Acts 11:3 - The New Testament in Islander Creole

³ Dehn tel im seh, “Yuu gaan iina dehn pipl hous weh no sorkomsaiz, ahn iivn iit dah dehn tiebl!”

Acts 11:3 Iomraidhean Croise

Matthew 9:11

Wen di Pharisee pipl si wat wende hapm, dehn komplien tu Jesus disaipl ahn aks dem seh, “Bot how fi unu tiicha kyan stan fi iit wid demde kain a pipl?”

Luke 15:2

Ahn som Pharisee ahn di tiicha a di Laa dem wende komplien ahn maama seh, “Bot how ihn kyan stan fi miks'op wid demde kain a pipl; ihn iivn iit wid di sina dem.”

John 18:28

Dah wehn suun iina di maanin wen di Jewish liida dem mek di Templ gyaad dehn ker Jesus fahn Caiphas plies tu di govana hous weh dehn kaal di “Praetorium.” Bot di Jewish liida dem neva gaan iinsaid, fi no get dehnself doty iina God sait; dehn waahn stie kliin fi dehn kuda iit di Paasuova sopa.

Acts 10:23

So Peter aks dem fi kom iin ahn stie di nait. Di neks maanin Peter ahn som a di biliiva fahn Joppa get'op ahn gaan wid Cornelius mesinja dem,

Acts 10:28

Peter seh tu aala dem, “Unu wel ahn nuo seh ih go gens fi wi Jewish kostom dem fi miks'op wid pipl weh dah no Jew or go dah dehn hous. Bot God shuo mi seh Ah no fi seh nonbady no kliin nof fi miks'op wid wi sieka dehn dah no Jew laik wi.

Acts 10:32

Now sen som man dah Joppa fi aks fi Simon, huu dehn kaal Peter tu, fi kom. Ihn deh stie iina Simon hous, di man weh mek tingz outa leda, weh liv nier di sii.’

Acts 10:48

So, Peter aada dem fi get baptaiz iina di niem a Jesus Christ. Den afta dat, Cornelius beg im fi stie wid dem fi som diez.

1 Corinthians 5:11

Wat Ai wehn miin fi seh dah dis: unu no fi gat notn fi du wid nonbady weh kaal dehnself wan biliiva ahn stil yet deh liv wan slak laif, or gat red ai, or deh waaship di aidal dem, or deh taak bad bout pipl, or deh jrink til dehn get jronk, or deh tiif. Unu shuda no iivn sidong fi iit wid nonbady weh du demde kain a tingz.

Galatians 2:12

Him wende iit kwait gud wid di Gentile Kristyan dem, bot az suun az som man —weh James wehn sen— kom op deh, Peter haal bak ahn neva waahn iit wid di Gentile pipl dem agen! Ihn du dat, bikaaz ihn wehn fried fi weh demde pipl, weh waahn seh wii biliiv seh di Jew dem no fi brok bred wid demde pipl weh no sorkomsaiz!

2 John 1:10

Ah seh agen, if sombady kom tu unu ahn dehn no kom wid di chruu tiichin, no gat notn fi du wid dem —nat iivn welkom dem iina unu hous. Unu no iivn fi hiel dem niida,