1 Peter 4:6 - The New Testament in Islander Creole

⁶ Dat dah wai di Gud Nyuuz wehn priich iivn tu demde pipl weh don ded. Bikaaz alduo dehn ded —jos laik evrybady— dehn wehn get wan chaans fi fain laif iina di spirit chruu obie weh God waahn dem fi du.

1 Peter 4:6 Iomraidhean Croise

Matthew 24:9

“Iina demde diez dehn gwain gi unu uova fi dehn mek unu sofa plenty ahn den dehn gwain kil unu. Evrybady evrywie gwain hiet unu sieka unu chros ahn fala mii.

Romans 8:2

bikaaz di Holy Spirit weh gi wi nyuu laif weh kom fahn Christ Jesus, don set wi frii fahn sin ahn det weh dah paat a di Laa.

Galatians 2:19

Wen Ah wehn trai kiip di laa, dat neva gwain get mi rait wid God. So den, Ai ded tu di laa now, so Ah kyan liv fi God fareva. Dah jos laik Ah ded wid Jesus Christ pahn di kraas!

Galatians 5:25

So, bredrin, sins dah di Holy Spirit gi wi fi wi nyuu laif, den wi fi mek ongl him kanchruol how wi liv.

1 Peter 1:12

Bot God tel di prafit dem seh, weh dehn deh rait bout dah no fi dem benifit, bot dah fi unu. Dehn wehn taak bout demde tingz weh now unu deh hier fahn demya pipl weh deh priich di Gud Nyuuz chruu di powa a di Holy Spirit, weh kom fahn hevn. Demya dah di tingz dem weh iivn di ienjel dem wuda laik fi nuo bout.

1 Peter 3:18

Christ wehn sofa fi unu tu, wen ihn wehn ded fi wii sinaz wans ahn far aal. Him wehn neva sin, bot ihn ded fi wi sin dem, so dat ihn kuda bring aala wi sief huom tu God. Bikaaz Christ wehn sofa wen dehn put ihn bady tu det, bot den ihn riez'op bak iina di spirit!

1 Peter 3:19

Ahn, dah wen Christ wehn iina di Spirit, wen ihn gaan, gaan priich tu di spirit dem weh wehn iina prizn.

Revelation 14:18

Ahn wan nada ienjel weh wehn inchaaj a di Templ faiya, kom out fahn saida di alta. Ihn baal out haad deh tel di ienjel weh deh huol di shaap mashet, seh, “Tek yo shaap mashet ahn kot dehn bonch a griep. Gyada dem fahn aafa aal di vain pahn di ort, bikaaz dehn griep don raip.”