1 Peter 5:1 - The New Testament in Islander Creole

¹ Now, Ah deh taak tu di chorch elda dem mongs unu. Mii dah wan elda tu ahn Ah dah wan wiknis ah weh Christ sofa, so Ah gwain shier iina ihn gluory weh ihn gwain shuo wi. Unu chorch eldaz, Ah deh beg aala unu

1 Peter 5:1 Iomraidhean Croise

Luke 24:48

“Now unu deh yah fi wiknis aal weh deh hapm,

Acts 1:22

fahn wen John baptaiz di pipl dem til di die Jesus gaan op iina hevn. Ahn ihn wehn gwain hafy si Jesus afta ihn rezorekshan, so ihn kyan tel di pipl bout'ih tu.”

Acts 1:8

Bot wen di Holy Spirit kom dong pahn unu, unu gwain get plenty powa, ahn unu gwain kyan go aal bout di plies deh tel di pipl bout mii. Unu gwain du dis iina Jerusalem, den di huol a Judea lan, den Samaria lan, iivn dongtu di laas paat a di worl.”

Acts 11:30

So dehn du dis ahn sen dehn gif wid Barnabas ahn Saul tu di chorch liida dem dah Judea.

Acts 14:23

Ahn iina aal di chorch dem Paul ahn Barnabas pik out som uolda rilijos liida, ahn den dehn prie fi dem deh faas. Dehn put dem iina di Laad kier, bikaaz dah him huu dehn wehn chros iina.

Acts 15:4

Wen dehn get dah Jerusalem, di chorch pipl ahn di apasl ahn di ada rilijos liida dem wehn uova glad fi si dem. Den di bredrin tel dem evryting weh wehn hapm ahn how God yuuz dem.

Acts 15:6

So di apasl ahn ada rilijos liida dem disaid fi get tugeda ahn taak bout wat dehn shuda du.

Acts 2:32

“So God riez'op Jesus fahn di ded, ahn aala wi dah wiknis tu dis.

Acts 20:17

Bot wen ihn lan dah Miletus, ihn disaid fi sen wan mesij tu di chorch liida dah Ephesus fi dehn kom dong dah di buot, kom miit im wen ihn lan deh.

Acts 20:28

Now unu hafy wach out gud, ahn mek shuor seh unu tek kier a unuself ahn di biliiva dem weh di Holy Spirit put unu uova laik shepad. Demya pipl dah di chorch weh Jesus bai wid fi him uon blod.

Acts 21:18

Di neks die Paul ahn aala wi gaan si James. Ahn aal di chorch liida dem wehn dedeh tu.

Acts 3:15

Unu kil di Wan weh gi laif; bot God riez'im op fahn di ded, ahn wii wiself dah wiknis tu dat.

2 Corinthians 5:1

Bredrin, wi nuo seh dis bady, weh wi liv iina now pahn dis ort, dah laik wan tent. Ahn, if ih get distrai, wi nuo tu seh God ihnself gwain mek wan nyuu wan fi wi —wan weh deh op iina hevn, ahn weh no mek wid non hyuuman han niida!

2 Corinthians 5:8

so wi no fried nontaim. Wi iivn wilin fi ded, bikaaz den wi gwain go huom wid di Laad Jesus!

Philippians 1:19

bikaaz Ah nuo seh unu deh prie fi mi ahn di Spirit a Jesus Christ deh help mi. So aala dis gwain ton out fi frii mi wan a demya die.

1 Timothy 5:1

Timothy, yu no fi karek non man weh uolda an yoself. Bot yu fi riizn wid im ahn triit im wid ana, laik if ihn dah yo pupa. Ahn yu fi triit di man dem weh yonga an yu, laik if dehn dah yo breda.

1 Timothy 5:19

Ahn if sombady deh akyuuz wan a di elda dem, yu no fi lisn tu im. Ongl lisn tu im if ihn ker one or two muo wiknis weh seh wat ihn deh seh dah di chruut.

2 Timothy 4:8

Ahn now, di kroun weh yu get wen yu liv rait, deh wiet fi mi. Dat dah weh di Laad weh dah di Raichos Joj, gwain gi mi pahn Dat Die wen him kom bak. Ahn dah kroun deh, dah no ongl fi mii, bot dah fi evrybady huu deh lang wid aal dem haat, fi mek him kom bak!

Titus 1:5

Titus, memba seh Ah lef yu pahn di ailant a Crete fi yu mek rait aal di tingz weh wi neva get fi fiks, ahn fi yu pik som chorch elda iina evry toun. Dis dah how Ah wehn tel yo fi pik dem:

Philemon 1:9

bot sieka di lov weh wi gat, Ah wuda reda aks yu insida dat: Mii, Paul, weh dah now wan uol man iina prizn fi Christ,

Hebrews 12:1

Ahn now, bredrin, bikaaz wi gat dis big kroud a pipl dem weh don shuo wi how fi get fiet iina God ahn now deh wiknis how gud wii deh du, mek wi get rid a evryting weh kyan kiip wi bak, speshaly demde sin weh no gwain mek wi go gud. Insida dat, mek wi ron haad wi ries weh deh hed a wi.

1 Peter 1:12

Bot God tel di prafit dem seh, weh dehn deh rait bout dah no fi dem benifit, bot dah fi unu. Dehn wehn taak bout demde tingz weh now unu deh hier fahn demya pipl weh deh priich di Gud Nyuuz chruu di powa a di Holy Spirit, weh kom fahn hevn. Demya dah di tingz dem weh iivn di ienjel dem wuda laik fi nuo bout.

1 Peter 1:7

Ahn dehn traiyalz dah fi pruuv seh unu fiet dah di chruu ting. Memba: iivn guol, weh kyaahn laas, dehn tes wid faiya, ahn fi unu fiet wot plenty muo an guol! So unu fiet hafy tes wid faiya, so dat ih kyan laas lang. Den, pahn Dat Die wen Jesus Christ kom bak, unu gwain get priez ahn gluory ahn ana.

1 Peter 4:13

Insida dat, unu fi glad seh, unu deh get di chaans fi shier iina Christ sofarin, bikaaz aftawod unu gwain get di jai fi shier iina ihn gluory tu, wen di taim kom fi dehn shuo ih tu di pipl a disya worl.

1 Peter 5:4

so dat wen di Chiif Shepad kom bak, unu gwain get wan kroun a gluory weh gwain neva fied-weh.

1 John 3:2

Mi dier fren dem, wii dah God pikniny dem, ahn wi kyaahn iivn tink weh wi gwain bii wen Jesus kom bak. Bot wan ting wi nuo, ahn dah dis: wen ihn kom bak, wii gwain bii jos laik him, bikaaz wi gwain si him jos laik how him stie.

2 John 1:1

Dis leta dah fahn mii, John, weh dah di uol elda iina di chorch. Ah deh rait dis leta tu wan speshal uman ahn ihn pikniny dem weh Ah ongl lov. Ahn dah no ongl mii lov unu, bot dah evrybady weh nuo di chruut, lov unu tu.

3 John 1:1

Dis leta dah fahn mii, John, weh dah di elda iina di chorch. Ah deh rait tu mi gud fren Gaius, weh Ah lov fi chruut.

Revelation 1:9

Ai dah John, unu breda, bikaaz wii dah wan wid Jesus Christ. Ahn Ah sofa wid unu tu sieka wi deh fala Christ iina ihn Kingdom tugeda, bot God gi wi di strent fi bier'ih. Now, bikaaz Ai wende tel di pipl dem bout God Wod ahn di chruut bout Jesus, dehn put mi pahn dis ailant weh niem Patmos.