1 Peter 5:3 - The New Testament in Islander Creole

³ Ahn no deh baas'op di pipl dem weh deh iina unu kier niida; bot reda, bii wan egzampl tu dem,

1 Peter 5:3 Iomraidhean Croise

John 13:15

Ah du dis fi shuo seh aala unu shuda du di siem tingz fi wan anada.

Acts 20:28

Now unu hafy wach out gud, ahn mek shuor seh unu tek kier a unuself ahn di biliiva dem weh di Holy Spirit put unu uova laik shepad. Demya pipl dah di chorch weh Jesus bai wid fi him uon blod.

1 Corinthians 11:11

Stil yet, wail wi deh liv fi di Laad pahn ort, di uman kyaahn du bitout di man, ahn di man kyaahn du bitout di uman niida.

1 Corinthians 3:5

Aftaraal, dah huu dah Apollos? Ahn dah huu dah Paul? Wii dah jos God sorvant dem weh deh taak bout God tu unu, so unu kuda kom fi chros iina Jesus Christ. Mii ahn Apollos jos deh du di work weh God gi wi fi du!

1 Corinthians 3:9

Memba seh: mii ahn Apollos dah paadna weh deh work tugeda fi God. Ahn unu dah God gyaadn, ahn ihn hous weh him deh bil.

2 Corinthians 1:24

Now, wi no deh trai fi tel unu weh unu fi biliiv, bikaaz unu fiet iina Jesus strang. Insida dat, wi deh work tugeda wid unu fi mek unu rijais!

2 Corinthians 4:5

Unu si, wi no go roun deh priich bout fi wiself; wi deh priich bout Jesus Christ az Laad a wi laif. Aal wi seh bout wiself dah: wi dah fi unu sorvant fi Jesus siek.

Philippians 3:17

Main, bredrin, unu fi jain lang wid ada pipl weh deh fala weh Ai deh du; unu fi nuotis aal huu deh liv how wi wehn tel unu fi liv!

Philippians 4:9

Unu niid fi fala aal weh unu wehn laan ahn get fahn mi —aal weh Ah tel unu, ahn aal weh unu wehn si Ah du. Den, di God weh gi wi ihn porfek piis gwain deh wid unu aal di taim!

1 Thessalonians 1:7

Ahn so, unu dah wehn wan egzampl fi aal di biliiva dem dah Macedonia ahn Achaia lan dem.

2 Thessalonians 3:9

Dat no seh wi no gat di raits fi aks unu fi gi wi fuud ahn lajin. Bot wi wehn du aal dah work deh, ahn neva aks unu fi notn, bikaaz wi wehn waahn shuo how unu kuda du di siem ting.

1 Timothy 4:12

Yu no fi mek nonbady luk dong pahn yu bikaaz yu yong. Insida dat, yu fi shuo demya pipl weh chros iina Christ di wie dehn shuda bihiev, bai how yu yoself deh taak, how yu deh stan op fi di gud ting dem, how yu deh lov pipl, how yu deh chros iina Christ, ahn how yu deh liv wan kliin laif.

Titus 2:7

Ahn yuu tu, Titus, yu fi bii wan gud egzampl iina evryting weh yu du, so evrybady kyan fala yo egzampl. Ahn, wen yu deh tiich, yu fi shuo seh yu miin weh yu seh ahn yu siiryos fi chruut.

1 Peter 2:9

Bot unu dah di speshal pipl dem weh God wehn pik out. Unu dah priis weh dah fi God, di King. Unu dah wan nieshan weh God set wan-said fi ihnself. God bring unu fahn outa daaknis ahn put unu iina fi him wandaful lait. Now unu hafy tel evrybady aal di wandaful tingz weh God wehn du.