1 Peter 5:2 - The New Testament in Islander Creole

² fi bii laik wan shepad fi di flak weh God wehn gi unu, ahn so tek kier a di shiip dem —laik weh God waahn unu fi du— ahn no bikaaz unu hafy du'ih. Du dah work bikaaz unu riily waahn sorv, no jos fi di mony.

1 Peter 5:2 Iomraidhean Croise

Luke 12:32

“No fried, mi fren; alduo unu dah ongl wan likl gruup weh deh fala mi, unu Faada glad fi gi unu di Kingdom.

Acts 20:29

Ah nuo seh, az suun az Ah gaan, di faals tiicha dem gwain kom iin laik wail wulf fi distrai unu fiet.

Acts 21:13

Bot Paul ansa seh, “Dah wai unu deh hala so ahn deh trai brok mi haat? Ai redy no ongl fi dehn tai mi op, bot fi ded if Ah hafy du'ih dah Jerusalem fi di Laad Jesus work.”

Romans 1:15

Ahn sieka dat, Ah iiga fi priich di Gud Nyuuz tu unu weh deh dah Rome.

1 Corinthians 9:7

Unu tink bout dis: Non suoldya no deh weh hafy pie ihn uon wie, rait? Ahn non faama no deh weh plaant griep ahn kyaahn iit non a it aafa di vain, rait? Ahn wich shepad deh, weh riez shiip ahn him no get fi jrink non a di milk? Datde man no egzis!

1 Timothy 3:3

Dah man no fi bii non jronkin man, ahn ihn no fi iizy fi get beks; ihn no fi laik fait niida. Insida dat, ihn fi triit evrybady kain, so ihn no aagyo wid nonbady nontaim. Ahn ihn no fi lov mony niida.

1 Timothy 3:8

Iina di siem wie, di chorch liida weh deh help du God work iina di chorch, huu dehn kaal “diikan,” fi bii wan rispektabl man weh di pipl dem kyan luk'op tu, ahn kyan chros. Ihn no fi bii wan jronkin man, ahn ihn no fi groj ahn waahn evryting weh ihn si niida.

Titus 1:11

Sombady hafy stap dem man! Bikaaz aal dehn deh du dah fuul'op wan paila famaly, deh tiich demde kain a tingz weh dah no chruut. Main, aal dehn waahn, dah yo mony!

Titus 1:7

Aal di chorch liida dehn gwain deh inchaaj a God work, so dehn fi liv so nonbady no gat non riizn fi fain faalt wid eny a dem niida. Dehn no fi proud ahn dehn no fi get beks iizy. Dehn no fi bii wan jronkin man, niida fi laik fait. Ahn dehn no fi groj weh ada pipl gat ahn waahn get wan lata tingz fi demself.

Titus 2:14

Dah him weh gi ihnself fi wii, so ihn kyan reskyu wi fahn evryting weh wikid, ahn ihn mek wi ihn speshal pipl wid pyuor haat weh riily waahn du gud!

Titus 3:1

Titus, yu fi rimain di biliiva dem weh deh dah di ailant a Crete, seh dehn fi kiip demself aanda aala di pipl dem weh iina atarity iina di govament. Dehn fi obie dem, ahn dehn fi bii redy fi du eny work weh gud.

Philemon 1:14

Bot, Ah neva waahn du notn bifuor yu tel mi fos weh fi du. So, Ah wehn waahn yuu shuo yo kainis, bikaaz yuu waahn, ahn no bikaaz nonbady deh fuos yo fi du'ih.

Hebrews 12:15

Mek shuor seh non a unu no ton unu bak pahn God gries. Ahn no mek non a unu get bita niida, laik wan paizn plaant weh tek ruut ahn spred ih paizn tu plenty pipl.

2 Peter 2:3

Ahn sieka weh dehn so griidy, dehn faals tiicha dem gwain tel unu plenty stuory weh dehn mek'op. Bot dehn jojment deh heng rait uova dehn hed, bikaaz God neva deh sliip, ahn ihn sii aal weh dehn deh du fahn lang-lang taim!