yier— ahn ihn helpa Govana Pontius Pilate wende ruul Judea lan, ahn King Herod wende ruul di Galilee sekshan, ihn breda Philip wende ruul di Ituraea ahn di Trachonitis sekshan dem, ahn Lysanias wende ruul di Abilene sekshan; ahn Annas ahn Caiaphas dehn dah wehn di Hai Priis.

Acts 11:30

So dehn du dis ahn sen dehn gif wid Barnabas ahn Saul tu di chorch liida dem dah Judea.

Acts 12:25

Ahn wen Barnabas ahn Saul don fi dehn work iina Jerusalem, dehn lef deh ahn ker John Mark wid dem.

Acts 13:9

Bot Saul —weh dehn kaal Paul tu— wehn ful'op wid di Holy Spirit ahn neva fried fi im. Ihn luk striet iina ihn ai ahn seh,

Acts 15:32

Den, Judas ahn Silas, weh dah wehn som anaintid priicha tu, inkorij ahn strentn di biliiva dehn fiet wid wan lang mesij.

Acts 15:35

Ahn Paul ahn Barnabas, dehn stie bak dah Antioch fi help priich ahn tiich di Wod a di Laad lang wid di ada priicha ahn tiicha dem weh dehn wehn gat.

Acts 19:6

Den Paul put ihn han pahn dehn hed ahn di Holy Spirit kom dong pahn dem, ahn dehn staat taak iina som fony langwij ahn dehn priich God Wod tu.

Acts 21:9

Ihn wehn gat four daata weh no marid ahn dem dah wehn prafit.

Acts 4:36

Now, dehn wehn gat wan man niem Joseph weh wehn kom fahn di traib a Levi. Ihn wehn baan pahn Cyprus ailant, ahn di apasl dehn kaal im Barnabas —weh miin Di Wan weh Inkorij Ada Pipl.

Acts 9:1

Now iina daty taim, Saul stil wende tretn di Laad falowa dem ahn waahn kil dem. So ihn gaan dah di Hai Priis,

Romans 16:21

Timothy, weh work wid mi, seh fi tel unu heluo. Ahn Lucius ahn Jason ahn Sosipater, dehn seh fi tel unu heluo. Dehn dah Jew tu, jos laik mii.

1 Corinthians 11:4

So enywan a unu man weh kova ihn hed wen ihn deh prie or wen ihn deh prafisai iina chorch, dah siem laik him no deh ana Christ.

1 Corinthians 13:2

Ahn, if Ah kuda prafisai ahn andastan aal di siikrit tingz fahn God ahn nuo evryting weh deh fi nuo; ahn, if Ai wehn gat fiet weh kuda muuv di mountin dem —bot Ai no gat lov fi nonbady— Ai dah no notn ataal!

1 Corinthians 13:8

Memba seh: lov gwain laas fareva. Bot di gif fi prafisai, ahn fi taak iina ada langwij, ahn evry kain a nalij gwain kom tu wan en.

1 Corinthians 14:29

Two or three pipl weh priich God mesij kyan taak, ahn di res fi lisn gud, ahn den tink bout weh dehn deh seh.

1 Corinthians 14:32

Bot demde pipl weh gat di gif fi priich God Wod, shuda kanchruol di gif weh dehn gat.

1 Corinthians 9:6

So, dah ongl mii ahn Barnabas hafy work fi wi livin wail wi deh work fi di Laad?

Galatians 2:13

Ahn den, muo wosa yet, di ada Jewish breda dem wende fala Peter, deh priten jos laik him! Iivn Barnabas ahn aal di res get haal iina di ting ahn wende go aan laik dem tu.

Galatians 2:9

Iivn James, Peter, ahn John, huu dah wehn di muos impuotant chorch liida dem, wehn kom fi riiyalaiz seh God wehn bles di work weh Ah wende du. So dehn shiek han wid mi ahn Barnabas, fi shuo seh aala wi dah wehn paadna. Ahn dehn wehn grii seh mii ahn Barnabas wehn fi go priich tu di Gentile pipl dem, ahn dem wuda go tu dem weh dah Jew.

Ephesians 4:11

Dah him huu wehn gi demya gif tu di pipl dem. Ihn pik som pipl fi bii apasl, ahn som fi bii prafit, ahn som a dem ivanjelis. Ahn ihn pik som ada pipl fi bii pastya ahn tiicha tu.

Philippians 4:22

Di chruut dah seh, aala God pipl dem —speshaly demde pipl weh work dah Caesar palis— seh fi hiel unu.

1 Thessalonians 5:20

Unu no fi luk dong pahn weh sombady deh prafisai.