1 Peter 4:10 - The New Testament in Islander Creole

¹⁰ Memba seh: God wehn bles evry wan a unu wid wan a ihn speshal gif dem, so unu kyan yuuz ih fi sorv ada pipl.

1 Peter 4:10 Iomraidhean Croise

Matthew 20:28

Dah rait so di Son a Man deh; ihn no kom fi di pipl dehn sorv im, bikaaz him kom fi sorv ahn fi gi ihn laif fi pie fi plenty pipl sin.”

Matthew 24:14

Ahn di gud nyuuz bout God Kingdom gwain get priich aal uova di worl fi pipl kyan hier di chruut, ahn den di en gwain kom.

Matthew 24:21

bikaaz iina daty taim plenty teribl sofarin gwain deh, di kain a sofarin weh neva hapm fahn di worl staat til now, ahn notn no gwain bii laik dis aftawod.

Matthew 24:45

“Tel mi den: huu dah di fietful ahn sensabl sorvant weh ihn maasta kyan chros fi put im inchaaj a di ada sorvant dem ahn mek shuor seh dehn iit dehn fuud iin taim?

Matthew 25:17

Dah jos so, di wan weh get two talent put'ih tu work ahn ihn get two muo talent,

Matthew 25:44

Den, dehn gwain ansa bak, ‘Laad, dah wentaim wii wehn si yo hongry or torsty or laik wan strienja or niekit or sik or iina jiel ahn wi neva help yo?’

Mark 10:45

Dah rait so di Son a Man deh; ihn no kom fi pipl dehn sorv im, bikaaz him kom fi sorv ahn fi gi ihn laif fi pie fi plenty pipl sin.”

Luke 12:42

Ahn di Laad ansa im seh, “Ah deh taak bout eny sensabl sorvant weh ihn maasta kyan chros fi put im inchaaj a di ada sorvant dem ahn mek shuor seh dehn iit dehn fuud iin taim.

Luke 19:13

Bot bifuor ihn lef, ihn kaal ten a ihn sorvant dem ahn ihn gi evry wan a dem di siem amount a mony fi inves fi im til ihn kom bak.

Luke 8:3

ahn Joanna, huu dah wehn Chuza waif —Chuza wende hangl Herod hous— ahn Susanna, ahn plenty muo uman, huu wehn yuuz dehn uon mony fi help sopuot Jesus ahn ihn disaipl dem, wende fala im tu.

Romans 15:25

Bot rait now Ah hafy go'op dah Jerusalem fi help God pipl dem weh dedeh;

Romans 15:27

Dehn mek'op dehn main fi du dat. Ahn dah chruut, wi shuda help demde pipl dah Jerusalem weh no gat notn, bikaaz di Gentile pipl dem wehn don get fi dehn paat iina God blesin fahn di Jew dem. So den, demde pipl weh dah no Jew shuda help di Jew dem now, ahn bles dem wid weh dehn niid fi liv aafa, no chruut?

1 Corinthians 15:10

Bot dah sieka God gries mek Ah kom fi bii di porsn weh Ah ton now. Ahn God neva shuo mi ihn gries fi notn, bikaaz Ai work haada an aal di res a di apasl dem. Bot mek Ah tel unu, dah no mii miself deh work, bot dah God gries weh deh wid mi weh wende du'ih.

1 Corinthians 3:10

Bai God gries Ai kom fi bii wan waiz maasta bilda. Ai aredy don put dong wan strang foundieshan ahn sombady els deh bil pahn tapa it. Bot evrybady hafy wach out how dehn deh bil pahn ih.

1 Corinthians 4:7

Lisn pipl! Dah huu mek unu beta an ada pipl? Dah God uonself weh gi unu evryting weh unu gat. So den, if dat dah chruut, wai unu deh buos ahn mek'ih luk laik God no gi unu notn ataal?

2 Corinthians 6:1

So bredrin, wii weh deh work tugeda wid God, deh beg unu fi mek gud yuus ah di gries weh God wehn gi unu.

2 Corinthians 9:1

Now, Ah no hafy rait tu unu bout di gif dem weh unu gwain sen fi help God pipl dem dah Jerusalem,

Ephesians 3:8

Ah shuor seh aala God pipl dem muo beta an mii. Stil yet, God wehn uova bles mi, wen ihn pik mi out fi go tel di Gentile pipl dem di Gud Nyuuz bout aal di blesin dem weh Christ deh gi ihn pipl dem. Ahn demde blesin so gud dat wi kyaahn iivn andastan aala dem!

Ephesians 4:11

Dah him huu wehn gi demya gif tu di pipl dem. Ihn pik som pipl fi bii apasl, ahn som fi bii prafit, ahn som a dem ivanjelis. Ahn ihn pik som ada pipl fi bii pastya ahn tiicha tu.

2 Timothy 1:18

So, Ah prie seh di Laad wi gi'im ihn morsy pahn Dat Die wen Christ kom bak! Yuu nuo gud, Timothy, ho moch Onesiforus work fi help mi iina Ephesus.

Titus 1:7

Aal di chorch liida dehn gwain deh inchaaj a God work, so dehn fi liv so nonbady no gat non riizn fi fain faalt wid eny a dem niida. Dehn no fi proud ahn dehn no fi get beks iizy. Dehn no fi bii wan jronkin man, niida fi laik fait. Ahn dehn no fi groj weh ada pipl gat ahn waahn get wan lata tingz fi demself.

Hebrews 6:10

Bikaaz, God dah wan fier God, ahn him no gwain farget how haad unu wehn work fi im. Ihn no gwain farget how unu shuo unu lov tu im wen unu wehn help out ihn pipl dem, ahn how unu deh kiip aan deh help dem.

1 Peter 5:10

Bot, afta unu don sofa fi wan likl wail, di God a Gries —weh kaal unu fi bii wan wid Christ Jesus fi shier ihn gluory weh gwain laas fareva— him gwain mek unu bii aal weh unu supuoz fi bii. Ahn ihn gwain mek unu strang, ahn ihn gwain help unu so unu no gwain shieky iina unu fiet.

1 Peter 5:12

Bredrin, Ah deh rait unu dis shaat leta. Ahn Silas, weh dah wan fietful biliiva, deh help mi du'ih. Di riizn wai Ah deh rait dis leta dah fi inkorij unu ahn fi mek unu nuo seh unu kyan chros di chruu gries a God no mata weh gwain hapm tu unu!