1 Peter 3:8 - The New Testament in Islander Creole

⁸ Di laas ting Ah gat fi tel unu dah dis: Aala unu niid fi gat di siem tinkin ahn kansaan fi wan anada, so dat unu lov wan anada laik breda ahn sista lov wan anada. Ahn unu fi bii kain ahn ombl tu wan anada.

1 Peter 3:8 Iomraidhean Croise

Matthew 18:33

Bot yuu neva gat non morsy pahn di ada sorvant yo fren, jos laik how Ai wehn gat morsy pahn yo?’

Luke 10:33

Bot wan Samaritan man, huu wende travl chruu deh, bok'op pahn di man, ahn wen ihn si'im, ihn get sary fi him.

Acts 2:1

Wen Pentikaas selibrieshan kom, aala di pipl dem weh wehn chros iina Jesus gyada tugeda iina wan plies.

Acts 27:3

Di neks die wi get dah Sidon, ahn Julius, fi shuo ihn kainis tu Paul, wehn mek im gaan ahn vizit ihn fren dem so ihn kuda get provishan fi ihn niid.

Acts 28:7

Now iina daty plies dehn wehn gat wan piis a lan weh dah fi di ailant chiif, weh niem Publius. Ihn tek wi iin ahn put wi op gud fi three diez.

Acts 4:32

Iina demde diez di gruup a biliiva dem wehn gat wan haat ahn wan main, ahn nonbady seh weh ihn wehn uon dah wehn fi him aluon, bot dehn shier op evryting weh dehn wehn gat wid wan anada.

Romans 12:10

Unu fi lov wan anada laik pipl weh dah fi di siem famaly; ahn bii hapy fi shuo plenty rispek tu aala unu Kristyan breda ahn sista dem.

Romans 15:5

So den, mek God —di Wan weh inkorij wi ahn gi wi plenty pieshens fahn di fos— mek aala unu iebl fi grii wid wan anada ahn liv iina piis, wail unu deh fala Christ Jesus.

1 Corinthians 1:10

Unu weh dah mi fren dem, Ah deh beg unu bai di atarity a di niem a di Laad Jesus Christ fi unu grii wid wan anada, fi unu no gat non divizhan mongs unuself. Unu fi bii wan iina di wie unu tink, ahn iina weh unu du.

1 Corinthians 12:26

So, if wan paat a di bady sofa, den aal di ada paat dem sofa lang wid ih; ahn if wan paat get priez, den aala di ada paat dem hapy far ih tu.

Ephesians 4:2

Unu no fi tink seh unu muo beta an sombady els. Ahn no bii rof wid ada pipl niida, bot gat pieshens wid dem. Shuo unu lov wid evrybady ahn help dem.

Ephesians 4:31

So, unu no fi gat non kain a bitanis iina unu haat, ahn no fi get so beks til unu get outa kanchruol! Unu no fi baal out pan wan anada, nar insolt'op wan anada, nar shuo non kain a hietful fiilin dem tu wan anada niida.

Ephesians 4:32

Insida dat, unu fi du gud tu wan anada. Unu fi gat wan waam, kain haat fi wan anada, ahn fi fargiv wan anada jos laik how God wehn fargiv unu, bikaaz unu dah fi Christ!

Philippians 2:3

Ah prie seh unu no du notn outa selfishnis nar breginis, bot unu fi bii ombl ahn no fi tink seh unu beta an enybady els.

Philippians 3:16

Bot di muos impuotant ting dah fi wi liv'op tu weh wi don laan aredy.

Colossians 3:12

So den, bikaaz God wehn pik unu out fi bii fi him uon speshal pipl weh ihn lov, mek unu haat go out tu wan anada. Unu fi bii kain ahn ombl, ahn triit wan nada gud, ahn gat pieshens wid wan anada.

Hebrews 13:1

So, bredrin, unu fi kiip aan deh lov wan anada laik breda ahn sista iina Christ.

James 2:13

Bikaaz enybady weh no gat non morsy, God gwain joj dem bitout morsy, bikaaz morsy aalwiez biit jojment!

James 3:17

Bot di fos ting bout di pipl dem weh gat di wizdom weh kom fahn God, dah dem liv wan uova kliin laif. Dehn lov piis ahn dehn kansidariet; dehn nuo dehn plies ahn dehn ful a morsy ahn dehn du kain tingz fi di pipl dem. Dehn triit evrybady di siem wie, ahn dehn neva two-fies!

James 5:11

Wii kaal demde pipl hapy ahn bles, bikaaz dehn gaan chruu plenty trobl ahn neva gi'op. Ahn Ah shuor seh unu wehn hier bout Job tu, how ihn huol aan aal chruu fi him troblz ahn neva gi'op nontaim. Si weh God du far im pahn di en? Ihn bles im plenty. So wi si how di Laad lov wi bad; him haat ongl saaf tuwaadz wi weh wiet pahn im.

1 Peter 1:22

Now, az breda ahn sista iina Christ, unu kyan gat chruu lov fi wan anada, bikaaz unu obie di Gud Nyuuz weh dah di chruut, ahn so now unu kliin fahn sin. So den, si tu it dat unu riily lov wan anada wid aala unu haat.

1 Peter 2:17

Unu fi rispek evrybady, ahn shuo speshal lov fi unu breda ahn sista dem weh dah biliiva. Unu niid fi fier God ahn rispek di King.

1 Peter 5:5

Siem wie, unu yonga pipl fi obie unu elda dem. Di chruut dah seh, aala unu niid fi ombl unuself ahn sorv wan anada, bikaaz di Skriptyo seh: “God fait gens dehn pipl weh proud, bot ihn help dem weh ombl.”

2 Peter 1:7

Ahn unu fi lov di ada biliiva dem diip dong iina unu haat, ahn den unu gwain gruo fi gat chruu lov fi evrybady!

1 John 3:14

Bot wii nuo seh wi don lef det bihain ahn kraas uova tu riil laif, bikaaz wi lov wan anada. Bot enybady, weh no deh liv iina lov, stil ded yet!