1 Peter 3:16 - The New Testament in Islander Creole

¹⁶ Bot unu fi du'ih iina wan nais wie ahn wid rispek, so dat unu kyan stie wid wan kliin kanshans. Den, if som pipl taak bad bout unu, dehn gwain fiil shiem wen dehn si di gud laif unu liv, bikaaz unu dah fi Christ.

1 Peter 3:16 Iomraidhean Croise

Matthew 5:11

“So den, unu bles, wen dehn insolt unu, kiip unu dong, ahn seh aal kain a bad ting bout unu weh dah no so, jos sieka unu du weh Ah seh.

Acts 24:16

Sieka dis, Ai aalwiez trai mi bes fi kiip wan klier kanshans fronta God ahn wid mi nieba iina evryting weh Ah du.

Acts 28:22

Bot wi waahn hier weh yo gat fi seh, bikaaz aal bout di plies dehn deh taak bad bout dis nyuu rilijan.”

Romans 9:1

Weh Ah deh tel unu dah di chruut: Ai dah fi Christ ahn ongl him! Ah no deh tel non lai ataal. Ahn mi kanshans, weh di Holy Spirit ruul, deh tel mi seh Ah no deh tel lai wen Ai seh

2 Corinthians 1:12

Wan ting deh, weh wi proud bout: wi kanshans klier-klier seh wi wehn aalwiez diil wid unu iina wan aanes, ahn sinsier, ahn gadly wie wen wi wende wid unu. Wi wehn aalwiez dipen pahn God gries, ahn no pahn wi uon hyuuman wizdom. Ahn dat dah how wi ak wid evrybady, speshaly unu.

2 Corinthians 4:2

Wi no gat notn fi du wid dehn siikrit ahn shiemful tingz weh pipl du. Ahn wi no deh trai fuul nonbady op, nar twis'op God mesij niida. God dah wi wiknis seh wi deh tel di chruut, so dat di pipl dem kyan nuo iina dehn haat seh wi no deh tel non lai ataal.

1 Timothy 1:19

Yuu fi chros iina God ahn du weh yu nuo dah di rait ting fi du. Som pipl don ton weh fahn weh dehn nuo fi bii rait, ahn bikaaz a dat, dehn don mes'op dehn fiet iina Christ.

1 Timothy 1:5

Insida dat, unu fi tiich di biliiva dem how dehn kyan get riil lov fi wan anada. Ahn datde lov kom fahn wan kliin haat, wan klier kanshans, ahn wan chruu fiet.

2 Timothy 1:3

Timothy, mi son, Ah aalwiez memba yo iina mi praya dem. Die ahn nait Ah gi God tanks fi yu, az Ah deh sorv di Laad wid wan kliin kanshans, jos laik weh mi ansesta dem yuuztu du.

Titus 2:8

So, yu fi tiich di chruut aal di taim, so nonbady kyaahn kritisaiz yu. Den, demde pipl weh deh gens wi, gwain fiil shiem ahn no taak bad bout wi no muo.

Hebrews 13:18

Ahn no farget fi prie fi wi tu, bikaaz wi shuor seh wi kanshans klier, sieka wi waahn du di rait ting aal di taim.

Hebrews 9:14

den dah ho moch muo di blod a Christ gwain kyan kliin fi wii kanshans fahn demde tingz weh wi du, so dat wi gwain kyan waaship di livin God! Bikaaz, chruu di powa a di Spirit —weh liv fareva— Christ aafa op fi him uonself az wan porfek sakrifais fi wi sin dem.

1 Peter 2:12

Unu fi liv iina soch a wie mongs di pipl dem weh no nuo God, dat iivn wen dehn deh akyuuz unu seh, unu deh du di tingz dem weh wikid, demya pipl hafy uon'op ahn seh dah neva chruu. Ahn di gud tingz weh unu du, gwain liid dem fi biliiv ahn gi God ana pahn Dat Die wen ihn kom bak fi joj di worl!

1 Peter 2:15

God waahn unu fi du weh gud, so dat unu kyan shet op demde kain a man weh no nuo notn ahn laik taak fuulishnis.

1 Peter 2:19

God gwain bles unu, if unu wilin fi tek di pien fi somting weh unu no dizorv, bikaaz unu waahn pliiz him.

1 Peter 3:21

Ahn datde flod waata dah laik di waata a wan parabl fahn wi baptizam weh siev wi now. Baptizam dah no fi wash aaf di dort fahn aafa wi bady, bot dah di pramis weh wi mek tu God seh wi gwain waak kliin, so dat wi kyan nuo seh wi no gilty iina fi him sait. Ih siev wi chruu weh Jesus Christ wehn du, wen ihn riez bak op fahn di ded.

1 Peter 4:4

Ahn now, unu fren dem weh unu yuuztu gat, dehn sopraiz seh unu no waahn jain dem agen fi du dehn wikidnis weh unu yuuztu du. So, dehn ton roun ahn insolt unu!