Biblia Todo Logo
Bìoball air-loidhne

- Sanasan -




1 Peter 5:8 - The New Testament in Islander Creole

8 Stie pahn unu gyaad tu, ahn wach out! Unu enimy —weh dah di devl— him dah laik wan laiyan weh deh ruor. Him deh waak roun fahn plies tu plies deh si huu ihn kyan iit'op!

Faic an caibideil Dèan lethbhreac




1 Peter 5:8
61 Iomraidhean Croise  

Di enimy weh plaant di prikl dem dah laik di devl, ahn di taim fi pik dah laik di laas diez a di worl. Den, dem weh gwain gyada op weh wehn plaant dah laik di ienjel dem.


So unu beta kiip unu ai uopm, bikaaz unu no nuo pahn wish die yo Laad deh kom.


“Den ihn gwain seh tu dem pahn di lef, ‘Golang faar fahn mi unu weh God don kandem, golang iina di faiya weh kyaahn stap bon, di siem faiya weh wehn pripier fi di devl ahn ihn ienjel dem tu!


Afta dat, God Spirit ker Jesus out iina di dezart fi di devl temp im.


Den di devl gaan lef Jesus dehso; ahn siem taim som ienjel kom ahn staat tek kier a im.


Som taim, laik di siid weh drap pan di trak ruod, di pipl dem hier di mesij, bot laik di bord weh iit'op di siid, Satan kom faas ahn tek weh di mesij ahn di pipl dem no andastan.


“Unu main, unu no mek unu haat get hevy wid sin, laik di man weh wies ihn laif wid jronkinis, ahn di woriz a dis laif; ahn den, wen unu fain out, Dah Die kech unu aafa gyaad. Ih gwain kom aalava sodn laik wan trap;


So unu fi gat op unu gyaad aal di taim, ahn prie seh unu gat di strent fi get-weh fahn aal dem tingz weh gwain hapm, ahn di strent fi stan op fronta di Son a Man bitout fried nar shiem.”


“Simon, Simon, hier mi! Satan aks God fi mek ihn tes unu, jos laik how pipl siv dehn flowa fi si if ih kliin.


Unu dah fi unu uon faada weh dah di devl; ahn dah unu waahn du weh him waahn unu fi du. Him dah wehn wan mordara fahn di fos, ahn him neva waahn gat notn fi du wid di chruut, bikaaz nat wan piis a chruut deh iina him. Wen di devl tel lai, ihn deh du'ih bikaaz dah so him fi lai, sieka him dah di faada ah aal di lai dem.


Ahn Ah du dat so Satan kyaahn out-smaat wi iina notn; bikaaz wi nuo aal weh deh iina fi him main gens wi.


Unu no fi gi di devl non chaans fi mek unu sin.


Ahn unu fi put aan aal weh God gi unu fi protek unu, wen unu fait gens wikidnis —jos laik wen wan suoldya put aan dehn aiyan kluoz fi protek dehn huol bady. Unu fi du dat, so wen di devl kom wid ihn wikid plan, unu gwain kyan stan op gens im!


Bot God gwain siev di uman dem wen dehn pikniny deh baan, if dehn kiip aan deh chros iina Jesus Christ, lov di pipl dem, stie huoly, ahn if dehn deh liv wan diisent laif.


Ahn az faar az di uman dem kansaan, Ah no waahn dem fi deh kaal atenshan tu demself bai di wie how dehn dres. Dehn fi dres sensabl ahn diisent. Dehn no fi deh wier dehn hier fansy fi kaal atenshan tu demself. Ahn dehn no fi deh wier fansy guol, nar porl biidz niida, nar fansy dres weh uova dier.


Siem wie wid di diikan dehn waif dem: dehn fi bii rispektabl, so di pipl dehn kyan luk'op tu dem tu. Ahn dehn no fi laik gasip ahn seh bad tingz bout ada pipl. Dehn fi kanchruol demself gud ahn du weh dehn fi du evry die.


