1 Peter 4:4 - The New Testament in Islander Creole

⁴ Ahn now, unu fren dem weh unu yuuztu gat, dehn sopraiz seh unu no waahn jain dem agen fi du dehn wikidnis weh unu yuuztu du. So, dehn ton roun ahn insolt unu!

1 Peter 4:4 Iomraidhean Croise

Matthew 23:25

“How haad unu gwain gat'ih, unu tiicha a di Laa ahn Pharisee pipl, unu hipokrit! Unu mek shuor seh unu kliin evryting pan di outsaid weh pipl kyan si, laik unu kop ahn unu pliet, bot iina unu haat unu griidy ahn wikid!

Luke 15:13

Som diez lieta, di yonga son pak'op aal weh ihn wehn gat, ahn gaan dah wan nada kontry, ahn wen ihn get deh, ihn wies out aal ihn mony deh liv wail laif.

Acts 13:45

Bot wen di Jewish rilijos liida dem si di huol paila pipl weh kom, dehn wehn get uova jalas, so dehn staat seh Paul deh tel wan huol paila lai, ahn dehn insolt im op tu.

Acts 18:6

Bot, wen dehn get'op gens im ahn staat kors im, Paul shiek aaf di dos aafa ihn kluoz ahn tel dem seh, “Unu blod deh pan tapa unu uon hed; mii no respans fi unu no muo. Fahn now aan Ah gwain tu di Gentile pipl dem.”

Romans 13:13

Mek wi liv wan kliin laif laik pipl weh deh iina di die-lait. Wi no fi liv wan slak laif ahn sliip roun. Wi no fi bii jronkin man. Wi no fi deh go dah non wail paaty ahn du aala demde kain a wikid tingz niida. Ahn wi no fi fait wid pipl, nar groj weh ada pipl gat.

Ephesians 5:18

Ahn unu no fi jrink so moch wain til unu get jronk, bikaaz if unu du dat, unu ongl gwain du weh di fuul dehn du, ahn mes'op unu laif! Insida dat, unu fi liv ful'op wid di Holy Spirit ihnself!

1 Peter 2:12

Unu fi liv iina soch a wie mongs di pipl dem weh no nuo God, dat iivn wen dehn deh akyuuz unu seh, unu deh du di tingz dem weh wikid, demya pipl hafy uon'op ahn seh dah neva chruu. Ahn di gud tingz weh unu du, gwain liid dem fi biliiv ahn gi God ana pahn Dat Die wen ihn kom bak fi joj di worl!

1 Peter 3:16

Bot unu fi du'ih iina wan nais wie ahn wid rispek, so dat unu kyan stie wid wan kliin kanshans. Den, if som pipl taak bad bout unu, dehn gwain fiil shiem wen dehn si di gud laif unu liv, bikaaz unu dah fi Christ.

2 Peter 2:12

Bot demya tiicha dehn taak bad bout demde tingz, weh dehn no nuo notn bout. Dehn dah jos laik wail animal weh no tink ataal! Dehn jos du weh dehn main tel dem fi du. So, jos laik how di wail animal dem baan ahn kom iina disya worl fi mek di pipl dem kech dem ahn kil dem, siem wie God gwain distrai demya wikid tiicha tu!

2 Peter 2:22

Weh hapm tu dem pruuv seh, di seyin dem dah chruut weh seh: “Wan daag gwain go bak tu ihn uon vamit ahn lik'ih op.” Ahn, “Wan pig weh yo wash, gwain go bak ahn ruol iina di mod agen!”

Jude 1:10

Bot demya faals tiicha dem tek enyting weh dehn no andastan, mek papishuo ahn seh aal kain a wikid tingz gens dem. Dehn dah jos laik demde animal weh du evryting weh dehn main tel dem fi du, ahn dat dah how demde kain a pipl end'op deh distrai dehn uonself!