1 Peter 3:5 - The New Testament in Islander Creole

⁵ Lang taim abak, dat dah how dehn uman —weh yuuztu waaship God ahn put dehn huop iina im— wehn mek demself byuutiful. Dehn yuuztu put dehn hozban fos.

1 Peter 3:5 Iomraidhean Croise

Luke 2:37

Anna dah wehn wan wido til dah taim wen ihn wehn gat eighty-four yierz. Ihn neva lef di Templ ataal, bot nait ahn die ihn wende waaship God, deh faas ahn deh prie.

Acts 1:14

Wid wan main, aala dem yuuztu gyada tugeda plenty taim fi prie lang wid Mary, Jesus muma, ihn breda dem ahn som ada uman tu.

Acts 9:36

Now iina di neks toun a Joppa, wan uman weh liv deh wehn niem Tabitha, weh iina di Greek langwij dah Dorcus. Shii dah wehn wan biliiva ahn spen aal ihn taim deh help puor pipl ahn du ada gud tingz.

Ephesians 5:33

Ahn dis siem chruut deh taak tu unu tu, weh seh: Evry hozban fi lov ihn waif jos laik how ihn lov himself, ahn evry waif fi rispek ihn hozban.

1 Timothy 2:10

Insida dat, wan uman shuda du plenty gud tingz —demya dah di tingz weh wan uman shuda du, weh seh ihn lov God.

1 Timothy 2:15

Bot God gwain siev di uman dem wen dehn pikniny deh baan, if dehn kiip aan deh chros iina Jesus Christ, lov di pipl dem, stie huoly, ahn if dehn deh liv wan diisent laif.

1 Timothy 5:10

Pan tapa dat, di pipl dem hafy nuo disya wido fi di gud tingz weh shii deh du. Ihn fi bii wan uman weh wehn riez'op ihn pikniny dem rait, ahn weh yuuztu welkom pipl iina ihn hous, ahn weh yuuztu wash di fut dem a God pipl dem, ahn help demya pipl weh deh sofa tu. Ihn fi bii wan uman weh wehn du plenty gud ting aal di taim.

1 Timothy 5:5

So, dehn gat two kain a wido: Wan dah wehn wido fi chruut, bikaaz shii no gat nonbady fi help im; so shii gwain luk tu God fi help. Dah uman gwain prie juurin di die ahn juurin di nait tu, deh aks God fi ihn help.

Hebrews 11:11

Dah wehn bikaaz a Abraham fiet iina God, mek him ahn Sarah kuda wehn gat wan bieby, alduo dehn wehn don uol aredy; ahn pan tapa dat, fahn di biginin Sarah kudn get pregnant. Bot Abraham wehn stil yet biliiv seh God wehn gwain kiip ihn pramis tu him!

1 Peter 1:3

Bredrin, mek wi gi tanks tu God, di Faada a wi Laad Jesus Christ, bikaaz dah fi him griet morsy dah wai ihn mek wi kyan baan agen. Ahn siem taim ihn gi wi wan huop weh alaiv, sieka weh Jesus Christ riez'op bak fahn di ded!