1 Peter 4:8 - The New Testament in Islander Creole

⁸ Ahn di muos impuotant ting an aal: unu fi lov wan anada wid chruu lov, bikaaz lov kova plenty sin.

1 Peter 4:8 Iomraidhean Croise

1 Corinthians 13:1

Iivn if Ai kuda taak iina aal di langwij dem weh pipl taak —ahn iivn weh di ienjel dem taak— if Ah no gat non lov fi ada pipl, aal weh Ah deh seh no miin notn ataal! Dah jos laik di naiz weh sombady mek, wen dehn deh lik wan jrom or lik simbal.

1 Corinthians 13:4

Unu si, wen unu lov ada pipl, unu gwain gat pieshens wid dem. Unu gwain bii kain tu dem ahn unu no gwain jalas afta dem. Unu no gwain tink tuu moch a unuself, ahn unu no gwain bii proud ahn triit ada pipl bad.

Colossians 3:14

Bot muo an enyting els, unu fi gat lov, bikaaz dat dah weh tai aala demde tingz tugeda so dat evryting kyan go smuud-smuud.

1 Thessalonians 3:12

Ahn Ah deh aks di Laad tu seh fi mek unu lov wan anada, ahn fi aal di pipl dem evrywie gruo muo ahn muo, ahn fi dah lov get az big az wat wi gat fi unu!

2 Thessalonians 1:3

Bredrin, wi hafy gi God tanks aal di taim fi unu. Dat dah di rait ting fi wi du, bikaaz unu fiet deh gruo muo ahn muo stranga evry die, ahn unu lov wan anada muo beta tu!

1 Timothy 1:5

Insida dat, unu fi tiich di biliiva dem how dehn kyan get riil lov fi wan anada. Ahn datde lov kom fahn wan kliin haat, wan klier kanshans, ahn wan chruu fiet.

Hebrews 13:1

So, bredrin, unu fi kiip aan deh lov wan anada laik breda ahn sista iina Christ.

James 5:12

Ahn muo an eva, bredrin, unu no fi swie, nat bai hevn nar bai ort, nar bai notn ataal! Aal unu hafy seh dah wan plien, “Yees sah,” or “Nuo sah” —or els God gwain joj unu.

James 5:20

unu fi nuo dis chruut: Enybady weh ton wan sina fahn ihn rang wiez, ihn gwain siev dah sina suol fahn det, ahn dat gwain mek ihn get fargivnis fi wan huol paila sin dem. Amen!

1 Peter 1:22

Now, az breda ahn sista iina Christ, unu kyan gat chruu lov fi wan anada, bikaaz unu obie di Gud Nyuuz weh dah di chruut, ahn so now unu kliin fahn sin. So den, si tu it dat unu riily lov wan anada wid aala unu haat.

3 John 1:2

Mi dier fren, Ah prie seh evryting gud wid yu ahn yo bady az helty az yo suol.