1 Peter 3:4 - The New Testament in Islander Creole

⁴ Insida dat, unu byuuty fi kom fahn iinsaida unu: di byuuty a wan jentl ahn kwaiyet spirit weh no gwain fied-weh, bot gwain laas fareva! Iina God sait, dat dah di byuuty weh preshos tu im.

1 Peter 3:4 Iomraidhean Croise

Matthew 11:29

Du weh Ah waahn unu fi du, ahn laan fahn mi, bikaaz Ah ombl ahn Ah gat plenty pieshens, ahn unu gwain fain res fi unu suol.

Matthew 21:5

“Tel Zion daata, ‘Luk, fi unu King deh kom tu unu; ihn gwain kom ombl ahn deh sidong pahn wan danky, ahn pahn wan kuolt, wan yong danky.’ ”

Matthew 23:26

Pharisee pipl, unu blain! Fos unu fi kliin unu haat, laik unu kliin di iinsaida unu kop ahn unu pliet; den di outsaid kyan stie kliin tu.

Matthew 5:5

Dem weh ombl now, bles; bikaaz di ort gwain bii fi dem.

Luke 11:40

Unu fuul-fuul pipl! Dah no di siem wan weh mek di outsaid mek di iinsaid tu?

Luke 16:15

So Jesus tel dem, “Unu aalwiez mek unuself luk gud fronta ada pipl, bot God nuo unu haat. Unu fi memba dis: Wat impuotant fi man, no wot notn ataal fi God.

Romans 1:23

Ahn insida dehn waaship God —weh kyaahn ded nontaim— dehn deh waaship di aidal dem weh luk laik pipl, or bord, or animal, or reptail.

Romans 2:29

Nuo sah. Di chruu Jew dah di wan weh God don put ihn maak iina ihn haat. Ahn dah God Spirit huu du dat; no Moses Laa weh rait dong! Wan porsn laik dat gwain get priez fahn God, no fahn non man.

Romans 6:6

Ahn wi nuo tu seh di laif weh wi yuuztu liv don ded siem laik wen dehn kil Jesus pahn di kraas, so dat di powa a sin weh yuuztu ruul wi laif kuda get distrai. Ahn dat miin wi no hafy stie sliev tu sin no muo.

Romans 7:22

Bot iina mi haat Ai hapy wid di Laa weh kom fahn God.

2 Corinthians 10:1

Now, Ah hier seh, som pipl mongs unu seh Ai wiik wen Ah dedeh wid unu, ahn strang ongl wen Ah deh faar fahn unu! Bot Ai, Paul, deh beg unu iina di niem a Christ weh kain ahn ombl: Unu no fi push mi fi get rof wid eny a unu wen Ah kom ahn si unu fies tu fies. Bikaaz, Ah shuor seh Ah kyan taak haad tu demde pipl deh, weh deh seh mii ahn mi fren dem ongl go aan laik aadinary pipl iina disya worl ahn notn muo an dat!

2 Corinthians 4:16

Ahn dat, bredrin, dah wai wi neva gwain gi'op. Iivn duo wi bady deh wies weh, stil yet di spirit iina wi deh get muo stranga evry die.

Galatians 5:23

Wi gwain ombl, ahn wi gwain kyan kanchruol wiself iina evryting. Ahn, wen wi deh du demya gud ting evry die, dah weh di Laa deh, weh wi gwain brok? Non ataal!

Ephesians 4:2

Unu no fi tink seh unu muo beta an sombady els. Ahn no bii rof wid ada pipl niida, bot gat pieshens wid dem. Shuo unu lov wid evrybady ahn help dem.

Colossians 3:12

So den, bikaaz God wehn pik unu out fi bii fi him uon speshal pipl weh ihn lov, mek unu haat go out tu wan anada. Unu fi bii kain ahn ombl, ahn triit wan nada gud, ahn gat pieshens wid wan anada.

Colossians 3:3

bikaaz unu uol laif don ded ahn unu nyuu laif deh haid wid Christ iina God!

1 Thessalonians 4:11

Ahn mek'op unu main fi trai fi liv iina piis wid wan anada, ahn main unu uon bizniz tu. Work wid unu uon han jos laik weh wi wehn tel unu, wen wi wende wid unu.

2 Thessalonians 3:12

So, wi waan demya kain a pipl weh deh yah, ahn iina di niem a di Laad Jesus Christ, wi komaan dem seh: “Unu fi liv di rait wie deh work fi unu uon livin!”

1 Timothy 2:2

Wi fi prie fi di king dem ahn aala dehn ada pipl dem weh gat plenty atarity, so dat wi kyan liv wan kwaiyet ahn piisabl laif, deh waak nier tu God ahn no deh du notn weh gwain mek wi shiem.

2 Timothy 2:25

Ihn no fi taak haad nar rof, wen ihn deh tiich dem pipl weh no grii wid im. Bikaaz mieby som taim God gwain gi dem di chaans fi ton fahn dehn sin dem, ahn kom fi nuo di chruut.

Titus 3:2

Ahn tel dem no fi taak bad bout nonbady, bot dehn fi bii piisabl pipl, weh frenly ahn weh triit evrybady iina wan ombl wie.

James 1:21

So unu shuda get rid ah aala di dotinis ahn wikidnis weh so kaman mongs unu. Ahn iina wan ombl wie, unu fi aksep di Wod weh God wehn plaant iina unu —dat siem Wod weh kyan siev unu suol.

1 Peter 1:23

Unu baan agen chruu God Wod weh alaiv ahn gwain laas fareva. Unu no baan agen fahn wan muma ahn pupa fahn dis ort, bikaaz di laif weh dehn gi'yo gwain en'op iina det. Bot disya nyuu laif gwain laas fareva, bikaaz ih kom fahn God Wod, weh alaiv ahn gwain laas fareva.

1 Peter 3:15

Insida dat, unu fi waaship Christ az Laad a unu laif. Ahn if enybady aks unu bout di huop weh unu gat bikaaz unu dah wan biliiva, unu fi redy fi eksplien ih tu dem.