2 Peter 1:3 - The New Testament in Islander Creole

³ Bredrin, dah God huoly powa weh gi wi evryting weh wi niid fi liv wan laif weh gwain pliiz im, chruu weh wi nuo bout di Wan weh kaal wi fi shier iina ihn uon gluory ahn gudnis!

2 Peter 1:3 Iomraidhean Croise

Matthew 28:18

Den Jesus kom op tu ihn falowa dem ahn tel dem, “God gi mi aal di atarity iina hevn ahn pahn ort;

Romans 8:32

God neva iivn kiip ihn uon Son fahn sofa. So den, wen God gi ihn uon Son fi aala wi, wi kyan nuo fi shuor seh ihn gwain gi wi evryting els weh wi niid.

Romans 9:24

Bikaaz wii dah demya pipl; wii dah di wan dem weh him kaal. Ahn him neva kaal wi jos fahn mongs di Jew dem, bot fahn mongs di pipl dem weh dah no Jew tu.

1 Corinthians 1:9

Unu kyan chros God fi du aal weh ihn wehn pramis wi, bikaaz ihn don kaal unu fi shier unu laif wid ihn Son.

2 Corinthians 12:9

Bot di Laad ansa mi seh, “Mai gries dah aal weh yu niid, bikaaz mai powa work di bes, wen yu wiik.” So den, bredrin, Ah ongl glad fi buos bout aal di tingz weh mek Ah wiik, so dat Ah kyan fiil Christ powa work chruu mii!

Ephesians 4:1

So den, Ai, Paul, weh dehn put iina prizn bikaaz Ah deh work fi di Laad; Ah deh beg unu fi waak iina God wie jos laik how ihn tel unu fi liv, wen ihn fos kaal unu fi chros iina ihn Son.

Ephesians 4:4

Dah wan bady deh, ahn wan Spirit tu, siem wie laik how unu gat wan huop weh God gi unu wen ihn fos kaal unu.

Philippians 3:8

Ahn, wen Ah tink bout how ih so gud fi nuo Christ Jesus az mi Laad, Ah luk pahn evryting els laik dehn dah no notn. Sieka Christ, Ah don weh wid evryting els, ahn Ah luk pahn aala demde tingz laik robij so Ah kyan gat him aluon!

Philippians 4:8

Ahn now bredrin, demya dah di laas ting dem weh Ah gwain seh tu unu: Enyting weh aanes ahn chruu, enyting weh gud, enyting weh rait, enyting weh kliin, enyting weh lovly, enyting weh gud fi unu admaya ahn demde tingz weh riily gud nof fi unu priez God fah —dem dah di kain a ting dem weh unu fi aalwiez deh tink bout.

Colossians 1:16

Dah chruu Christ, God mek evryting weh deh iina hevn ahn weh deh pahn dis ort tu. Him mek aal di tingz weh unu kyan si, ahn demde tingz weh unu kyaahn si. Ihn mek aal dehn king ahn ruula dem, ahn dehn weh gat atarity ahn powa iina di spirit worl tu. God mek evryting weh egzis chruu Christ ahn ihn du'ih fi ana him.

1 Thessalonians 2:12

Wi wehn inkorij unu, ahn wi chier unu op, ahn wi beg unu fi kiip aan deh waak iina di wie weh fit fi God pipl dem fi waak. Bikaaz God kaal unu fi bii paat a fi him Kingdom ahn di gluory weh ihn gat.

1 Thessalonians 4:7

Bikaaz, God neva kaal wi fi liv wan doty laif. Ihn wehn kaal wi fi liv iina wan huoly wie!

2 Thessalonians 2:14

God kaal unu fi bii ihn uon pipl, chruu di Gud Nyuuz weh wi wehn tel unu, so dat unu kyan get unu paat iina di gluory a di Laad Jesus Christ.

1 Timothy 4:8

Ih gud fi trien wi bady, bot ih muo beta if wi deh trien wiself fi liv muo ahn muo fi God. Bikaaz dat gwain help iina evry paat a wi laif, ahn iina di laif weh fi kom tu.

2 Timothy 1:9

Memba, God siev wi ahn kaal wi fi bii ihn uon pipl. Ahn ihn no kaal wi bikaaz a notn weh wi du, bot fi sieka weh him wehn plan fi du wid wii ahn bikaaz a ihn gries. So, bifuor taim iivn staat, him wehn don gi wi dat gries chruu Christ Jesus.

