2 Peter 2:3 - The New Testament in Islander Creole

³ Ahn sieka weh dehn so griidy, dehn faals tiicha dem gwain tel unu plenty stuory weh dehn mek'op. Bot dehn jojment deh heng rait uova dehn hed, bikaaz God neva deh sliip, ahn ihn sii aal weh dehn deh du fahn lang-lang taim!

2 Peter 2:3 Iomraidhean Croise

Matthew 23:14

[How haad unu gwain gat'ih, unu tiicha a di Laa ahn Pharisee pipl, unu hipokrit! Unu laik tek uova di hous fi di puor uman dem weh dehn hozban ded. Bot stil yet unu ton roun ahn waahn shuo aaf wid lang prayaz. Fi dat unu gwain get muo ponishment fi di bad tingz weh unu du!]

Luke 18:8

No man! Ah deh tel unu: ihn gwain gi dem jostis faas. Bot wen di Son a Man kom bak, unu tink ihn gwain fain eny pipl pan ort weh gat fiet yet?”

Luke 20:20

So dehn kiip wan kluos ai pan Jesus. Dehn sen som man fi dag im —weh wende plie seh dehn biliiv Jesus— fi trai kech im iina somting weh ihn wende seh, so dehn kuda han im uova tu di Roman govana, weh wehn gat di powa fi jiel im.

Luke 22:47

Wail ihn wende taak, siem taim wan paila pipl kom op tu im. Ahn Judas —huu dah wehn wan a di twelve disaipl— wende liid dem. Ihn waak rait op tu Jesus fi kis im,

John 2:16

Ahn ihn tel dem weh wende sel di dov dem, “Ker unu tingz outa yah rait now! Unu stap ton mi Faada hous iina wan maakit plies!”

Romans 16:18

Demya pipl weh du demde kain a tingz, no deh du di Laad Jesus Christ work. Dehn deh work fi satisfai fi dehn uonself. Dehn gat swiit mout ahn dehn taak prity fi kanfyuuz'op di main a di pipl dem weh no nuo seh dehn deh du bad.

2 Corinthians 2:17

Unu si, wi dah no laik plenty pipl weh waahn get rich aafa priich God mesij. Bot wi fi priich God Wod wid di atarity weh Christ gi wi, ahn wid wan kliin haat fronta God, bikaaz dah him sen wi fi du ihn work.

1 Thessalonians 2:5

Unu wel nuo tu seh wi neva kom tu unu wid non swiit-taak niida; wii neva put aan no shuo laik if wii dah wehn unu fren so dat wi kuda wehn get mony fahn unu. Ahn God ihnself dah fi wi wiknis.

1 Thessalonians 5:3

Miin-taim di pipl dem deh seh, “Evryting deh gud ahn piisful. Notn no deh fi fried bout.” Den, wen dehn no deh espek'ih, uova bad trobl gwain kom pahn dem! Ahn evrybady gwain sofa; nonbady no gwain get-weh! Ih gwain bii laik wen bad pien kom so sodn pahn wan uman, weh gwain gat bieby weh redy fi baan.

1 Timothy 3:3

Dah man no fi bii non jronkin man, ahn ihn no fi iizy fi get beks; ihn no fi laik fait niida. Insida dat, ihn fi triit evrybady kain, so ihn no aagyo wid nonbady nontaim. Ahn ihn no fi lov mony niida.

1 Timothy 3:8

Iina di siem wie, di chorch liida weh deh help du God work iina di chorch, huu dehn kaal “diikan,” fi bii wan rispektabl man weh di pipl dem kyan luk'op tu, ahn kyan chros. Ihn no fi bii wan jronkin man, ahn ihn no fi groj ahn waahn evryting weh ihn si niida.

1 Timothy 6:5

Dah demya kain a pipl, weh no grii wid weh wi tiich, mek di pipl dem aagyo aal di taim, bikaaz dehn no tink rait. Dehn no tiich langa weh chruu bout Christ no muo, so di chruu tiichin don get tek weh fahn dem. Demde kain a pipl iivn tink seh dehn shuda sorv God jos fi get plenty mony!

