1 Peter 4:2 - The New Testament in Islander Creole

² Fahn yah go bak, unu niid fi liv di res a unu laif yah pahn ort deh du weh God waahn unu fi du, ahn no weh unu fiil fi du.

1 Peter 4:2 Iomraidhean Croise

Matthew 12:50

Bikaaz enybady weh du weh mi Faada iina hevn seh ihn fi du, dah mi breda, mi sista ahn mi muma.”

Matthew 20:4

So ihn tel dem, ‘Unu golang, go work iina mi griep grong tu, ahn aftawod Ah wi pie unu enyting weh unu fi get.’ Ahn dehn gaan.

Matthew 21:31

So Ah aks unu: Wish wan outa di two son du weh dehn pupa wehn waahn?” Dehn ansa, “Di fos wan.” Den Jesus seh tu dem, “Ah deh tel unu di chruut: di taks kalekta ahn di ruod gyal dem gwain get iina God Kingdom hed a unu.

Matthew 7:21

“Dah no evrybady weh kiip deh kaal mi, ‘Laad, Laad’ gwain get iina di Kingdom a Hevn, ongl di wan weh kiip deh du wat mi Faada iina hevn waahn ihn fi du.

Mark 3:35

Enybady weh du weh God seh ihn fi du, dah mi breda, mi sista, ahn mi muma.”

Mark 7:21

bikaaz fahn iinsaida di porsn haat aal di doty tinkin kom out weh mek im du aal di bad tingz, laik gat seks bitout marid, tiif, kil, komit adolchry,

John 1:13

Dehn neva ton God pikniny chruu di naamal wie how bieby baan laik how man du'ih, bot dah wehn God ihnself gi dem wan nyuu kain a laif.

John 7:17

Enybady wilin fi du weh him waahn dem fi du, gwain nuo weda di tingz dem weh Ah deh tiich dah fahn God or dah mi uon ting.

Romans 12:2

Unu no fi liv laik demde pipl iina disya worl. No du weh dehn du nontaim. Insida dat, unu fi mek God chienj di wie unu tink, so dat evryting weh unu du, kyan chienj tu. Den, dat gwain mek unu nuo weh God waahn, weh gud ahn weh gwain pliiz im. Ahn unu gwain nuo egzakly how unu shuda liv.

Romans 14:7

So, non a wi deh liv jos fi du weh wii waahn, ahn non a wi ded jos bikaaz wii waahn.

Romans 6:11

Iina di siem wie, unu fi luk pahn unuself laik unu don ded tu, wen ih kom tu sin; ahn alaiv, wen ih kom tu weh God kansaan, bikaaz unu dah wan wid Christ Jesus.

Romans 6:2

Nuo sah! Wi no fi go aan iina wi sinful wie no muo! Sin no gat no muo powa fi ruul uova wii —so dah how wi kyan kiip aan deh sin, den?

Romans 7:4

Ahn dat dah di siem wie wid unu, bredrin, bikaaz unu don ded tu di Laa tu. Ahn dah Laa no gat non powa uova unu no muo wen unu ded wid Christ pahn di kraas. Weh Ah miin dah now unu dah fi Him weh God wehn mek riez'op bak fahn di ded fi liv agen. Ahn dat dah how wi kyan du plenty gud tingz fi sorv di Laad.

2 Corinthians 5:15

Di Laad Jesus wehn ded fi evrybady, so dat aala demde pipl weh get fi him nyuu laif, no gwain liv fi pliiz dehnself no muo. Insida dat, demde pipl gwain liv fi pliiz Christ, weh wehn ded fi dem ahn den riez'op bak fahn di ded!

Ephesians 2:3

Di chruut dah seh, aala wi dah wehn laik dem; wi wende liv how wii waahn. Wi yuuztu du enyting weh wi hyuuman nietyo kaal fah, ahn weh wi main tink'op. Iina datde kandishan, wi wehn gwain fiil God raat pahn wi siem laik evrybady els.

Ephesians 4:17

So den, Ai Paul —bai di atarity a di niem a di Laad Jesus Christ— deh waan unu seh: Unu no fi liv unu laif no muo laik how demde pipl weh no nuo God deh liv, bikaaz wat demde kain a pipl deh tink, no wot notn ataal!

Ephesians 5:17

Unu no fi du notn fuulish; bot insida dat, unu fi trai fain out weh di Laad waahn unu fi du!

Ephesians 6:6

So, unu no fi work gud ongl wen unu maasta deh wach unu, fi mek unu uonself luk gud. Bot, bikaaz unu dah wan sorvant a Christ, unu fi du weh God waahn wid aala unu haat!

Colossians 1:9

Dat dah wai wi neva stap deh prie fi unu fahn di fos die wi wehn hier bout unu. Di chruut dah seh, wi aalwiez prie seh God wi shuo unu evryting ihn waahn unu fi du, ahn dat unu gwain gat aal di wizdom ahn andastandin weh di Spirit gi tu ihn pipl dem.

Colossians 3:3

bikaaz unu uol laif don ded ahn unu nyuu laif deh haid wid Christ iina God!

Colossians 4:12

Epaphras, weh dah fahn fi unu gruup ahn weh deh sorv Christ Jesus, sen ihn griitin tu. Aal di taim ihn deh prie fi unu wid aala ihn haat. Ihn deh prie seh unu gwain neva stap deh chros iina God, ahn dat unu gwain stan strang far im iina evryting, ahn dat unu gwain nuo aal weh ihn waahn unu du, ahn den unu wi du'ih.

1 Thessalonians 5:18

No kier weh hapm, unu fi aalwiez gi God tanks, bikaaz unu dah wan wid Christ Jesus! Dis dah weh fi wi Faada God waahn unu fi du.

James 1:18

Dah wehn God ihnself baan wi chruu ihn Wod weh dah chruut, so wi kuda get di fos plies mongs aala ihn kricha dem!

1 Peter 1:14

Obie God, bikaaz unu dah fi him pikniny. Ahn no go bak, go liv dehn uol wikid wiez weh unu yuuztu liv —demde taim unu neva nuo no beta.

1 Peter 2:1

So bredrin, unu fi stap deh du di tingz dem weh hot ada pipl, ahn deh trai fuul dem op. Unu no fi bii wan hipokrit, nar jalas afta nonbady, nar taak bad bout dem niida!

1 John 2:17

Ahn di worl, ahn evryting iina it —weh dem weh no chros God waahn— gwain disapier, bot demde pipl weh du weh God seh wi fi du, gwain liv fareva.