1 Peter 3:11 - The New Testament in Islander Creole

¹¹ Unu fi ton unu bak pahn wikidnis ahn du demya tingz weh gud. Unu fi work haad fi liv iina piis wid evrybady.

1 Peter 3:11 Iomraidhean Croise

Matthew 5:45

so yo kyan bii yo Faada iina hevn pikniny. Bikaaz ihn mek di son shain pahn di bad man dem ahn pahn di gud tu, ahn ihn gi rien tu dem weh du gud ahn dem weh du bad tu.

Matthew 5:9

Dem weh henda prablem ahn trobl, bles; bikaaz dehn gwain kaal dem God pikniny.

Matthew 6:13

Ahn kiip wi weh fahn temtieshan, ahn fahn di Bad Wan weh waahn liid wi astrie. [Bikaaz yu dah di ongli'is wan weh gat aal di Kingdom atarity, di powa ahn di gluory fi aal di taim, Amen!]’

Mark 14:7

Bikaaz unu gwain gat di puor pipl dem roun unu aal di taim, ahn enytaim unu waahn, unu kyan help dem. Bot unu no gwain gat mii aal di taim.

Luke 6:35

Nuo, lov yo enimy ahn du gud fi dem! Gi bitout wiet bak pan notn. If unu du dat, Di Muos Hai God gwain pie unu bak plenty, ahn unu gwain bii ihn pikniny, bikaaz God iivn shuo kainis tu dem weh on'grietful ahn wikid.

Luke 6:9

Den Jesus seh tu dem, “Mek Ah aks unu somting: Wat wi Laa seh wi fi du pan di Sabat die? Gud or bad? Fi help pipl or fi haam dem? Fi siev wan man laif or fi distrai'im?”

John 17:15

“Faada, Ah no deh aks yo fi tek dem outa di worl, bot Ah deh aks yo fi protek dem fahn di Wan weh Bad.

Romans 12:18

Du evryting weh unu iebl fi du, so dat unu kyan liv iina piis wid evrybady.

Romans 14:17

Bikaaz, fi bii paat a God Kingdom no gat notn fi du wid demde tingz weh wi iit or demde tingz weh wi jrink. God Kingdom dah bout how wi fi liv striet ahn iina piis wid evrybady, ahn bout di jai weh di Holy Spirit put iina fi wi haat.

Romans 14:19

So den, wi fi trai evry taim fi du demde tingz weh gwain bring piis, ahn weh gwain help wi mek wan anada fiet get muo stranga, no chruut?

Romans 5:1

Bredrin, now dat wi get rait wid God chruu wi fiet, wi gat piis wid him sieka weh di Laad Jesus Christ wehn du fi wi.

Romans 7:19

Dis dah weh hapm: Ah no du di gud weh Ah waahn du, ahn di bad weh Ah no waahn du, dah dat Ah du!

Romans 7:21

So den, dis dah weh Ai fain iina mi laif: Wen Ah waahn du rait, Ah end'op deh du bad.

Romans 8:6

Main, wen unu deh fala unu sinful haat, unu gwain ded. Bot, wen unu deh fala God Spirit, den unu gwain gat laif fareva ahn unu gwain gat piis iina unu haat.

Galatians 5:22

Bot, if wi mek di Holy Spirit kanchruol wi laif, den dis dah weh gwain kom outa fi wi laif: lov, hapinis, piis, pieshens, ahn kainis. Ahn wi gwain triit wan anada gud, ahn di pipl dem gwain kyan dipen pahn wi tu.

Galatians 6:10

So enytaim wi get di chaans, mek wi triit evrybady gud, speshaly demde pipl weh dah fi wi uon Kristyan breda dem.

Colossians 3:15

Memba seh: iich wan a unu dah paat a wan bady. So den, mek dah siem piis weh Jesus Christ gi unu, kanchruol how unu tink, so unu wi liv iina piis wid wan anada evry die. Den, unu gwain aalwiez tank God.

1 Timothy 6:18

Komaan dem fi du gud. Dehn fi bii rich iina di gud tingz weh dehn deh du evry die; ahn bii frii-handid, redy fi shier weh dehn gat wid dem weh deh iina niid.

Hebrews 12:14

Ahn bredrin, unu trai fi liv iina piis wid evrybady, ahn du unu bes fi liv wan huoly laif; bikaaz bitout dat, nonbady no gwain si God!

Hebrews 13:16

Ahn, bredrin, no farget fi du gud, ahn shier weh unu gat wid demde pipl weh gat niid; bikaaz dat dah di kain a sakrifais weh pliiz God.

James 4:17

So den, enybady weh nuo di rait ting fi du ahn den ihn no du'ih, him deh sin gens ihn uon suol.

1 Peter 3:12

Bikaaz di Laad deh kiip wach uova dehn pipl weh deh liv rait, ahn ihn aalwiez lisn tu dehn prayaz. Bot di Laad ton ihn fies gens demde kain a pipl weh du wikidnis.”

3 John 1:11

So, mi gud fren, yuu no fi fala di bad tingz —ongl fala di tingz dem weh gud. Memba seh: enybady weh du gud, dah fi God. Bot enybady weh du bad, neva si God yet!