2 Peter 2:2 - The New Testament in Islander Creole

² Bot bifuor dehn go fahn deh, plenty pipl gwain fala dem, bikaaz dehn waahn liv slak laif. Ahn weh dehn deh du, gwain mek di pipl dem taak bad tingz gens Di Chruu Wie, weh wii deh fala.

2 Peter 2:2 Iomraidhean Croise

Matthew 22:16

So dehn sen dehn disaipl ahn som a King Herod falowa tu Jesus, ahn dehn seh tu im, “Tiicha, wi nuo seh yu tel di chruut aal di taim ahn yo tiich God wie bitout non lai. Yu no wory bout wat pipl gwain seh, ahn yu no pie main pan dehn kandishan.

Matthew 24:24

Bikaaz plenty faals Christ ahn faals prafit gwain kom op. Ahn dehn gwain trai trik di pipl dem deh shuo dem som uova big mirakl ahn wandaz tu. Dehn gwain iivn trai trik di pipl weh God don chuuz, if dehn kyan fuul dem tu.

Matthew 7:14

Bot di giet smaal ahn di ruod naro weh ker yo tu laif, ahn dah jos wan likl bit a pipl fain ih!

Mark 12:14

Ahn dehn tel im, “Tiicha, wi nuo seh yu tel di chruut aal di taim, ahn yu no wory bout wat pipl gwain seh. Yu no pie main pan dehn kandishan, bot yo tiich God wie bitout non lai. So tel wi: ih deh gens fi wi Laa or no, fi pie taks tu Caesar, di Roman Empara?”

Mark 13:22

Bikaaz plenty faals Christ ahn faals prafit gwain kom op. Ahn dehn gwain trai trik di pipl deh shuo dem som big mirakl ahn wandaz tu. Dehn gwain iivn trai trik di pipl weh God don chuuz, if dehn kyan fuul dem tu.

John 14:6

Jesus ansa ahn seh, “Mii dah di Wie, di Chruut, ahn di Laif; nonbady kyaahn kom tu di Faada eksep chruu mi.

Acts 13:10

“Yuu, son a di devl! Yuu weh ful ah aal kain a bad trik ahn wikidnis; yuu dah di enimy a evryting weh gud! Wen yuu gwain stap twis'op di Laad wiez?

Acts 14:2

Bot demya Jew weh neva biliiv trai fi paizn di main a som ada Gentile pipl dem ahn ton dem gens Paul ahn Barnabas.

Acts 16:17

Ihn fala Paul ahn di res a wi deh baal out seh, “Demya man dah di sorvant fi di Muos Hai God! Dehn tel yo how yu kyan get siev!”

Acts 18:26

Ihn staat taak strang iina di sinigag; ahn wen Priscilla ahn Aquila hier im, dehn tek im wan-said ahn eksplien im muo beta di wie weh God wehn tel wi fi fala.

Acts 19:9

Bot som a dem wehn ongl stobant ahn neva waahn biliiv. Dehn pik op wan atityuud ahn staat seh wikid tingz bout Di Wie a di Laad rait fronta evrybady. So Paul lef dem luon ahn disaid fi muuv out wid di disaipl dem. Him ahn ihn disaipl dehn gaan mek fi dem uon diskoshan evry die dah Tyrannus skuul.

Acts 22:4

Ah wehn gi haad taim tu di pipl dem weh fala ‘Di Wie,’ dongtu mek dem get kil; ahn Ah yuuztu grab man ahn uman di siem ahn hiv dem iina jiel tu.

Acts 24:14

Bot, Ah hafy tel yu seh dah chruu seh Ah fala Di Wie, weh dehn kaal wan kolt. Ah waaship fi wi ansesta dehn God, ahn Ah biliiv evryting weh deh jos laik weh di Laa seh wi fi du, ahn aal weh di prafit dehn rait bout.

Romans 2:24

So den, dah jos laik weh rait dong iina di Skriptyo weh ih seh, “Unu deh mek demde pipl weh dah no Jew insolt di niem a di Laad!”

1 Timothy 5:14

So den, Ah tink ih muo beta if di yonga wido dem get marid agen ahn gat pikniny, ahn main dehn uon hous, so dehn no gi dehn enimy notn bad fi taak bout dem.

Titus 2:5

Dehn fi bii waiz, ahn dehn haat kliin. Dehn fi laan how fi bii gud hous-waif ahn fi put dehn hozban fos, so nonbady kyaahn taak bad bout God tiichin.

