1 Peter 4:16 - The New Testament in Islander Creole

¹⁶ Bot, if unu sofa bikaaz unu dah wan chruu Kristyan, unu no hafy shiem den. Insida dat, tank di Laad seh unu sofa fi him siek.

1 Peter 4:16 Iomraidhean Croise

Acts 11:26

Wen ihn fain im, ihn ker im bak dah Antioch, ahn fi wan huol yier Saul ahn Barnabas stie wid di chorch deh tiich wan huol paila pipl weh kom. Dah wehn rait dah Antioch dehn wehn kaal di pipl dem weh chros iina Jesus “Kristyan” fi di fos taim.

Acts 26:28

Agrippa ansa Paul, “Huol aan Paul! Yu tink seh iina dis shaat taim yu kuda ton mii iina wan Kristyan?”

Acts 28:22

Bot wi waahn hier weh yo gat fi seh, bikaaz aal bout di plies dehn deh taak bad bout dis nyuu rilijan.”

Acts 5:41

Afta di apasl dem lef di Jewish rilijos liida dem, dehn wehn uova glad, bikaaz dehn wehn get fi sofa shiem sieka Jesus.

Philippians 1:20

Az fi mii, bredrin, Ah deh espek ahn deh huop wid aala mi haat seh Ah no gwain shiem a miself iina non kain a wie. Bot Ah huop seh Ah gwain gat jos az moch korij now az weh Ah aalwiez yuuztu gat, fi weh Ah kyan ana Christ iina evryting weh Ah du —weda Ah liv or ded.

Philippians 1:29

So now unu gat di privilij no ongl fi chros iina Christ, bot fi sofa far im tu.

2 Timothy 1:12

Dat dah wai Ah stil deh sofa demya tingz. Bot Ah no shiem ataal, bikaaz Ah nuo di Wan weh Ai chros iina. Ahn Ah shuor seh him gat powa; ahn dah him gwain kiip sief aal weh Ah deh chros im fah til Dat Die wen ihn kom bak!

James 2:7

Dah no dem weh deh taak bad bout di gud niem a di Wan weh unu bilang tu? Dah wehn demde siem pipl, man!

1 Peter 2:12

Unu fi liv iina soch a wie mongs di pipl dem weh no nuo God, dat iivn wen dehn deh akyuuz unu seh, unu deh du di tingz dem weh wikid, demya pipl hafy uon'op ahn seh dah neva chruu. Ahn di gud tingz weh unu du, gwain liid dem fi biliiv ahn gi God ana pahn Dat Die wen ihn kom bak fi joj di worl!

1 Peter 4:11

So, if unu gat di gif fi priich; wel, priich God Wod gud. If unu gat di gif fi help ada pipl; wel, du'ih wid aala di strent weh God gi'yo. Unu fi du evryting so dat ih kyan bring ana tu God chruu Jesus Christ weh gat aal di gluory ahn powa iina him fareva ahn eva. Amen!

1 Peter 4:14

So den, kount'ih wan blesin wen dehn insolt unu bikaaz unu dah wan biliiva iina Christ. Dis shuo seh God Spirit deh wid unu!

1 Peter 4:19

So den, if unu deh sofa bikaaz dat dah weh God waahn fi unu, kiip aan deh du weh rait ahn put unuself iina God han —di Wan weh mek unu— bikaaz him no gwain fiel unu nontaim!