2 Peter 1:1 - The New Testament in Islander Creole

¹ Dis leta dah fahn mii, Simon Peter, weh dah wan sorvant ahn wan apasl a Jesus Christ. Ah deh rait dis leta tu aala unu weh shier di siem preshos fiet weh wi gat. Ahn dah fiet wehn kom fahn Jesus Christ, wi God ahn Sievya, bikaaz him dah di Wan weh mek wi kliin iina ihn sait.

2 Peter 1:1 Iomraidhean Croise

Matthew 10:2

Demya dah di niem dem fi di twelve apasl dem: Fos yo wehn gat Simon —huu dehn yuuztu kaal Peter— ahn ihn breda Andrew, ahn James ahn ihn breda John —Zebedee son dem.

Matthew 4:18

Wan die wen Jesus wende waak dah di Galilee sii-said, ihn si two breda: Simon, weh dehn kaal Peter tu, ahn Andrew, ihn breda. Dem dah wehn fishaman, so dehn wende chruo out wan net dah sii.

Luke 1:47

ahn mi spirit glad bikaaz him dah God mi Sievya.

Luke 11:49

Bot God iina ihn wizdom wehn seh, ‘Ah gwain sen prafit ahn apasl tu dem, ahn dehn gwain kil som a dem ahn ron dong di res.’

John 1:42

Ahn Andrew ker Simon tu Jesus, ahn ihn luk pan im ahn seh, “Yuu dah Simon weh dah John son. Fahn now aan yo gwain niem Cephas.” (Cephas miin “Peter.”)

John 12:26

Enybady weh waahn sorv mii hafy fala mii, so dehn kyan deh di siem plies weh Ah deh tu. Ahn di Faada gwain ana enybady weh sorv mii.

John 20:21

Jesus tel dem agen, “Piis deh wid unu. Siem wie how di Faada wehn sen mi, dah rait so Ah deh sen unu.”

Acts 15:14

Simon Peter jos don tel unu how fahn di biginin God wehn disaid fi shuo seh ihn lov di Gentile pipl tu, wen ihn draa fahn mongs dem, wan gruup a pipl fi ihnself.

Romans 1:1

Dis leta dah fahn mii, Paul, weh sorv Jesus Christ. Ai dah wan apasl weh God wehn pik ahn get di kaal fi go, go priich ihn Gud Nyuuz.

Romans 1:12

Weh Ah miin fi seh dah, wen Ah go, wi gwain inkorij wan anada. Unu gwain get inkorij chruu mi fiet, ahn Ai gwain get inkorij chruu fi unu fiet!

Romans 1:17

Bikaaz di Gud Nyuuz dah fi shuo how God mek evryting rait bitwiin ihnself ahn di pipl dem. God mek dem rait sieka dehn fiet, fahn di fos tu di laas wan a dem, jos laik weh di Skriptyo seh, “Demde pipl weh raichos gwain liv bai fiet.”

1 Corinthians 1:30

God dah di Wan, weh mek unu kom fi bii wan wid Christ Jesus. Dah him mek Jesus bii fi wi wizdom, ahn dah bikaaz a Jesus, mek wi deh rait wid God. Ihn set wi frii ahn mek wi kom fi bii God huoly pipl!

1 Corinthians 15:9

Ahn bikaaz Ai dah di liis ah aal di ada apasl dem, Ai no iivn fit fi mek dehn kaal mi wan apasl, bikaaz Ai wehn mek plenty a God pipl sofa uova bad.

1 Corinthians 9:1

Mek Ah aks unu som kwestyan: Ai dah no wan frii man? Ai dah no wan apasl? Ai no don si di Laad Jesus wid mi uon two ai dem? Ahn dah no sieka mai work az wan apasl, unu kom fi bilang tu di Laad?

2 Corinthians 4:13

Dah laik weh dehn wehn seh iina di Skriptyo weh ih seh, “Ah wehn biliiv, so Ah taak bout'ih.” Wel, wi gat dah siem kain a fiet, so wi deh taak bout fi wi ekspiriens tu.

2 Corinthians 5:21

Memba: dah sieka aala wi sin, God put dah sin pahn Christ —iivn duo him neva sin— so dat wii kuda bii wan wid Christ, ahn evryting get rait bitwiin wii ahn God.

Galatians 2:8

Di siem God weh gi Peter di powa fi bii wan apasl, ahn sen im tu di Jew dem, dah di siem wan weh wehn sen mii tu di Gentile dem!

Ephesians 3:5

Now, God neva tel non a di pipl dem weh wehn liv datde taim bout dis plan yah. Bot, now di Laad don shuo disya plan tu ihn huoly apasl ahn prafit dem, chruu di Holy Spirit.

