2 Peter 2:4 - The New Testament in Islander Creole

⁴ Memba seh: God neva spier iivn di ienjel dem, wen dehn wehn sin. Ihn chien dem op ahn chruo dem iina di daak pit a hel til Jojment Die!

2 Peter 2:4 Iomraidhean Croise

Matthew 25:41

“Den ihn gwain seh tu dem pahn di lef, ‘Golang faar fahn mi unu weh God don kandem, golang iina di faiya weh kyaahn stap bon, di siem faiya weh wehn pripier fi di devl ahn ihn ienjel dem tu!

Matthew 8:29

Az suun az dehn si Jesus, dehn baal out seh, “Uo, Son a God, dah weh yo waahn wid wi? Yo mosy kom fi haraas wi bifuor di taim fi jojment?”

Mark 5:7

ahn baal out pan tapa ihn vais, “Jesus, Son a di Muos Hai God, dah weh yo waahn wid mi? Ah deh beg yo, fi God siek, no fi haraas mi!”

Luke 10:18

Jesus tel dem seh, “Yees, Ah si Satan drap laik laitnin fahn hevn.

Luke 8:31

Ahn di spirit dem kiip deh beg Jesus no fi sen dem iina Di Abyss.

John 8:44

Unu dah fi unu uon faada weh dah di devl; ahn dah unu waahn du weh him waahn unu fi du. Him dah wehn wan mordara fahn di fos, ahn him neva waahn gat notn fi du wid di chruut, bikaaz nat wan piis a chruut deh iina him. Wen di devl tel lai, ihn deh du'ih bikaaz dah so him fi lai, sieka him dah di faada ah aal di lai dem.

Romans 11:21

Memba seh: God neva spier di Jew dem, weh dah laik di natral lim; so, unu tink seh ihn gwain spier unu?

Romans 8:32

God neva iivn kiip ihn uon Son fahn sofa. So den, wen God gi ihn uon Son fi aala wi, wi kyan nuo fi shuor seh ihn gwain gi wi evryting els weh wi niid.

2 Peter 2:11

Den du dat, iivn duo di ienjel dem —weh gat plenty muo powa ahn strent an demya faals tiicha— neva taak bad bout di fals tiicha dem fronta di Laad!

2 Peter 2:5

Siem wie, God neva spier di uol worl, wen ihn mek di flod kom pahn demya pipl weh neva obie im. Di ongli'is wan weh wehn siev dah wehn Noah, weh wende priich tu di pipl seh, dehn fi liv rait iina God sait. Bot dehn no lisn tu im ataal, so di Laad ongl siev Noah ahn seven ada famaly memba dem.

2 Peter 2:9

So unu si, di Laad nuo how fi siev fi him pipl dem fahn di haad taim dem weh dehn deh go chruu. Ahn ihn nuo how ihn gwain ponish pahn di Die a Jojment aala demya pipl weh deh liv slak laif tu. Iivn now, God jojment deh heng uova dehn hed!

1 John 3:8

Bot evrybady weh kiip aan deh sin dah di devl pikniny, bikaaz di devl deh sin fahn di biginin! Ahn dis dah wai di Son a God wehn kom fah: ihn kom fi distrai aal weh di devl du.

Jude 1:13

Dem dah laik di wiev dem fahn di sii, weh fuom'op aal di dotinis pahn di sii-said —siem laik dehn shiemful tingz weh demde pipl dehn du. Dem dah laik demde staar weh no gat non plies iina di skai. So, God gat wan plies fi dem weh gwa'iina daaknis fareva, weh deh no gwain gat lait nontaim ataal!

Jude 1:6

Ahn unu shuda tink bout di ienjel dem tu, weh neva satisfai wid di amount a atarity weh God wehn gi dem, bot dehn paas di limit weh ihn wehn set fi dem! Sieka dat, God chien dem op fareva diip dong iina wan daak plies weh dehn gwain wiet fi wen Dat Die kom, wen ihn gwain joj aala dem!

Revelation 20:10

Den, di devl —weh wehn fuul'op di pipl dem— get chruo iina di liek weh wehn ful'op wid faiya weh deh bon wid solfa. Dat dah di siem plies weh dehn wehn pich di biis ahn di faals prafit. Ahn dah faiya gwain taament dem die ahn nait fareva ahn eva!