1 Peter 3:7 - The New Testament in Islander Creole

⁷ Iina di siem wie, unu hozban fi ana unu waif ahn aalwiez triit im wid rispek wail unu liv tugeda. Memba seh: shii dah di wiika wan, bot siem taim shii dah wan iikwal paadna iina di gif a wan nyuu laif weh God wehn gi wi! If unu triit im di rait wie, den unu praya dem no gwain get hinda nontaim.

1 Peter 3:7 Iomraidhean Croise

Matthew 18:19

Apaat fahn dat, Ah deh tel unu seh if two a unu grii fi aks di Laad fi somting, unu gwain get'ih chruu mi Faada iina hevn.

1 Corinthians 7:3

Di man weh marid shuda satisfai ihn waif. Siem wie, di marid uman shuda satisfai ihn hozban. Iich wan a dem shuda satisfai dehn niid dem.

Ephesians 3:6

Ahn dis dah di siikrit plan weh God neva shuo nonbady til now: Wen di Gentile pipl biliiv di Gud Nyuuz, den God gwain gi dem di siem blesin dem jos laik weh fi him Jewish pipl dehn gwain get. Aala dem tugeda kom fi bilang tu wan bady, ahn dehn gwain get di siem rich blesin dem, weh God wehn pramis chruu Christ Jesus.

Ephesians 4:30

Den, unu no fi mek di Holy Spirit sad niida. Bikaaz God Spirit dah weh ihn yuuz fi maak unu, fi shuo seh unu dah fi him; ahn him dah unu garanty fi wen di die kom, wen di Laad ihnself gwain set unu frii!

Ephesians 5:33

Ahn dis siem chruut deh taak tu unu tu, weh seh: Evry hozban fi lov ihn waif jos laik how ihn lov himself, ahn evry waif fi rispek ihn hozban.

Ephesians 6:18

So, prie aal di taim ahn aks God fi help unu; ahn aks ihn Spirit fi help unu prie. Stie pahn unu gyaad aal di taim ahn neva stap deh prie fi aala God pipl dem!

Colossians 3:19

Ahn unu hozban, unu fi lov unu waif, ahn no abyuuz dem nontaim.

1 Thessalonians 4:4

Evry wan a unu man fi laan how fi kanchruol unu uon bady iina wan wie weh huoly ahn rait.

Titus 3:7

So, sieka ihn gries, wi get fi deh rait wid God, ahn wi gat di laif weh no gwain don nontaim ataal!

Hebrews 1:14

Unu si seh di ienjel dem dah spirit ahn dehn dedeh fi sorv God. God deh sen dem fi help di pipl dem weh him gwain siev.

1 Peter 3:1

Siem wie, evry wan a unu marid uman fi put unu hozban fos. Den, if som a unu hozban no biliiv God Wod, unu kyan win im uova fi biliiv jos bai di wie unu bihiev. Unu no gwain iivn hafy seh wan wod tu im,