Acts 1:7 - The New Testament in Islander Creole

⁷ Jesus ansa ahn seh, “Unu no hafy nuo dat. Dah di Faada set di taim ahn di die ahn di yier wen aala dat gwain hapm, bikaaz ihn gat di atarity fi du dat.

Acts 1:7 Iomraidhean Croise

Matthew 20:23

Jesus seh tu dem, “Unu kyan mek shuor seh unu gwain drink outa mi kop a sofarin. Bot mii no gat di rait fi disaid huu gwain sidong pahn mi rait said, or pan mi lef. Dah ongl mi Faada gwain gi daty plies tu dem weh ihn gat pripier fi dat.”

Matthew 24:36

“Bot nonbady no nuo di die, nar di taim a di die wen di Son a Man gwain kom bak; nat iivn di ienjel dem iina hevn, nar di Son, bot ongl God di Faada nuo dat.

Mark 10:40

Bot mii no gat di rait fi disaid huu gwain sidong pahn mi rait said, or pan mi lef. Dah ongl mi Faada gwain gi daty plies tu dem weh ihn gat pripier fi dat.”

Mark 13:32

“Bot nonbady no nuo di die, nar di taim a di die wen di Son a Man gwain kom bak; nat iivn di ienjel dem iina hevn, nar di Son, bot ongl God di Faada nuo dat.

Luke 21:24

Ahn di pipl dem fahn ada nieshan gwain kil som a unu wid suod, ahn grab di res ahn ker unu weh laik sliev; ahn den di farin pipl dem gwain ruul Jerusalem til wen di taim kom fi mek dem stap.

Acts 17:26

Dah him weh mek aal di pipl weh deh iina di worl fahn wan man. Den, ihn skyata dem aal uova di fies a di ort. Ahn dah him weh fiks di egzak taim ahn plies weh paat dehn gwain liv.

Ephesians 1:10

Dis plan weh God gwain kompliit wen di rait taim kom, dah fi bring tugeda evryting weh deh iina hevn ahn weh deh pahn ort wid Christ az di hed!

1 Timothy 6:15

Wen di rait taim kom, God gwain mek im apier. Dat dah fi wi God, weh wi priez, ahn weh dah di King uova evryting ahn evrybady. Him dah di King uova aal di ada king dem, ahn di Laad uova aal di ada Laad dem!

2 Timothy 3:1

Now den, Timothy, yu fi andastan seh juurin di laas die dem, wi gwain gat som teribl taim.