Bot wan chorch liida hafy liv so dat nonbady no gwain gat non gud riizn fi fain faalt wid im. Ihn fi gat jos wan waif; ihn fi bii wan rispektabl porsn weh kyan kanchruol himself; ahn ihn fi gat manaz, so dat di pipl dem gwain luk'op tu im. Ihn fi uopm ihn hous tu strienja ahn welkom dem, ahn ihn fi nuo how fi tiich gud tu.


Bot di Laad wende wid mi. Ihn gi mi strent so Ah kuda wehn tel di Gud Nyuuz tu aal di pipl dem weh dah no Jew. Ahn so, di Laad siev mi fahn di laiyan mout.


Bot, dem fi uopm dehn hous tu strienja ahn mek dem fiil gud. Ahn dehn fi lov di tingz dem weh rait. Dehn fi bii sensabl ahn fier; dehn laif niid fi bii kliin tu, ahn dehn niid fi kanchruol demself.


Dat gries tiich wi seh: wi fi stap deh liv laik if non God no deh, ahn wi fi gi'op di plezha dem fahn di worl weh sinful. Ahn, wii fi liv wi laif deh kanchruol wiself —wan laif weh diisent ahn aanes —wan laif weh gwain pliiz God!


So den, tel di uolda man dem seh dehn fi kanchruol dehnself ahn dehn fi bii rispektabl tu. Dehn fi bii sensabl ahn dehn fiet fi strang, ahn dehn fi shuo lov ahn pieshens tu.


Ahn dehn fi trien'op di yonga uman tu, how dem fi lov ahn triit dehn hozban ahn dehn pikniny dem.


Iina di siem wie, yu fi tel di yonga man dem seh dehn fi kanchruol dehnself iina evryting.


So den, unu fi nuo unu plies wid God. Stan op ahn fait di devl, ahn ihn gwain ton roun ahn ron weh fahn unu!


So den, bredrin, get unu main redy fi akshan ahn kiip unuself aanda kanchruol aal taim. Set unu huop pahn dah speshal gries weh unu gwain get wen Christ kom bak.


Bredrin, unu main! Di en a di worl suun kom, so unu hafy get siiryos ahn kanchruol unuself, so dat unu kyan prie gud.


Den, Ah hier wan loud vais deh hala iina hevn deh seh: “Di taim, wen God gwain siev ihn pipl dem, kom now! God gwain shuo ihn powa ahn ruul now, ahn bii King uova aal di worl! Ahn Christ di Mesaya —weh God sen— gwain ruul wid atarity! Bikaaz di wan weh yuuztu stan fronta God die ahn nait, fi akyuuz di bredrin dem bout aal kain a bad tingz, don get pich dong fahn outa hevn!


So den, unu fi rijais, aala unu iina hevn! Unu fi bii hapy, aala unu weh liv deh! Bot ih gwain bii haad taim, fi demde pipl weh liv pahn di ort ahn iina di sii. Bikaaz di devl don kom dong pahn unu! Ahn ihn uova beks, bikaaz ihn nuo seh ihn gat jos wan likl bit a taim lef.”


So, Michael ahn fi him ienjel dem chruo di big jragan fahn outa hevn. Him dah wehn di uol sniek weh dehn kaal di Devl, or Satan, weh fuul'op aal di pipl dem pahn di ort. So den, Michael ahn ihn ienjel dem pich im dong pahn di ort wid aala ihn ienjel dem.


Den, di devl —weh wehn fuul'op di pipl dem— get chruo iina di liek weh wehn ful'op wid faiya weh deh bon wid solfa. Dat dah di siem plies weh dehn wehn pich di biis ahn di faals prafit. Ahn dah faiya gwain taament dem die ahn nait fareva ahn eva!


Ahn di ienjel kyapcha di jragan. Him dah di uol sniek weh wehn dedeh fahn uol taim diez. Dehn kaal im di Devl or Satan. Ahn di ienjel chien'im op fi wan thousand yierz.


Lean sinn:

Sanasan


Sanasan