1 Peter 4:12 - The New Testament in Islander Creole

¹² Mi dier fren dem, wan neks ting: unu no fi fraitn wen unu deh go chruu dehn traiyalz weh bon unu laik faiya, laik if dah somting strienj deh hapm tu unu.

1 Peter 4:12 Iomraidhean Croise

1 Corinthians 10:13

Memba, evry kain a tes weh unu go chruu dah di siem kain a tes dem weh ada pipl gaan chruu. Bot God fietful tu ihn pramis, ahn him no gwain mek di taim weh unu get tes stie so lang seh unu kyaahn bier'ih no muo. Bot, wen di tes kom, God gwain gi unu di strent fi stan'ih ontil ihn shuo unu wan wie out.

1 Corinthians 3:13

Bot, wen Dat Die kom wen God gwain joj aal di pipl dem, evrybady gwain kyan si weh kain a work iich porsn wende du. Pahn Dat Die faiya gwain tes evrybady work, ahn ih gwain shuo jos weh kain a work iich porsn wende du.

2 Timothy 3:12

Dah chruut, enybady weh dah fi Christ Jesus ahn waahn liv rait gwain hafy put'op wid plenty persikyuushan fahn ada pipl.

1 Peter 2:11

Mi dier fren dem, unu dah no fi disya worl; unu dah farina ahn strienja. So, Ah deh waan unu: unu no fi giv iin tu dehn sinful fiilin weh deh fait gens unu uon suol!

1 Peter 4:4

Ahn now, unu fren dem weh unu yuuztu gat, dehn sopraiz seh unu no waahn jain dem agen fi du dehn wikidnis weh unu yuuztu du. So, dehn ton roun ahn insolt unu!

1 Peter 5:9

So unu hafy stie strang iina unu fiet, so unu kyan stan op gens im. Memba seh: di ada biliiva dem aal uova di worl deh go chruu dehn siem kain a sofarin dem.