1 Peter 2:8 - The New Testament in Islander Creole

⁸ Ahn ih rait iina di Skriptyo tu seh: “Dis dah di stuon weh mek di pipl dem bok dehn fut dem ahn stombl, ahn dah stuon gwain mek dem faal dong!” Demde pipl trip uova ih, bikaaz dehn neva obie weh God seh. So weh hapm tu dem, dah weh God wehn plan fi hapm tu dem!

1 Peter 2:8 Iomraidhean Croise

Luke 2:34

Ahn Simeon bles dem ahn seh tu Mary, “Hier weh Ah deh tel yo: God pik yo son fi siev plenty pipl iina Israel lan, bot plenty a dem gwain get laas tu. Ahn az fi demya pipl, ihn gwain bii laik wan sain fahn God tu dem, bot dehn gwain rijek im ahn mak ihn mesij.

Romans 9:22

Ahn dah di siem wie wid weh God wehn don du. Ihn wehn waahn shuo ihn raat gens sin, ahn shuo seh him gat powa. Bot ihn wehn gat plenty pieshent wid di pipl dem weh wehn fit fi get kandem —aala demde pipl weh gwain get distrai. Di Laad bier'op wid dem, bikaaz ihn wehn waahn shuo demde pipl weh ihn gat morsy pan, how rich ihn gluory rich. Ahn ihn wehn waahn shier ihn gluory wid aala wi weh him wehn pik.

1 Corinthians 1:23

Bot now, wi deh tel di pipl dem bout Jesus Christ —how ihn wehn ded pahn di kraas. Di Jew dehn tek dat laik wan big afens, ahn di pipl weh dah no Jew seh, dat dah ongl fuulishnis!

2 Corinthians 2:16

Fi di pipl dem weh deh pahn dehn wie tu distrokshan, wi dah wan bad sent weh liid tu det. Bot wi dah wan swiit smel tu di pipl dem weh deh get siev! Ahn dat dah wan blesin weh wi get, iivn duo wi neva du notn fi dizorv ih.

Galatians 5:11

Bot az fi mii, bredrin, if weh som pipl deh seh bout mi dah chruu, seh Ai stil yet deh priich seh unu hafy get sorkomsaiz, dah wai di Jew dem stil yet deh moles mi den? Ahn, if Ai wende priich seh unu hafy get sorkomsaiz, den di priichin bout weh Jesus du pahn di kraas wudn afen nonbady ataal!

1 Thessalonians 5:9

Memba: God neva pik wii fi mek wi sofa aanda ihn jojment; ihn pik wii fi gi wi salvieshan chruu di Laad Jesus Christ!

1 Peter 2:6

Dah jos laik weh God wehn seh iina di Skriptyo, wen ihn seh: “Si, luk, Ah deh put wan brik iina Zion. Dah wan chief kaana-stuon weh Ai pik —di muos impuotant wan— ahn dah stuon ongl preshos tu mi! Dah him weh no gwain disapaint nonbady, weh put dehn chros iina him!”

1 Peter 2:7

Yees, him preshos tu aala demde pipl weh chros iina him; bot tu dehn pipl weh no chros, di Skriptyo seh: “Di stuon weh di bilda dem neva tink wehn wot notn, ton out fi bii di muos impuotant wan outa aala dem!”

2 Peter 2:3

Ahn sieka weh dehn so griidy, dehn faals tiicha dem gwain tel unu plenty stuory weh dehn mek'op. Bot dehn jojment deh heng rait uova dehn hed, bikaaz God neva deh sliip, ahn ihn sii aal weh dehn deh du fahn lang-lang taim!

Jude 1:4

Ah seh dis bikaaz Ah hier seh som pipl, weh deh gens God, don sniik iin mongs unu ahn chienj di mesij a God gries! Dehn deh seh how unu kuda liv slak laif, bikaaz God don paadn aala wi sin aredy! Demde kain a pipl iivn seh wi no hafy obie Jesus Christ az fi wi Maasta ahn Laad! Bot, fahn lang taim abak di Skriptyo wehn seh God gwain joj demde kain a pipl ahn ponish dem!