1 Peter 5:9 - The New Testament in Islander Creole

⁹ So unu hafy stie strang iina unu fiet, so unu kyan stan op gens im. Memba seh: di ada biliiva dem aal uova di worl deh go chruu dehn siem kain a sofarin dem.

1 Peter 5:9 Iomraidhean Croise

Luke 22:32

Bot Ai don prie fi yo, so yo fiet no gwain fiel yo. Ahn wen yo ton bak tu mi agen, help yo breda dem fi dehn fiet get stranga tu.”

John 16:33

“Ah deh tel unu demya tingz fi mek unu gat piis iina unu haat. Unu gwain sofa plenty iina dis worl, bot unu no fi wory, bikaaz Ah don distrai di powa fahn dis worl aredy.”

Acts 14:22

Dehn gaan, gaan strentn ahn inkorij di biliiva dem fi dehn stan op strang fi dehn fiet. Ihn tel dem seh, “Wi hafy sofa plenty trobl iina disya laif fi go iina God Kingdom.”

1 Corinthians 10:13

Memba, evry kain a tes weh unu go chruu dah di siem kain a tes dem weh ada pipl gaan chruu. Bot God fietful tu ihn pramis, ahn him no gwain mek di taim weh unu get tes stie so lang seh unu kyaahn bier'ih no muo. Bot, wen di tes kom, God gwain gi unu di strent fi stan'ih ontil ihn shuo unu wan wie out.

Ephesians 4:27

Unu no fi gi di devl non chaans fi mek unu sin.

Ephesians 6:16

Den, mek unu fiet iina Jesus Christ stie strang laik di shiil weh dah suoldya ker. Ahn wid dah shiil unu gwain kyan blak aal di aruo dem wid faiya, weh di Wikid Wan deh shuut tu unu.

Colossians 2:5

Bikaaz, iivn duo Ah no deh wid unu rait now, mi spirit dedeh wid unu, ahn Ah glad fi nuo seh unu deh liv di wie unu shuda liv ahn dat unu fiet iina Christ stil stan strang.

1 Thessalonians 3:3

so dat non a unu no ton bak sieka aal di trobl ahn haad taim dem weh unu deh go chruu now a diez. Bot unu aredy nuo dat trobl dah paat a God plan fi wi!

1 Timothy 6:12

Trai az haad az yo kyan fi du yo bes wail yo deh fait di gud fait a di fiet, ahn huol aan faas tu dat laif weh neva gwain don nontaim ataal. Bikaaz God wehn kaal yu tu dat laif, pahn dah die wen yu wehn taak bout yo fiet iina Jesus Christ out iina di uopm fronta plenty pipl.

2 Timothy 3:12

Dah chruut, enybady weh dah fi Christ Jesus ahn waahn liv rait gwain hafy put'op wid plenty persikyuushan fahn ada pipl.

2 Timothy 4:7

Ai don fait wan gud fait. Ai don ron di ries aredy, ahn Ah gwain stie fietful til di en.

Hebrews 11:33

Dah wehn bikaaz a dehn fiet, dehn du tingz laik uova-chruo plenty kingdom ahn du weh rait, ahn so dehn wehn get weh God wehn pramis dem. Dehn wehn shet laiyan mout tu;

Hebrews 12:8

So, if God no karek unu laik how ihn karek aala ihn pikniny dem, den dat miin seh unu dah no riily fi him pikniny dem ataal!

James 4:7

So den, unu fi nuo unu plies wid God. Stan op ahn fait di devl, ahn ihn gwain ton roun ahn ron weh fahn unu!

1 Peter 1:6

Unu gwain glad pahn Dat Die, bot rait now unu sad, sieka aal di troblz ahn haad taim dem weh unu hafy go chruu fi wan likl wail langa.

1 Peter 2:21

Aftaraal, God kaal unu fi sofa, if unu gwain fala iina di fut-step dem weh Christ lef. Dah him wehn lef wan porfek egzampl wen ihn sofa fi wii.

1 Peter 3:14

Bot iivn if unu sofa wen unu deh du gud, unu hapy, bikaaz God gwain bles unu far ih! So den, no fried fi nonbady; nar unu fi dedeh deh wory bout weh dehn maita du tu unu.

1 Peter 4:13

Insida dat, unu fi glad seh, unu deh get di chaans fi shier iina Christ sofarin, bikaaz aftawod unu gwain get di jai fi shier iina ihn gluory tu, wen di taim kom fi dehn shuo ih tu di pipl a disya worl.

Revelation 1:9

Ai dah John, unu breda, bikaaz wii dah wan wid Jesus Christ. Ahn Ah sofa wid unu tu sieka wi deh fala Christ iina ihn Kingdom tugeda, bot God gi wi di strent fi bier'ih. Now, bikaaz Ai wende tel di pipl dem bout God Wod ahn di chruut bout Jesus, dehn put mi pahn dis ailant weh niem Patmos.

Revelation 6:11

Den, God gi aala dem wait goun fi wier. Ahn ihn tel dem fi res ahn wiet jos wan likl wail langa, bikaaz dehn wehn stil yet gat som muo biliiva weh wende work fi God, weh wehn gwain get kil jos laik dem.

Revelation 7:14

Ai ansa im seh, “Saar, yuu dah di wan weh nuo.” So di elda tel mi seh, “Demya pipl yah dah di wan dem, weh kom fahn outa di taim a di Griet Tribyulieshan. Dehn don wash dehn goun iina di Lam blod, ahn dat mek dem wait.