Acts 10:11 - The New Testament in Islander Creole

¹¹ Ihn si di skai uopm op ahn somting laik wan uova big shiit kom dong tu di grong bai di four kaana.

Acts 10:11 Iomraidhean Croise

Matthew 8:11

Fi chruut, plenty pipl weh dah no Jew gwain kom fahn iis ahn wes, ahn dehn gwain sidong fi iit wid fi wi ansesta Abraham, Isaac, ahn Jacob iina di Kingdom a Hevn.

Luke 3:21

Siem taim wen John wende baptaiz aal di pipl dem, Jesus get baptaiz tu. Ahn az Jesus wende prie, di hevn uopm op,

John 1:51

Den Jesus seh, “Ah deh tel unu di chruut: unu gwain si hevn uopm op, ahn si God ienjel dem deh go'op ahn dong roun di Son a Man.”

John 11:52

—ahn no ongl fi dem— bot fi gyada aala God pipl dem weh wehn skyata aal uova di worl, mek dem kom tugeda az wan.

John 12:32

Ahn mii, wen dehn lif mi op aafa di ort, Ah gwain draa evrybady tu mii.”

Acts 10:12

Iina di shiit wehn gat aal kain a four-fut animal, ahn reptail, ahn bord weh flai iina di ier.

Acts 11:5

“Wen Ah wehn deh dah Joppa, wail Ah wende prie, Ah get wan vizhan ahn Ah si somting weh fieva wan uova big shiit weh kom dong fahn hevn bai ih four kaana, ahn ih kom rait dong tu weh Ah wende.

Acts 7:56

“Luk!” ihn seh, “Ah si hevn uopm op ahn di Son a Man deh stan op pahn God rait han said!”

Romans 1:16

Az fi mii, Ai no shiem a di Gud Nyuuz ataal, bikaaz dis Gud Nyuuz dah God powaful wie fi siev evrybady weh chros iina Jesus Christ —fos dehn pipl weh dah Jew; ahn den, demde pipl weh dah no Jew tu. Aala dem gwain get siev if dehn chros iina him!

Romans 9:4

Di pipl fahn Israel dah di pipl weh God wehn pik out lang taim abak fi bii ihn uon pikniny dem. Ahn God wehn shuo dem fi him gluory. Ihn mek agriiment wid dem ahn gi dem ihn Laa. God shuo dem how fi waaship him, ahn aala fi ihn pramis dem, dah fi dem tu.

Galatians 2:15

Wii wiself wehn baan Jew. Wii dah no demde kain a pipl weh dehn kaal ‘di Gentile sina dem.’

Galatians 3:28

So now, unu no gat non difrens bitwiin di Jew dem ahn dem weh dah no Jew; non difrens bitwiin di sliev dem ahn dem weh frii; non difrens bitwiin di man dem ahn di uman. Aala wi dah wan, wen wi dah fi Jesus Christ!

Ephesians 1:10

Dis plan weh God gwain kompliit wen di rait taim kom, dah fi bring tugeda evryting weh deh iina hevn ahn weh deh pahn ort wid Christ az di hed!

Ephesians 3:6

Ahn dis dah di siikrit plan weh God neva shuo nonbady til now: Wen di Gentile pipl biliiv di Gud Nyuuz, den God gwain gi dem di siem blesin dem jos laik weh fi him Jewish pipl dehn gwain get. Aala dem tugeda kom fi bilang tu wan bady, ahn dehn gwain get di siem rich blesin dem, weh God wehn pramis chruu Christ Jesus.

Colossians 3:11

So, ih no mata if unu dah Jew or no wan Jew, or if unu sorkomsaiz or unu no sorkomsaiz. Ih no mata if unu edyukietid or on'edyukietid; if unu dah wan farina, wan sliev, or wan porsn weh frii. Aal weh mata dah Christ, ahn dat him deh liv iina unu!

Revelation 11:19

Den, di duo fi God Templ iina hevn uopm op. Ahn iinsaida it unu kuda si di huoly baks weh wehn huol di agriiment weh God wehn mek wid ihn pipl dem. Den, Ah si laitnin staat flash ahn Ah hier di tonda staat ruol. Ahn wan big ort-kwiek shiek di ort ahn som big hiel-stuon staat jrap dong outa di skai!

Revelation 19:11

Den, Ah luk ahn Ah si hevn uopm op, ahn wan wait haas deh stan op deh. Di porsn weh deh raid im wehn niem “Di Wan weh Fietful ahn Chruu.” Ahn dah him weh aalwiez fier wen ihn joj, or wen ihn fait gens ihn enimy dem.

Revelation 4:1

Afta dat, Ah si wan nada vizhan: Ah si wan duo uopm op iina hevn. Ahn Ah hier wan vais weh soun laik wan trompit —di siem vais weh Ah wehn hier fos. Ihn tel mi seh, “Kom op yah ahn Ah gwain shuo unu di tingz dem weh hafy hapm afta dis.”