Acts 12:11 - The New Testament in Islander Creole

¹¹ Dah den Peter kom tu ihnself ahn seh, “Now Ah nuo seh dis dah no wan driim, bot ih hapm fi chruut! Di Laad sen wan a ihn ienjel fi reskyu mi fahn Herod powa ahn fahn evryting weh di Jewish liida dem wehn waahn fi hapm tu mi.”

Acts 12:11 Iomraidhean Croise

Luke 15:17

Lieta ihn kech ihn hed ahn seh, ‘Dongtu mi pupa sorvant dem gat plenty fuud fi iit, ahn mi deh yahso deh ded fi hongry.

Acts 12:7

Aalava sodn wan a di Laad ienjel stan op fronta Peter, ahn di prizn sel lait'op wid wan brait lait! Di ienjel shiek Peter, wiek'im op, ahn tel im seh, “Mikies, Peter, ahn get'op.” Siem taim di chien dem jrap aafa Peter han dem!

Acts 24:27

Huol a two yierz paas laik dis; den wan nyuu govana tek uova fahn Felix, weh niem Porcius Festus. Bot wen Felix wende lef, ihn lef Paul rait dehso iina prizn, bikaaz ihn wehn waahn stie gud wid di Jewish liida dem.

Acts 25:9

Den Festus, sieka weh ihn wehn waahn pliiz di Jew liida dem, aks Paul, “Yu wilin fi go'op dah Jerusalem ahn stan trayal fronta mi deh?”

Acts 5:19

Bot iina di nait wan ienjel fahn di Laad kom uopm di jiel duo ahn ker dem out. Afta ihn ker dem out, ihn tel dem seh,

Hebrews 1:14

Unu si seh di ienjel dem dah spirit ahn dehn dedeh fi sorv God. God deh sen dem fi help di pipl dem weh him gwain siev.

2 Peter 2:9

So unu si, di Laad nuo how fi siev fi him pipl dem fahn di haad taim dem weh dehn deh go chruu. Ahn ihn nuo how ihn gwain ponish pahn di Die a Jojment aala demya pipl weh deh liv slak laif tu. Iivn now, God jojment deh heng uova dehn hed!