Titus 1:11

Sombady hafy stap dem man! Bikaaz aal dehn deh du dah fuul'op wan paila famaly, deh tiich demde kain a tingz weh dah no chruut. Main, aal dehn waahn, dah yo mony!

Titus 1:7

Aal di chorch liida dehn gwain deh inchaaj a God work, so dehn fi liv so nonbady no gat non riizn fi fain faalt wid eny a dem niida. Dehn no fi proud ahn dehn no fi get beks iizy. Dehn no fi bii wan jronkin man, niida fi laik fait. Ahn dehn no fi groj weh ada pipl gat ahn waahn get wan lata tingz fi demself.

1 Peter 2:8

Ahn ih rait iina di Skriptyo tu seh: “Dis dah di stuon weh mek di pipl dem bok dehn fut dem ahn stombl, ahn dah stuon gwain mek dem faal dong!” Demde pipl trip uova ih, bikaaz dehn neva obie weh God seh. So weh hapm tu dem, dah weh God wehn plan fi hapm tu dem!

1 Peter 5:2

fi bii laik wan shepad fi di flak weh God wehn gi unu, ahn so tek kier a di shiip dem —laik weh God waahn unu fi du— ahn no bikaaz unu hafy du'ih. Du dah work bikaaz unu riily waahn sorv, no jos fi di mony.

2 Peter 1:16

Wan nada ting: wen wi tel unu seh di Laad Jesus Christ gwain kom bak, wii no deh mek'op non stuory. Bikaaz, dah wid fi wii uon two ai, wii wehn si how griet him griet!

2 Peter 2:1

Bot, jos laik how dehn wehn yuuztu gat dehn faals prafit iina Israel lan, dah di siem wie unu gwain gat faals tiicha mongs unu tu. Ahn dehn gwain kom wid som faals tiichin weh gwain mek demde pipl, weh hier ahn biliiv'ih, mash'op dehn fiet! Demya kain a tiicha gwain ton dehn bak pahn Christ, dehn Maasta, weh wehn set dem frii fahn di powa a sin. Ahn so, dehn gwain bring kwik distrokshan pahn dem uonself!

2 Peter 2:9

So unu si, di Laad nuo how fi siev fi him pipl dem fahn di haad taim dem weh dehn deh go chruu. Ahn ihn nuo how ihn gwain ponish pahn di Die a Jojment aala demya pipl weh deh liv slak laif tu. Iivn now, God jojment deh heng uova dehn hed!

Jude 1:11

Dehn deh iina big trobl, bikaaz dehn deh fala Cain egzampl weh wehn kil ihn uon breda. Ahn dehn deh ak laik Baalam, weh wuda wehn du enyting fi mony. Ahn siem laik Korah —weh wehn ton gens God— dem gwain get distrai tu!

Jude 1:15

Ihn deh kom fi joj, aala di pipl dem iina di worl! Ihn deh kom fi kandem aala dem sina dem weh no obie im, fi aala di teribl ting dem weh dehn seh gens im, ahn weh dehn du gens im tu!”

Jude 1:16

Demde kain a pipl —aal weh dehn deh du dah grombl'op ahn komplien, ahn deh du som paila wikid tingz weh dehn fiil laik! Dehn shuo aaf, ahn dehn swiit'op pipl wid dem big mout jos fi get weh dehn waahn.

Jude 1:4

Ah seh dis bikaaz Ah hier seh som pipl, weh deh gens God, don sniik iin mongs unu ahn chienj di mesij a God gries! Dehn deh seh how unu kuda liv slak laif, bikaaz God don paadn aala wi sin aredy! Demde kain a pipl iivn seh wi no hafy obie Jesus Christ az fi wi Maasta ahn Laad! Bot, fahn lang taim abak di Skriptyo wehn seh God gwain joj demde kain a pipl ahn ponish dem!

Jude 1:7

Ahn di siem kain a ting hapm iina Sodom ahn Gomorrah, ahn di ada sity dem weh wende nier tu dem. Dehn wende go aan wid aal kain a wotlisnis, ahn dehn wende gat seks iina aal kain a doty wie. Sieka dat, God distrai dem wid faiya weh gwain laas fareva. Ahn dis dah wan waanin fi aala demde kain a pipl weh du demde siem ting!