2 Peter 1:4 - The New Testament in Islander Creole

⁴ Iina dis wie, ihn don gi wi aala ihn rich ahn wandaful gif dem weh ihn wehn pramis wi. Ahn demya gif gwain help unu fi eskiep fahn aal di koropshan a disa worl —aal demya wikid ting roun wi weh di hyuuman haat waahn. Ahn so, wid God gif dem unu kyan kom fi bii muo ahn muo laik di Laad imself evry die.

2 Peter 1:4 Iomraidhean Croise

Romans 9:4

Di pipl fahn Israel dah di pipl weh God wehn pik out lang taim abak fi bii ihn uon pikniny dem. Ahn God wehn shuo dem fi him gluory. Ihn mek agriiment wid dem ahn gi dem ihn Laa. God shuo dem how fi waaship him, ahn aala fi ihn pramis dem, dah fi dem tu.

2 Corinthians 3:18

So, now dat God don muuv di viel fahn aafa fi wi fies dem, di gluory a di Laad deh shain out fahn wi tu. Ahn dah siem gluory weh kom fahn di Laad —weh dah di Spirit— gwain deh chienj wi ahn mek wi bii muo ahn muo laik him, ahn dat gluory gwain get plenty muo tu.

2 Corinthians 6:17

Ahn di Laad seh tu: “So den, unu fi kom out fahn mongs demde pipl weh no biliiv. No gat notn fi du wid dem! Unu no fi gat notn fi du wid notn weh doty; den, Ai gwain welkom unu.”

Galatians 3:16

Now, God wehn gi demde pramis tu Abraham ahn ihn pikniny weh kom dong fahn fi him famaly lain. Nuotis seh God neva seh, “Tu yuu ahn yo pikniny dem,” laik dah wehn tu plenty a dem, bot ihn seh, “Tu wan pikniny,” ahn dat porsn dah wehn Jesus Christ!

Galatians 6:8

If dah man deh du ongl weh fi him uon sinful haat waahn, den aal weh ihn gwain pik, dah det ahn distrokshan! Bot, if di man liv how di Holy Spirit waahn him fi liv, den ihn gwain pik laif weh no gwain don nontaim chruu dah siem Spirit.

Ephesians 4:13

Ahn dis work gwain kantinyo til aala wi kom tugeda az wan pipl iina wi fiet, ahn iina weh wi nuo bout God Son. Den, wi gwain laan fi chros iina God iina evryting til wi gruo'op ahn get fi bii riily gud iina evrywie, siem laik Christ himself!

Colossians 3:10

Unu wehn put aaf di uol self ahn put aan di nyuu wan. Ahn dis ton unu laik wan nyuu porsn weh God deh mek muo beta evry die, so dat unu kom fi bii muo laik di Laad evry die.

Hebrews 12:10

Wi hyuuman faada dem wehn ponish wi di bes wie dehn wehn nuo how fi wan fyuu yierz, bot God karek wi fi wi uon gud, bikaaz ihn waahn mek wii huoly laik him —huu dah huoly fi chruut!

Hebrews 9:15

Dat dah wai Christ dah di Wan weh stan bitwiin God ahn di pipl dem aanda di Nyuu Agriiment, so aala dehn pipl weh God don pik, kyan get aal di blesin dem weh di Laad wehn pramis dem. Bikaaz Christ wehn ded, so dat ihn kuda wehn frii dem fahn di sin dem weh dehn wehn du, wen dehn wende aanda di Uol Agriiment.

James 1:27

Memba, di kain a rilijan weh God luk pan az kliin ahn porfek dah laik dis: ih luk afta dehn pikniny weh no gat non muma nar pupa, ahn di uman dem weh dehn hozban ded. Ahn dat kain a rilijan wi kiip wi frii fahn get doty fahn di worl tu.

2 Peter 1:1

Dis leta dah fahn mii, Simon Peter, weh dah wan sorvant ahn wan apasl a Jesus Christ. Ah deh rait dis leta tu aala unu weh shier di siem preshos fiet weh wi gat. Ahn dah fiet wehn kom fahn Jesus Christ, wi God ahn Sievya, bikaaz him dah di Wan weh mek wi kliin iina ihn sait.

2 Peter 3:13

Bot, God wehn pramis aala wi wan nyuu hevn ahn wan nyuu ort weh paat jostis gwain deh fareva —ahn wi kyaahn wiet fi dis hapm!

2 Peter 3:9

So, unu no fi tink seh di Laad sluo fi du weh ihn wehn pramis fi du, jos laik som pipl wehn tink. Insida dat, unu fi memba seh, di Laad ongl pieshent wid unu, bikaaz ihn no waahn non a unu get distrai. Him waahn evrybady ton fahn dehn sin dem bifuor ih tuu liet!

1 John 2:25

Ahn dis dah weh di Son ihnself pramis wi seh, wi laif no gwain don nontaim ataal!

1 John 3:2

Mi dier fren dem, wii dah God pikniny dem, ahn wi kyaahn iivn tink weh wi gwain bii wen Jesus kom bak. Bot wan ting wi nuo, ahn dah dis: wen ihn kom bak, wii gwain bii jos laik him, bikaaz wi gwain si him jos laik how him stie.