Hebrews 1:3

God Son dah di Lait weh shuo wi God griet gluory. So, wen unu si di Son, unu deh si God tu, bikaaz di Son dah di siem jos laik God. Ahn chruu di powa a ihn wod, di huol worl ahn evryting weh egzis, deh huol tugeda. So, wen God Son don wash weh fi wi sin dem, ihn gaan op iina hevn, gaan sidong bai di rait saida God di Muos Powaful Wan!

1 Peter 1:15

Insida dat, unu fi liv wan huoly laif iina evryting weh unu du; jos laik God, weh pik unu fi bii fi him uon pikniny, bikaaz him huoly.

1 Peter 1:5

God gwain protek unu wid ihn griet powa til unu get dis salvieshan, bikaaz unu chros iina him. Ahn dis salvieshan gwain redy fi evrybady pahn dah Laas Die wen taim en.

1 Peter 2:21

Aftaraal, God kaal unu fi sofa, if unu gwain fala iina di fut-step dem weh Christ lef. Dah him wehn lef wan porfek egzampl wen ihn sofa fi wii.

1 Peter 2:9

Bot unu dah di speshal pipl dem weh God wehn pik out. Unu dah priis weh dah fi God, di King. Unu dah wan nieshan weh God set wan-said fi ihnself. God bring unu fahn outa daaknis ahn put unu iina fi him wandaful lait. Now unu hafy tel evrybady aal di wandaful tingz weh God wehn du.

1 Peter 3:9

Bot, if sombady du unu somting bad, unu no fi du somting bad bak tu dem. Ahn, if sombady insolt unu, unu no fi insolt dem bak agen niida. Insida dat, aks God fi bles dem, bikaaz dat dah weh God waahn unu fi du —ahn den ihn gwain bles unu!

1 Peter 5:10

Bot, afta unu don sofa fi wan likl wail, di God a Gries —weh kaal unu fi bii wan wid Christ Jesus fi shier ihn gluory weh gwain laas fareva— him gwain mek unu bii aal weh unu supuoz fi bii. Ahn ihn gwain mek unu strang, ahn ihn gwain help unu so unu no gwain shieky iina unu fiet.

2 Peter 1:10

So den, mi fren dem, trai fi work muo haada fi pruuv seh di Laad riily don kaal unu, ahn ihn wehn pik unu out fi bii mongs ihn uon pipl dem. If unu du dis, unu no gwain faal ahn stap chros iina Christ.

2 Peter 1:2

Ah prie seh God gi unu muo ahn muo ah ihn gries ahn piis iina unu haat, wail unu kantinyo fi nuo God, di Faada, ahn chros iina Jesus, wi Laad, muo beta evry die.

2 Peter 1:5

So den, if God gi unu demya gif dem, unu fi trai unu bes fi chros iina Christ muo ahn muo evry die. Ahn pan tapa dat, liv gud ahn waak iina di rait wie. Ahn pan tapa dat, get fi nuo bout di Laad muo ahn muo, ahn andastan weh ihn waahn unu fi du,

2 Peter 1:6

bikaaz God shuo wi fi kanchruol wiself. Den pan tapa dat, laan fi bier'op aanda evryting, ahn so mek unu laif shuo seh unu dah God pikniny fi chruut.

2 Peter 1:8

Demya dah di tingz dem weh unu niid. Ahn if unu gat plenty a dem, dehn gwain mek unu gruo muo beta, ahn nuo muo bout di Laad Jesus Christ. Unu gwain kount fi somting iina ihn Kingdom!

2 Peter 2:20

Bot, if som pipl kom fi nuo bout fi wi Laad ahn Sievya Jesus Christ, ahn so eskiep fahn dehn wikid wie weh deh distrai pipl iina disa worl, ahn den aftawod ton bak ahn go liv dah kain a bad laif agen, den dehn laif gwain ton muo wosa an how ih wehn yuuztu bii at fos!

2 Peter 3:18

Bot unu fi kantinyo fi gruo iina gries ahn kantinyo fi laan muo ahn muo bout fi wi Laad ahn Sievya, Jesus Christ, evry die. Ahn mek wi gi'im aal di gluory now ahn fareva. Amen!