1 Peter 2:9 - The New Testament in Islander Creole

⁹ Bot unu dah di speshal pipl dem weh God wehn pik out. Unu dah priis weh dah fi God, di King. Unu dah wan nieshan weh God set wan-said fi ihnself. God bring unu fahn outa daaknis ahn put unu iina fi him wandaful lait. Now unu hafy tel evrybady aal di wandaful tingz weh God wehn du.

1 Peter 2:9 Iomraidhean Croise

Matthew 4:16

Demde pipl weh wehn ignarant gwain get andastandin, laik dem weh sidong iina daaknis, ahn den si wan big lait. Ahn fi di pipl weh dah laik dem weh wende liv nier det, dehn gwain get fi si dehn sievya laik di son weh kom op ahn shain pan dem.”

Matthew 5:16

Dah di siem wie, unu fi mek pipl si di lait iina unu, so dehn wi si aal di gud ting weh unu du, ahn dehn wi priez unu Faada iina hevn.

John 17:19

Ah wehn gi miself uova tu yu, ahn jos tu yu, so dehn kyan gi fi demself uova jos tu yu tu, laik how dehn fi du.

Acts 20:28

Now unu hafy wach out gud, ahn mek shuor seh unu tek kier a unuself ahn di biliiva dem weh di Holy Spirit put unu uova laik shepad. Demya pipl dah di chorch weh Jesus bai wid fi him uon blod.

Acts 26:18

Ah waahn yu fi uopm dehn ai ahn ton dem roun fahn di daaknis, weh dehn deh iina, tu di lait; ahn fahn Satan powa tu God. So chruu dehn fiet iina mi, dehn gwain get fargivnis fi dehn sin ahn dehn gwain gat wan plies mongs di pipl weh God wehn pik out fi ihn uon.’

Acts 26:28

Agrippa ansa Paul, “Huol aan Paul! Yu tink seh iina dis shaat taim yu kuda ton mii iina wan Kristyan?”

Romans 9:24

Bikaaz wii dah demya pipl; wii dah di wan dem weh him kaal. Ahn him neva kaal wi jos fahn mongs di Jew dem, bot fahn mongs di pipl dem weh dah no Jew tu.

1 Corinthians 3:17

So, if enybady distrai God templ, God gwain distrai dah porsn tu! Bikaaz God templ huoly ahn unu unuself mek'op ihn templ.

Ephesians 1:14

Di stamp a di Spirit dah weh mek wi shuor seh wi gwain get aal weh God wehn pramis ihn pipl dem. Dis tel wii seh wi no hafy wory nontaim, bikaaz God wehn mek aala wi weh dah fi him, get frii. Ahn fi dat, mek wi priez ihn gluory now ahn fareva muo!

Ephesians 1:6

So, mek wi priez fi wi God fi dis frii gif weh ihn wehn gi wi chruu ihn preshos Son!

Ephesians 3:21

Mek aal di pipl dem weh deh iina di chorch fahn jinarieshan tu jinarieshan gi gluory tu wi Faada chruu Christ Jesus aal taim fareva ahn eva. Amen!

Philippians 3:14

Ah deh push fi get dah di finish'in lain so Ah kyan win di praiz. Dah praiz dah di laif weh no gwain don nontaim ataal weh God kaal wi fi get, chruu Christ Jesus.

Colossians 1:13

Bikaaz God don reskyu wi fahn outa wi sinful wiez weh wehn gat powa uova wi ahn weh mek wi liv iina daaknis. Ahn ihn bring wi sief fi liv iina ihn Son Kingdom —ihn Son weh ihn lov.

2 Timothy 1:9

Memba, God siev wi ahn kaal wi fi bii ihn uon pipl. Ahn ihn no kaal wi bikaaz a notn weh wi du, bot fi sieka weh him wehn plan fi du wid wii ahn bikaaz a ihn gries. So, bifuor taim iivn staat, him wehn don gi wi dat gries chruu Christ Jesus.

Titus 2:14

Dah him weh gi ihnself fi wii, so ihn kyan reskyu wi fahn evryting weh wikid, ahn ihn mek wi ihn speshal pipl wid pyuor haat weh riily waahn du gud!

1 Peter 1:2

Bredrin: God, fi wi Faada, wehn pik unu weh dah ihn pipl fahn lang-lang taim abak. Ahn chruu ihn Spirit ihn mek unu huoly, so dat unu obie Jesus Christ, ahn ihn blod mek unu kliin iina ihn sait! So, Ah prie seh God gwain shuo unu plenty muo gries ahn piis iina unu haat!

1 Peter 2:5

Ahn unu dah stuon weh livin tu, so mek God yuuz unu fi bil wan spiritwal hous. Unu dah priis weh huoly, so di Laad Jesus gwain help unu fi aafa sakrifais tu God weh ihn gwain aksep.

1 Peter 4:11

So, if unu gat di gif fi priich; wel, priich God Wod gud. If unu gat di gif fi help ada pipl; wel, du'ih wid aala di strent weh God gi'yo. Unu fi du evryting so dat ih kyan bring ana tu God chruu Jesus Christ weh gat aal di gluory ahn powa iina him fareva ahn eva. Amen!

Revelation 1:6

Den, ihn mek wi ruul az king ahn sorv ihn Faada God az priis. So den, mek wi gi'im aal di gluory ahn aal di powa fareva ahn eva. Amen!

Revelation 20:6

So, aal demya pipl weh shier iina di fos rezorekshan, dehn get hapy ahn uova bles, bikaaz di sekant det no gwain gat non powa ataal uova dem. Dehn gwain bii priis fi God ahn fi Christ Jesus tu. Ahn demde pipl gwain ruul wid im fi wan thousand yierz!

Revelation 5:10

Yuu don mek dem paat a God Kingdom, ahn demde pipl gwain bii priis weh gwain sorv God, ahn dehn gwain ruul iina disya worl.”