Titus 2:8

So, yu fi tiich di chruut aal di taim, so nonbady kyaahn kritisaiz yu. Den, demde pipl weh deh gens wi, gwain fiil shiem ahn no taak bad bout wi no muo.

1 Peter 2:12

Unu fi liv iina soch a wie mongs di pipl dem weh no nuo God, dat iivn wen dehn deh akyuuz unu seh, unu deh du di tingz dem weh wikid, demya pipl hafy uon'op ahn seh dah neva chruu. Ahn di gud tingz weh unu du, gwain liid dem fi biliiv ahn gi God ana pahn Dat Die wen ihn kom bak fi joj di worl!

2 Peter 2:12

Bot demya tiicha dehn taak bad bout demde tingz, weh dehn no nuo notn bout. Dehn dah jos laik wail animal weh no tink ataal! Dehn jos du weh dehn main tel dem fi du. So, jos laik how di wail animal dem baan ahn kom iina disya worl fi mek di pipl dem kech dem ahn kil dem, siem wie God gwain distrai demya wikid tiicha tu!

2 Peter 2:15

Dehn don lef di wie weh rait ahn laas dehn wie. Dehn don fala di wie a Baalam —Beor son— weh wehn ongl lov di mony weh ihn gwain get fi du rang!

2 Peter 2:18

Demde pipl buos bout demself wid wod weh no miin notn ataal. Ahn dehn yuuz dehn doty kain a laif fi trap demya pipl weh jos wende trai get-weh fahn liv datde kain a laif deh.

2 Peter 2:21

So, ih wuda beta, if dehn neva nuo di rait wie fi liv ataal, an fi nuo ih ahn den ton dehn bak pan ih ahn pahn di komaanment dem weh huoly.

2 Peter 2:7

Bot God wehn siev Lat, bikaaz him dah wehn wan man weh waak rait wid God ahn weh kudn stan fi si di wie how di pipl dem wehn uova wikid, ahn how dehn wende liv bad aal di taim.

Jude 1:10

Bot demya faals tiicha dem tek enyting weh dehn no andastan, mek papishuo ahn seh aal kain a wikid tingz gens dem. Dehn dah jos laik demde animal weh du evryting weh dehn main tel dem fi du, ahn dat dah how demde kain a pipl end'op deh distrai dehn uonself!

Jude 1:15

Ihn deh kom fi joj, aala di pipl dem iina di worl! Ihn deh kom fi kandem aala dem sina dem weh no obie im, fi aala di teribl ting dem weh dehn seh gens im, ahn weh dehn du gens im tu!”

Jude 1:4

Ah seh dis bikaaz Ah hier seh som pipl, weh deh gens God, don sniik iin mongs unu ahn chienj di mesij a God gries! Dehn deh seh how unu kuda liv slak laif, bikaaz God don paadn aala wi sin aredy! Demde kain a pipl iivn seh wi no hafy obie Jesus Christ az fi wi Maasta ahn Laad! Bot, fahn lang taim abak di Skriptyo wehn seh God gwain joj demde kain a pipl ahn ponish dem!

Jude 1:7

Ahn di siem kain a ting hapm iina Sodom ahn Gomorrah, ahn di ada sity dem weh wende nier tu dem. Dehn wende go aan wid aal kain a wotlisnis, ahn dehn wende gat seks iina aal kain a doty wie. Sieka dat, God distrai dem wid faiya weh gwain laas fareva. Ahn dis dah wan waanin fi aala demde kain a pipl weh du demde siem ting!

Revelation 12:9

So, Michael ahn fi him ienjel dem chruo di big jragan fahn outa hevn. Him dah wehn di uol sniek weh dehn kaal di Devl, or Satan, weh fuul'op aal di pipl dem pahn di ort. So den, Michael ahn ihn ienjel dem pich im dong pahn di ort wid aala ihn ienjel dem.

Revelation 13:14

Ahn sieka demya mirakl weh di sekant biis, weh wehn gat di powa fi du fronta di fos biis, ihn fuul'op aal di pipl dem pahn di ort. Ahn dah sekant biis aada dem fi mek wan statyo fi shuo ana tu di fos biis —weh wehn kot bad wid wan suod, bot ihn alaiv stil.

Revelation 13:8

So, aala di pipl dem pahn ort gwain waaship dah biis, eksep fi demde pipl weh wehn gat dehn niem rait dong iina di buk weh dah fi di Lam weh di pipl fahn Israel don kil. Dah wehn bifuor God mek di worl, ihn wehn rait dong iina di buk fi di Lam di niem ah aala demde pipl weh gwain liv fareva.