2 Peter 3:3 - The New Testament in Islander Creole

³ Fos, unu hafy andastan seh iina di laas diez som pipl gwain kom, weh gwain tek unu, mek papishuo. Dehn gwain liv uova bad ahn dehn uon laif gwain kanchruol wid los!

2 Peter 3:3 Iomraidhean Croise

John 12:48

Dem weh rijek mii ahn no waahn hier mi mesij, don gat wan joj aredy; pahn di laas die, fi dem joj gwain bii di siem tingz weh Ah don tiich dem aredy.

2 Corinthians 4:2

Wi no gat notn fi du wid dehn siikrit ahn shiemful tingz weh pipl du. Ahn wi no deh trai fuul nonbady op, nar twis'op God mesij niida. God dah wi wiknis seh wi deh tel di chruut, so dat di pipl dem kyan nuo iina dehn haat seh wi no deh tel non lai ataal.

2 Timothy 3:1

Now den, Timothy, yu fi andastan seh juurin di laas die dem, wi gwain gat som teribl taim.

Hebrews 1:2

Bot now iina demya laas diez, ihn deh taak tu wi chruu ihn uon Son. God wehn mek di huol worl ahn evryting weh egzis chruu ihn Son, ahn wan die evryting gwain bii fi him.

2 Peter 1:20

Bot muo an aal, unu niid fi andastan seh non prafisy iina di Skriptyo neva kom fahn di prafit dehn uonself.

2 Peter 2:10

Di Laad God gwain ponish aala dem, speshaly demde kain a pipl weh liv slak laif weh deh fala dehn haat fi demya doty tingz wid dehn bady. Ihn gwain ponish aal demya pipl weh rijek im ahn mak ihn atarity! Dehn faals tiicha, dehn no fried fi nonbady ahn dehn ful a demself. Dehn no iivn fried fi taak bad bout demde livin bi'in weh get dehn gluory fahn hevn!

1 John 2:18

Mii dier pikniny dem, unu fi nuo seh di en deh yahso! Ahn az unu don hier, di Enimy a Christ deh kom, ahn plenty a Christ enimy don deh yah aredy. So den, dat dah how wi nuo seh di en deh nier.

Jude 1:16

Demde kain a pipl —aal weh dehn deh du dah grombl'op ahn komplien, ahn deh du som paila wikid tingz weh dehn fiil laik! Dehn shuo aaf, ahn dehn swiit'op pipl wid dem big mout jos fi get weh dehn waahn.

Jude 1:18

“Wen di laas diez kom, plenty pipl weh deh gens God ahn deh fala dehn uon wikid wiez, gwain apier'op!”