2 Peter 3:2 - The New Testament in Islander Creole

² Ah waahn unu memba demde tingz weh God huoly prafit dem wehn tel wi ansesta dem lang-lang taim abak. Ahn unu no fi farget niida demya tingz weh Jesus, fi wi Laad ahn Sievya, wehn tel ihn apasl dem fi tel unu fi du.

2 Peter 3:2 Iomraidhean Croise

Luke 1:70

jos laik how ihn wehn tel ihn huoly prafit dem lang-lang taim abak seh

Luke 24:27

Den Jesus eksplien evryting weh wehn rait dong iina di Skriptyo bout ihnself tu dem. Ihn staat fahn Moses ahn kom rait dong tu aal di prafit dem.

Luke 24:44

Afta dat, ihn seh tu dem, “Demya dah di siem tingz Ah wehn tel unu bout wen Ah stil wende wid unu: evryting weh Moses, di prafit dem, ahn weh wehn rait dong iina di Psalms bout mii wehn hafy hapm.”

Acts 10:43

Aal di prafit dem weh wehn taak ahn rait bout Jesus lang taim abak, seh evrybady weh wehn gwain chros iina im, God gwain fargiv dehn sin dem chruu Jesus powa.”

Acts 28:23

Den dehn gi Paul wan die weh dehn fi kom weh im stie; ahn plenty a dem kom, iivn muo an di fos taim. Ahn ihn tel dem bout God Kingdom fahn maanin til liet iina di iivnin deh trai fi kanvins dem fahn weh Moses ahn di prafit dem rait seh Jesus dah di Mesaya fi chruut.

Acts 3:18

Bot fahn awie-wie abak God wehn tel aal di prafit dem seh dis wehn gwain hapm: di Mesaya weh ihn wehn pik wehn gwain hafy sofa; ahn di siem ting weh ihn wehn seh tu dem wehn kom chruu fi chruut!

Acts 3:21

Bot fos Jesus gwain stie op dah hevn til di taim kom fi ihn mek evryting nyuu. God wehn anouns dis chruu ihn huoly prafit dem fahn lang taim abak.

Galatians 6:2

Unu fi help wan anada iina aal di trobl dem weh kom wi wie. Wen unu du dat, unu gwain deh obie di komaanment weh Christ gi wi.

Ephesians 2:20

Unu wehn kom fi bii paat a di bildin weh gat di apasl ahn di prafit dem laik di foundieshan rak dem. Ahn Christ Jesus dah laik di fos brik, di chiif kaana-stuon, weh gi strent tu di bildin.

Ephesians 3:5

Now, God neva tel non a di pipl dem weh wehn liv datde taim bout dis plan yah. Bot, now di Laad don shuo disya plan tu ihn huoly apasl ahn prafit dem, chruu di Holy Spirit.

1 Timothy 6:14

Yu fi obie di aadaz dem weh Ah gi'yo tudeh, ahn yo no fi get miks'op wid non sin, so nonbady gwain kyaahn fain faalt wid yu fahn now til di die wen di Laad Jesus Christ kom bak!

2 Peter 2:21

So, ih wuda beta, if dehn neva nuo di rait wie fi liv ataal, an fi nuo ih ahn den ton dehn bak pan ih ahn pahn di komaanment dem weh huoly.

2 Peter 3:15

Memba seh: di Laad deh wiet wid pieshens fi gi di pipl fahn di worl taim fi get siev. Dis dah di siem tingz weh wi breda Paul wehn taak bout, wen ihn rait unu wid di wizdom weh God wehn gi'im.

2 Peter 3:16

Di chruut dah seh, Paul taak bout demde siem tingz iina aal ihn leta dem, wen ihn deh rait bout dis siem mata. Bot som paat a weh ihn seh, haad fi andastan, ahn som pipl weh no nuo notn ataal ahn weh no gat strang fiet, deh trai fi eksplien ih, bot dehn twis'op weh Paul wehn seh! Ahn dehn du di siem ting wid ada Skriptyo tu. So demya pipl deh bring pahn demself fi dehn uon distrokshan!

1 John 4:6

Bot, wii dah fi God, ahn enybady weh nuo God, lisn tu wii; ahn enybady weh dah no fahn God, no lisn tu wi. Dat dah how wi nuo wich spirit deh tel di chruut, ahn wich wan deh tel lai.

Jude 1:17

Bot unu, weh dah mi gud fren dem, unu fi memba weh fi wi Laad Jesus Christ apasl dem don figa out seh:

Revelation 19:10

Den, Ah faal dong fronta di ienjel dah ihn fut dem fi waaship im. Bot ihn tel mi seh, “Yo no fi du dat! Ai dah God sorvant jos laik yu ahn di ada biliiva dem —aal demde pipl weh deh fala di chruu wod weh Jesus tel wi! Yuu fi waaship God aluon! Bikaaz evrybady weh tel di chruut bout Jesus, du'ih chruu di powa fahn di Holy Spirit laik di prafit dem.”