Ephesians 4:11

Dah him huu wehn gi demya gif tu di pipl dem. Ihn pik som pipl fi bii apasl, ahn som fi bii prafit, ahn som a dem ivanjelis. Ahn ihn pik som ada pipl fi bii pastya ahn tiicha tu.

Ephesians 4:5

Den, unu gat wan Laad, wan fiet, ahn wan baptizam.

Philippians 1:1

Dis leta dah fahn mii, Paul, ahn fahn Timothy tu. Di two a wi sorv Jesus Christ tugeda. Now a diez wi deh rait tu aala unu, God pipl dah Philippi weh dah wan wid Christ Jesus, ahn speshaly tu aala unu, di pastya ahn di diikan dem.

Philippians 1:29

So now unu gat di privilij no ongl fi chros iina Christ, bot fi sofa far im tu.

Philippians 3:9

So den, Ai no dipen pahn fi mi uon gudnis no muo, nar weda Ai kyan kiip di Laa fi mek mii rait wid God. Bot, Ah deh chros Christ fi siev mi. Ahn God mek mii rait wid im, bikaaz Ah gat fiet iina ihn son, Jesus.

2 Timothy 1:5

Ah memba how yu chros iina God wid aal yo haat jos laik how yo granmada, Lois, ahn yo muma, Eunice, yuuztu du. Ahn now, Ah nuo seh yuu tu gat di siem fiet fi chros God jos laik dem.

Titus 1:1

Dis leta dah fahn mii, Paul, weh dah wan a God sorvant ahn wan apasl a Jesus Christ. God sen mi fi go, go inkorij ihn pipl dem weh ihn wehn pik, fi dehn gat beta fiet ahn fi dehn andastan how dehn fi liv iina wan wie weh gwain pliiz God.

Titus 1:4

So, Ai deh rait dis leta tu yuu, Titus, weh dah mi chruu son iina di fiet weh wi shier tugeda. Ahn Ah prie seh God di Faada ahn Christ Jesus, wi Sievya, gi'yo plenty gries ahn piis iina yo haat!

Titus 2:13

Wi fi liv laik dat, wail wi wiet fi dat Blesed Die weh wi deh huop fah, wen wi gwain si di gluory a wi griet God ahn Sievya, Jesus Christ.

James 1:1

Dis leta dah fahn mii, James, weh deh sorv God ahn di Laad Jesus Christ. Ai deh rait tu aala God pipl dem weh skyata aal uova di worl. Mek God bles aala unu!

1 Peter 1:1

Dis leta dah fahn mii, Peter, weh dah wan apasl a Jesus Christ. Ah deh rait dis leta tu aala di pipl dem weh God wehn pik, weh deh liv laik strienja skyata aal uova di sekshan dem weh dehn kaal Pontus, Galatia, Cappadocia, Asia ahn Bithynia.

1 Peter 1:7

Ahn dehn traiyalz dah fi pruuv seh unu fiet dah di chruu ting. Memba: iivn guol, weh kyaahn laas, dehn tes wid faiya, ahn fi unu fiet wot plenty muo an guol! So unu fiet hafy tes wid faiya, so dat ih kyan laas lang. Den, pahn Dat Die wen Jesus Christ kom bak, unu gwain get priez ahn gluory ahn ana.

1 Peter 2:7

Yees, him preshos tu aala demde pipl weh chros iina him; bot tu dehn pipl weh no chros, di Skriptyo seh: “Di stuon weh di bilda dem neva tink wehn wot notn, ton out fi bii di muos impuotant wan outa aala dem!”

1 Peter 5:1

Now, Ah deh taak tu di chorch elda dem mongs unu. Mii dah wan elda tu ahn Ah dah wan wiknis ah weh Christ sofa, so Ah gwain shier iina ihn gluory weh ihn gwain shuo wi. Unu chorch eldaz, Ah deh beg aala unu

2 Peter 1:4

Iina dis wie, ihn don gi wi aala ihn rich ahn wandaful gif dem weh ihn wehn pramis wi. Ahn demya gif gwain help unu fi eskiep fahn aal di koropshan a disa worl —aal demya wikid ting roun wi weh di hyuuman haat waahn. Ahn so, wid God gif dem unu kyan kom fi bii muo ahn muo laik di Laad imself evry die.

Jude 1:1

Dis leta dah fahn mii, Jude, wan a Jesus Christ sorvant, ahn fi James breda. Ah deh rait dis leta tu aal dehn pipl weh God don set apaat fi bii ihn uon pipl, ahn weh ihn lov, ahn weh Jesus ihnself deh kiip sief.